قصة جديدة
امك لمحتلي علي موضوع الخلفة قدام مرات اخوك.
ما هي معذورة بقالنا كم سنة متجوزين ومفيش نصيب حصل.
مش لدرجة تحرجني قدام مرات اخوك وتحسسني اني عاجزة.
دخلت اوضتي وانا صعبان عليا نفسي والكل بيقطم فيا حتي جوزي حسيت في عينه نظرة حسرة!
انا هتجوز بنت خالي.
ايه ! بتقول ايه !
اسم الله عليكي سمعك خف ولا ايه قالك هيتجوز يحبيبتي.
بصيت ناحيته وهو بيبعد عينه عني رجعت بصيت لحماتي وانا الدموع اتجمعت في عيني وانا باصة في اللاشئ
الفرح اول الشهر الجاي .
هطلقني .
نطقت بيها وانا متماسكة في ردة فعلي مش عيزاهم يشوفوني وانا منهارة
بس انا عايزك علي ذمتي.
وانا قولت هطلقني .
طلقها وخلصنا من همها ارض بور.
قالتها حماتي وهي بتسيبنا لوحدنا وكالعادة اتهنت وهو واقف!
انا هتجوزها واخلف حتة العيل وهتكوني انتي امه .
عايز تاخد ابن من حضن امه! انت ايه ماشي تظلم ف الناس انا اكتر واحدة عارفة حرمان الام من ضناها بطل ظلم .
قولتها بشبه انهيار مد ايده حوالين كتفي بعدتها عني في نفور
هتصل بأهلي ابلغهم يجوا وتخلص معاهم كل حاجة .
وتم الطلاق بينا بكل هدوء وحاجتي رجعتلي بس كسرة النفس اللي جوايا متلأمتش
نعم يا بابا.
بصي يبنتي انا مش عايزك تشيلي في نفسك حاجة ربنا موزع الأرزاق علينا كلنا بالتساوي كل واحد بياخد
عارفة يا بابا ومش زعلانة.
وهو انا مش عارفك ده انا اللي مربيكي علي ايدي وعارف انك موجوعة عايزك ترضي بنعم ربنا عليكي .
الحمد لله راضية والله راضية.
قولتها وانا نبرة صوتي بتترعش
عايزة انزل شغل يا بابا.
وهل انا حارمك من حاجة أو انتي محتاجة
مش قصدي والله انا عايزة الهي نفسي وحاجة تشغلني والاقي ذاتي .
لقيتي حاجة مناسبة طب
اتكلمت بحماس
لقيت وشغل قريب من البيت كمان.
خلاص موافق يست البنات.
بدات أشغل وقتي واتصالحت مع نفسي وحسيت بسلام غريب ونجحت في مجالي ولقيت نفسي اللي كانت ضايعة.
متقدملك عريس.
تاني يا ماما !
تاني وتالت ده انتي ست البنات الراجل هيجي بليل عشان يعقد مع ابوكي.
هيترفض زي اللي قبله.
قولتها بتهكم وانا برمي جسمي علي السرير
والله حساها المرة دي غير وهتقولي امي قالت.
سرحت بتفكيري وحلمي في تكوين اسرة دافئة في طاعة ربنا وان مفيش راجل هيقبل العيب اللي عندي استغفرت ربنا وقومت اتوضيت وصليت حسيت براحة وسكينة لا توصف
هتفضلي باصة للسجادة كتير
اشمعنا أنا
مش فاهم.
اتنهدت وانا برفع عيني وبصيت ناحيته
اشمعنا انا اللي اتقدمتلي.
يمكن عشان حظي حلو.
انت عارف اني مطلقة
عارف.
عارف اطلقت ليه
مسالتش
هقولك وانت ليك حق الاختيار أنا اللي طلبت الطلاق عشان جوزي كان هيتجوز عليا عارف ليه عشان عندي مشاكل في الخلفة.
قولتها وانا ببص في عينه بحاول اشوف منهم نفور أو نظرة شفقة ملقتش لقيت نظرة حب !
انتي عارفة ان الخلفة والعيال دي ارزاق من ربنا وزي ما اتخلق الداء ربنا خلق العلاج بس مش عند الدكاترة العلاج بيقينك أن ربنا مش هيخذلك.
رجع كمل كلامه
أنا كنت حاطتت عيني عليكي من زمان كنت بشوفك وانتي راجعة من كليتك قولت اسافر اجمع قرشين وانزل اخطبك سافرت وفضلت سنة ونص ولما رجعت مصر عرفت انك اتجوزتي حزنت وزعلت وروحت اشكي وجعي لربنا عز وجل وسبحان ما انزل علي قلبي السكينة رجعت سافرت ولسا نازل من فترة وعرفت بالصدفة انك اطلقتي مترددتش لحظة اني اجي واتقدم وبعد ما عرفت اللي قولتيه أنا لسا متسمك بيكي .
انهي كلامه وهو مبتسم ليا استاذئنت منه وبابا قاله اننا هنرد في خلال يومين
بارك الله لكما و بارك عليكما وجمع بينكما في خير
عملنا كتب كتاب بسيط عزمنا الناس القريبة مننا واللي بتتمنلنا الخير بجد .
تعالي نروح نكشف ونطمن.
قولتلك مش هنروح عند دكاترة.
عايزة اطمن ولو بنسبة امل بسيط عايزة ابقي ام!
قولتها وانا بعيط وهو بيهديني وبيقرا عليا قرآن لغاية ما هديت.
العلاج مش عند الدكاترة
شاور علي قلبي وهو بيكمل كلامه
خلي هنا في ايمان من ربنا ويقين الدعاء بيغير الأقدار اوعديني انك مش هتجيبي سيرة الدكاترة تاني.
بوعدك .
ست البنات يناس والله.
فضلنا طول الفترة دي محدش فينا بيتكلم عن الموضوع وبقينا نعمل طاعات ربنا في جو من الهدوء والسكينة وبقيت ميالة لحبه ولهواه.
عايزة اروح للدكتور.
تاني
ضحكت المرة دي وانا بقول
حسا اني مش بخير شكلي خدت دور برد.
اذا كان كده ماشي تعالي نروح نطمن بدل ما يزيد عليكي والاقيكي موتي مني بدري.
قالها وهو بيضحك وبيرفعلي حواجبه بمشاكسة ضربته في كتفه بكوعي وانا بقوله
قاعدة علي قلب سيادتك.
ها يا دكتور طمني عليها.
المدام حامل في ٣ أسابيع.
بجد يا دكتور.
نطقتها وانا الفرحة هتنط من عيوني وعيون جوزي
عشان حضرتك تتأكدي اكتر هنعمل تحليل لكن باكدلك انك حامل .
خرجنا من عند الدكتور و انا هطير من الفرحة
ساكت يعني مش مبسوط
قولتها بتوجس وانا مستغربة من رد فعله
احساس استجابة الدعاء لا يوصف والله لا يوصف.
قالها وانا دموعي غلبتني كالعادة
بذمتك يشيخة في حد يعيط في مناسبة زي دي
قالها وهو ييضرب مقدمة رأسي
بعيط عشان بحبك وعشان مبسوطة.
وانا بحب ست البنات والله.
صالحت بيك ايامي
وسامحت بيك الزمن
هستني
تمت
بقلمي
رضوي بيومي
