قصة جديدة
دفنت مراتي بعد سنه واحده من جوازنا وكنت عند قبرها منهار حرفيا لماشوفت طفل حوالي عشر سنين مش مبطل عياط وهيموت...قولت له انت كمان لك حد اتوفى هنا يا حبيبي..شاور على قبر مراتي وقال الجمله اللي خلت جسمي يتجمد من الصدمه...ده قبر امي !!!!!!
من سنه وشهور نقلت لشقة جديدة في حي هادي في القاهرة، وكنت لسه برتب دنيتي وبنقل العفش. في اليوم التاني لنقلي، وأنا نازل على السلم، شوفتها.. فريدة.
كانت ساكنة في الشقة اللي قصادي بالظبط مع والدتها . من أول نظرة، خطفت قلبي بهدوئها، ملامحها ، وضحكتها الخجولة اللي كانت بتظهر وهي بتسلم عليا وبترحب بيا كجار جديد.
سألت عليها وعرفت إنها خريجة آداب، ومشتغلتش علشان تقعد تراعي والدتها المريضة، وملهاش اختلاط بحد، ناس في حالهم .
عجبتني بأخلاقها وأصلها، ومفاتش شهرين إلا وكنت داخل بيتها من بابه.
والدتها رحبت بيا جداً وكأن ربنا بعتني ليها علشان تطمن على بنتها. اتجوزنا في فرح بسيط وجميل، ونورت شقتي. فريدة كانت نعم الزوجة؛ حنينة، هادية، وبتفهمني من نظرة عين.
عشنا أجمل ٣ شهور في حياتي، أيام كلها حب ودفا،
لحد ما في يوم رجعت من الشغل لقيتها عاملي عشا مميز، وقعدت جنبي وهي مخبية وشها من الكسوف وبتقولي أنا حامل يا سليم.
الدنيا مكنتش سايعاني من الفرحة، شيلتها ولفيت بيها الشقة، وبقينا نخطط لليوم اللي هنشوف فيه ابننا.
لكن الفرحة مابتكملش.. من الشهر الرابع، حمل فريدة كان صعب جداً، تعب وإرهاق مستمر، والست والدتها اتوفت في الشهر
كنت بلف بيها على الدكاترة، وكلهم كانوا بيقولوا إن قلبها ضعيف ولازم تلتزم الراحة التامة.
بعد سنة كاملة من جوازنا، جه وقت الولادة. دخلت المستشفى وهي بتترعش من الخوف، مسكت إيدي وقالتلي خلي بالك من ابننا يا سليم.. لو جرا لي حاجة، افتكر إني حبيتك أوي. قاطعتها وأنا ببوس إيدها وبقولها هتقومي بالسلامة يا عمري وهنربيه سوا.
لكن الدكتور خرج بعد ساعتين، ووشه خالي من أي تعبير يبشر بالخير. قالي بنبرة أسف البقاء لله.. المدام جالها هبوط حاد في الدورة الدموية أثناء الولادة.. قدرنا ننقذ الطفل، لكن هي راحت.
الكلمة نزلت عليا زي الصاعقة. صرخت، ووقعت في الأرض، ومش فاكر أي حاجة تانية لحد ما لقيت نفسي واقف وسط المدافن، بندفن حلمي اللي مالحقتش أعيشه، وبودع الإنسانة اللي ملأت دنيتي حب في شهور معدودة.
التراب لسه مالي إيدي، وريحة المدافن والوداع مأثرة على كل نفس طالع مني. سنة واحدة.. سنة واحدة بس هي كل اللي عشته معاها. كنت واقف قدام قبرها، ركبي مش شايلاني، ودموعي بتنزل تحرق وشي. مش قادر أصدق إن فريدة خلاص بقت تحت التراب، وإن الضحكة اللي كانت بتنور دنيتي من سنة واحدة بس، انطفت للأبد.
حسيت ب برودة غريبة في الجو رغم إننا كنا في عز الظهر، الدنيا اسودت في عيني، وكنت منهار حرفياً، لدرجة إني مكنتش سامع صوان العزا ولا الناس اللي بتطبطب على كتفي وبتقولي شد حيلك. في اللحظة دي، مفيش أي كلام في
وسط الوجع اللي كان عاصر قلبي، لمحت خيال صغير واقف على بعد خطوات مني. ركزت بعيني اللي مليانة دموع، لقيت طفل عنده حوالي عشر سنين، لبسه مبهدل شوية، وواقف مش مبطل عياط.. عياط بهستيريا، جسمه كله بيترعش من كتر البكا، وكأنه بيموت من الوجع. منظر الولد كسر قلبي اكتر. قولت في نفسي يا حبيبي يا ابني، صدمة الموت صعبة على الكبار، فما بالك بالعيال الصغيرة.
قربت منه بخطوات تقيلة، وحطيت إيدي على كتفه وبقيت أطبطب عليه وأنا بحاول أجمع صوتي الرايح
انت كمان لك حد اتوفى هنا يا حبيبي؟ مين اللي فارقك وسابك بالوجع ده كله؟
الولد رفع عينه اللي كانت حمرا زي الدم من كتر البكا، وبصلي بنظرة كلها كسرة وخوف، وإيده اترعشت وهو بيشاور بصباعه الصغير على القبر اللي أنا لسه دافن فيه روحي.. قبر فريده مراتي.. وقال الجملة اللي خلت جسمي يتجمد في مكانه، والدم يهرب من عروقي
ده قبر أمي!!!!!! هي ماتت النهاردة؟
اتسمرت في مكاني. والأرض بدأت تلف بيا، وحسيت إن صدري بيتفرغ من الهوا. أمك مين؟! انا الزوج الاول في حياة فريده يبقى الولد ده يقصد ايه ؟؟
قام يمشي مسكت فيه بقوه وقلت..استنى هنا انت قولت ايه
الولد مسح دموعه بضهر ايده وقال...انا لازم امشي بابا مستنيني قال لي متتأخرش
بابا؟؟؟
جسمي كله اتنفض ونطقت بالعافيه
وابوك ده مين ...والاقيه فين ؟
بس الصدمة دي كانت ولا حاجة قصاد اللي قاله بعد كده !!!!!
الولد بص حواليه برعب، وكأنه خايف حد يشوفه وهو بيتكلم معايا، وقال بصوت
بابا قاعد في العربية القديمة الزرقا اللي واقفة برة المدافن.. هو قالي ادخل شوفها ودُق على القبر وقولها إني مسامحها، بس أنا خوفت وخايف هو يضربني لو عرف إني مكلمتكش!
الولد ساب إيدي وجري بأقصى سرعة عنده ناحية البوابة، وأنا وقفت مكاني لثواني مش قادر أتحرك. عقلي كان رافض يستوعب.. فريدة؟ فريدة الهادية، الخجولة، اللي متجوزها من سنة وعشت معاها أجمل أيام حياتي، يكون ليها ابن عنده عشر سنين؟ وزوج؟ طيب إزاي؟ دي والدتها الله يرحمها استقبلتني في بيتها، والجيران كلهم قالوا إنها مش بتخرج ومالهاش اختلاط بحد!
فجأة، حسيت بنوبة غضب وذهول حركت رجلي غصب عني. جريت ورا الولد وأنا بنهج، ودموعي اختلطت بالتراب اللي على وشي. خرجت برة بوابة المدافن، وبقيت التفت حواليا زي المجنون، لحد ما لمحتها.. عربية فيات زرقا قديمة، متهالكة، واقفة على بعد مسافة. الولد كان لسه واصل وفتح الباب وركب جنب الراجل اللي سايق.
مشيت بسرعة ووقفت قدام باب العربية قبل ما يتحرك. خبطت على الإزاز بقوة وعصبية، الراجل جوة اتخض، وبصلي بنظرة كلها توتر وقلق. نزل الإزاز نص نزلة وقال بنبرة حادة بس متلخبطة
في إيه يا أستاذ؟ إنت مين وعايز إيه؟
بصيت لملامحه؛ راجل في أواخر الأربعينات، وشه تعبان وشعره شايب، باين عليه الشقا. قولتله وصوتي بيترعش من الغضب والذهول
أنا اللي المفروض أسألك إنت مين؟ والولد ده يقرب إيه للست اللي لسه مدفونة جوة دي؟!
الراجل ملامحه اتغيرت تماماً، الصدمة ظهرت
