حكايه علياء

كاملة
حكايه علياء
كل مره اركب فيها الطياره افرج الناس عليا من الخوف والرعب الي بيحصل لي .. بس المره دي حصلت حاجه فوق الخيال
انا علياء بشتغل صحفيه وطبيعه شغلي بتخليني اسافر جوه مصر وبره مصر باستمرار لكن رغم كده مش قادره اتخلص من الخوف في كل مره اركب فيها الطياره
والنهارده زي العاده قعدت علي الكرسي وربطت الحزام واول ما الطياره اتحركت شهقت واترعشت و جالي صداع.. بس بعد دقايق هديت وبصيت حواليا كنت مكسوفه 
ولا حظت ان الشاب الي قلعد جنبي بيبص لي نظرات غريبه.. هو مش بيبص لي هو عينيه متوجهه ناحيه رجليا .. اه والله مهو كل الرجاله كده عينيهم تتدب فيها رصاصه ميفوتوش فرصه مهما كانت الظروف عند اول فرصه في دمهم .. حاولت اهدا شويه .. لقيته بيقول لي اتفضلي بصيت له باستغراب وسالته حضرتك بتكلمني قال ايوه اتفضلي لبان هيخفف التوتر الي عندك واضح انك اول مره تركبي طياره رديت عليه بكسوف وقولت له لا ابدا انا بسافر كتير بحكم شغلي بس مش قادره اتعود علي الطيران وكل مره بتعب وارتبك كده.. ابتسم وهو بيقول لي انا بقي بعشق الطيران وكمان بحكم شغلي بركب الطياره مرتين في الشهر تقريبا .. وكمل كلامه وقال عارفه ايه احسن طريقه الواحد يتغلب بيها علي الخوف من الطيران .. قولت له ايه قال لي لنك تتكلمي مع الناس وتتعرفي عليهم وبالاخص الي قاعدين جنبك ..قولت لنفسي اه ابتدينا الاسطوانات .. كمل كلام وقال لي انا كريم مهندس بترول في البحر الاحمر وطبيعه شغلي بتخليني اركب الطياره كل اسبوعين تقريبا ..اتشرفت بمعرفه حضرتك يا.... ابتسمت من طريقته في التعارف

ورديت عليه انا علياء بشتغل صحفيه ..رد عليا وقال انا ملاحظ انك لابسه اسود هل ده عادي ولا له علاقه بحاله حداد لاقدر الله
بصراحه استغربت من التطفل بتاعه الزايد 
بس رديت عليه وقولت له انا لابسه اسود حداد علشان خطيبي مات من فتره ..رد عليا وملامح الحزن علي وشه انا اسف جدا اكيد حاجه صعبه عليكي وعلي اسرتك... اه ده هيسال عن اسرتي كمان .. واضح ان التطفل زايد اوي... رديت عليه قولت له هي فعلا حاجه صعبه عليا بس للاسف معنديش اسره انا اهلي متوفيين من زمان وعايشه لوحدي
حسيت ان كلامي خلاه اهتم بيا اكتر .. قال لي انا اسف اذا كنت ضايقتك باسئلتي.. قولت له لا ابدا مفيش حاجه .. بص لي وسالني كونتي بتحبي خطيبك.. قولت لنفسي اه ده بدا يدخل في حياتي الشخصيه كمان.. بس ايه المشكله خليه يسال انا واثقه في نفسي ومفيش حد يقدر يخليني اعمل حاجه انا مش عيزاها.. فتحت الموبايل بتاعي و طلعت صوره خطيبي وريتها له وقولت له ايوه كان كل حياتي .. بص لي بدهشه وقال الصوره دي انا عارفها مش ده مدير الكافيه الي لقوه غرقان في النيل من اسبوع قولت له ايوه هو مازن خطيبي.. قال لي انا اسف جدا بس معرفتوش هو مات ازاي قولت له لا لسه البوليس موصلش لحاجه.. قال لي انا اسف مره تانيه اني اتكلمت في الموضوع ده وقلبت عليكي المواجع.. قولت السفريه دي جايه في وقتها علشان اخرج من الي انا فيه .... وسالته وحضرتك يا استاذ كريم مرتبط .. قال لي للاسف انا متجوز الشغل ولسه مش لاقي بنت الحلال الي تخطف قلبي وتكون
 مخلصه ليا في حبها
وفضلنا نتكلم انا وكريم طول الرحله بس مش عارفه ليه مكونتش حاسه اني مرتاحه للكلام معاه.. نظراته ليا وضحكته مشمريحين خالص وحسيت انه زيه زي اي راجل بيحكم علي البنت من اللبس والميك اب بتاعها من قبل ميعرفها .. واخيرا الطياره وصلت وكل واحد منا مشي في طريق
خلصت الاجراءات واخدت شنطتي ووقف ادور علي تاكسي وفجاه لقيت كريم وقف بعربيته قدامي وقال لي اتفضلي يا انسه علياء اوصلك في طريقي ومستناش ردي واخد شنطتي حطها في عربيته الفخمه الي كانت واقفه وقال لي اتفضلي اركبي.. ركبت العربيه وهو لف يحط الشنطه في شنطه العربيه لقيت جواز السفر بتاعه قدامي فتحته لقيت مكتوب فيه انه متجوز وعنده طفلين .. الاستاذ كريم طلع كذاب وياتري كذب عليا في ايه كمان 
حطيت جواز السفر مكانه قبل ميركب العربيه واول مركب سالني تحبي تروحي فين قولت له عايزه اروح اتمشي علي النيل شويه لو مكانش يضايقك لقيته فرح جدا وبدا يتكلم معايا ببساطه كانه يعرفني من سنين.. عرمني علي العشاء بالليل وقبل العشاء ندخل سينما وكنت بوافق علي كل طلباته.. حاولت اداري عنه مشاعري الحقيقيه اني كشفته وشوفته علي حقيقته ذئب بشري كذاب ومنافق...وركن العربيه ونزلنا نتمشي علي التيل .. بصيت له وسالته انت عايز مني ايه خليك صريح وبلاش لف ودوران.. بص لي وهو مستغرب .. كملت كلامي وقولت له انت بتكذب عليا من اول متكلمت معايا انت متجوز وعندك اطفال كمان .. قال لي عرفتي منين قولت له من جواز السفر بتاعك الي نسيت تشيله قبل مركب عربيتك..انا هقول لك انت عايز ايه.. انت لقيت بنت متحرره ومسافره لوحدها وبتتكلم معاك ببساطه وكمان مقطوعه من شجره قولت فرصه    قال لي انتي فهمتيني غلط انا كان قصدي اقف جنبك ر واساعدك تخرجي من الحاله الي انتي فيها   وانا عارف ان البنات الي زيك مفيش عندها مشكله .. ده انا حتي قريت ان خطيبك كان متعدد العلاقات وكان متجوز قبل ميخطبك يعني انتي متعوده علي كده بلاش تعملي فيها ضحيه ومخدوعه.. كلنا بندور نقضي وقت سعيد .. وانا ياستي كشفت لك ورقي كله  .. قربت منه شويه رقولت له مشكلتكم يارجاله انكم فاكرين انكم لوحدكم اليي بتعرفو تكذبو .. وان اي بنت ساذجه هتصدق كذبكم بسهوله
قربت منه اوي وطلعت الصاعق الكهربي من شنطتي وقربته من رقبته اتنفض ووقع علي الارض  قولت له انا كمان كذبت عليك يا استاذ كريم  انا مجرد واحده بشوف شغلي 
نسيت اقول لك ان انا الي قتلت خطيبي بالاتفاق مع مراته علشان تورثه  مهو انا قصاد  بقتله باخد ربع ثروته الي مراته وولاده بيورثوها  ومراتك اتفقت معايا نفس الاتفاق وهي الي حجزت لي الكرسي الي جنبك في الطياره
وهي دلوقتي عند والدتك في البيت هي وولادك علشان محدش يشك لحظه ان لها يد في موتك  متخافش يا استاذ كريم كلها لحظات وكل حاجه هتنتهي ومش هتحس بحاجه خالص  وفعلا بعد خمس دقايق كان قابل وجه رب كريم .. وسبته واخدت العربيه وبسرعه علي
المطار مستنياني علي الكرسي الي جنبي في الطياره الي رايحه اسوان
نصيحه لكل شاب بلاش تنحدع في اي بنت متحرره وبتتكلم معاك بسهوله وتفتكرها صيد سهل يمكن تكون انت بالنسبه لها الفريسه  
ونصيحه لكل راجل متجوز خلي بالك
 الاخيره
وعلي راي المثل  تيجي تصيده يصيدك