اسكربت بنات ناس بقلم اسراء ابراهيم

اجيب اي حاجة ناكلها ماشي انتي اكيد جعانة
مكة بسرعة اه والله انا جعانة اوي
نيرة بحب خلاص نامي انتي شوية وانا مش هتأخر بس اهم حاجة اقفلي علي نفسك بعد ما اخرج عشان ابقي مطمنة فاهمة
مكة بابتسامة حاضر يا حبيبتي متخافيش
ابتسمت نيرة بحب وخرجت من الأوضة وهي بتحسب هتجيب اكل ايه وهيتبقي معاها فلوس ايه بس فجأة وقفت مكانها عالسلم بصدمة بعد ما سمعت كلام جواهر مع بنت من البنات
جواهر بضيق انتي يا بت مفيش مشوار تطلعيه وتجيلي بمبلغ عدل
ايه ياختي فاكرة نفسك في اوتيل بجد ولا ايه 
البنت بسرعة حقك عليا يا ست 
جواهر بسخرية انا نشوف ياختي بصرف علي اكلك وشربك 
شهقت نيرة بصدمة وهي حاطة ايديها علي وشها وطلعت بهدوء تاني لاوضتها وخبطت عالباب ففتحت مكة باستغراب
مكة بفضول ايه انتي رجعتي تاني ليه انتي لحقتي
نيرة بهمس بسرعة لمي حاجتنا ويلا من هنا بسرعة يلا
مكة بقلق وهي بتجيب شنطتهم في ايه فهميني طيب الاول
نيرة بصدمة الست اللي اسمها جواهر طلعت مش تمام وشكله كدة الراجل اللي جابنا ليها عارف واخد فلوس علينا منها يلا بسرعة يا مكة
مكة بخوف يا خبر انا من الاول مرتحتش ليها ولا ليه يلا بينا
نيرة بخوف خليكي ورايا وحاولي متطلعيش صوت يلا
مشيت نيرة ومكة ورا بعض ونزلو تاني تحت منغير ما حد يلاحظهم واول ما وصلو للباب سمعو صوت جواهر من وراهم
جواهر بجدية علي فين العزم يا قمرات كدة ده انتو لسة جايين 
نيرة بتهتهة اصل احنا جوعنا ولازم يعني نجيب اكل صحيح هو مفيش مفتاح للبيت اقصد للوكاندا دي
جواهر بابتسامة

طبعا فيه بس مش هتحتاجيه اصل انا علطول هنا فبفتح لو اي حد خبط اما بالنسبة للاكل فانتو متتعبوش نفسيكم عندنا فاروق بيجيب لينا كل طلباتنا من برة 
مكة قلبها اتقبض وبصت لنيرة بخوف بس نيرة حاولت تكون طبيعية فردت بهدوء لا معلش اصل احنا لسة مش عارفين هناكل ايه فهنشوف كدة ونتمشي شوية لو ممكن بس حد يودي الشنطة بتاعتنا الاوضة لحد ما نرجع احسن نسينا وخدناها معانا تاني
جواهر بابتسامة طبعا يا حبيبتي انتو بس متتأخروش
نيرة بسرعة وهي بتخرج لا متقلقيش خالص مش هنتأخر يلا يا مكة
خرجو الاتنين من البيت ووقتها بقو يجرو بسرعة من غير حتي ما يبصو وراهم وكانت نيرة دموعها بتنزل وهي بتجري وصعبان عليها حالتهم واللي هما وصلوله فصلو يجرو لحد ما لقو مكان فاضي جمب محل مقفول فقعدو فيه ياخدو نفسهم ومن غير ما يحسو نامو من التعب
يا بنتي انتي وهي اصحو انتو ايه اللي منيمكم هنا
فاقت نيرة بخضة علي صوت طه الراجل الكبير اللي كان واقف قدامهم واتفاجأت ان النهار طلع
نيرة بسرعة وهي بتقوم احنا اسفين هنمشي اهو
طه بابتسامة استني يا بنتي فهميني ليه نايمين في الشارع كدة وانتو بنات لوحديكم
نيرة بحزن النصيب يا حج احنا هنمسي ومعلش لو نمنا قدام الدكان بتاعك
طه ببشاشة انتي مستعجلة ليه مش جايز ربنا بعتكم ليا استنو. بس افتح الدكان واحكولي حكايتكم
مكة بخوف واندفاع لا يا نيرة احسن يطلع زي الراجل التاني بتاع امبارح
طه بابتسامة ماشي يا بنتي انا مسامحك بس صوابعك مش زي بعضيها عموما انا مش هضايقكم لو عاوزين تمشو براحتكم ولو حابين مساعدتي انا مكاني هنا مفتوح ليكم
بصتله نيرة بتردد احنا اسفين بس مرينا بحجات كتير وحشة ومبقاش عندنا ثقة في حد
طه بحنان ولا يهمك يا بنتي انا مقدر ومتقلقوش انا عندي بنات قدكم فعمري ما افكر اذيكم انا بس تخيلت لو هما مكانكم اكيد هتمني الاقي اللي يقف جمبهم
نيرة براحة ربنا يباركلك يا حج واسفين لو فهمناك غلط
طه وهو بيفتح المحل تعالو بس يلا وفهوني ايه حكايتكم بالظبط
في شقة فخمة كانت قاعدة نيفين وتبقي مرات عزت ابو نيرة ومكة
عزت بصدمة يعني اكبر دماغي بقولك بناتي سابو المدرسة وطفشو هربو يعني 
نيفين ببرود طب وايه يعني وبعدين انت خايف عليهم اوي ما يستاهلو اللي حصلهم عشان يبقو يمشو ورا دماغهم تاني
عزت بضيق انتي مش فارق معاكي عشان دول مش بناتك بس انا بقي لازم الاقيهم
نيفين بسخرية هو انت مش فاهم حاجة ليه مسمعتش زميلتهم اللي اسمها خلود دي وهي بتقول انها شافت نيرة بنتك بتهرب مع الشاب اللي كلنت بتكلمه من برة المدرسة
عزت بغضب بقولك ايه يا نيفين انا مش ناقصك مش كفايا سمعت كلامك ووديتهم مدرسة داخلية عاوزة ايه تاني
نيفين بمكر اهدي بس يا عزت وفهمني اانت مضايق ليه انت يعني كنت بتكلمهم عادي خلاص اعتبرهم في المدرسة وانساهم
عزت بصدمة وكأن كلام نيفين فوقه انتي بتقولي ايه عاوزاني انسي بناتي واسيبهم في الشارع انتي باين عليكي اتجننتي خلاص وعقلك فوت
نيفين بانفعالانت بتقولي انا كدة يا عزت وجاي دلوقتي بتقوي بناتي طب ما انت سايبهم ليك كام سنة اشمعني دلوقتي افتكرتهم
سرح عزت في الحلم اللي حلمه بمني مراته وهي بتعاتبه عشان مزعل بناتهم ووقتها غمض عزت عنيه بندم وحزن وهو مش عارف ازاي قلبه طاوعه
نيفين باستغراب يوه في ايه يا عزت سرحت في ايه
عزت بجدية وهو بيقوم سرحت في حياتي اللي كنت اناني فيها مع بناتي بدل ما احاجي عليهم واعوضهم بحناني بعد موت امهم سمعت كلامك ورميتهم ويا عالم هعرف ارجعهم تاني ولا لا
قال عزت كلامه وساب نيفين ومشي وهي كانت متابعاه بضيق وبعدين نظرتها اتقلبت لشماتة
طه بابتسامة طيب بعد اللي قولتهولي ده كله انا لازم اتصرف ومسبكوش تباتو في الشارع يمكن لعل وعسي تكون دي حسنتي في الدنيا يلا بينا يا بنات
نيرة بقلق ممكن اعرف هنروح فين
طه ببشاشة متخافيش يا بنتي انا زي ابوكي وبعدين انا عندي بنات قديكم يلا هعرفكم عليهم واهو بالمرة تونسوها احسن عزيزة دي الكبيرة بتاعتي ورغم ان عندها اختها مريم الصغيرة بس دايما تحسيها وحدانية اكمنها كبيرة عن اختها بيجي سبع سنين
مكة بتردد طيب هو انت ساكن بعيد يا عمو
طه بابتسامة لا متقلقوش انا البيت بتاعي قريب من هنا اصلي مش حمل مشوار وانا راجل عجوز
نيرة ارتاحت لعم طه وبصت لمكة بتشجيع وفعلا مشيو معاه معداش كتير ووصلو البيت واول ما دخل طه نادي بصوته علي عزيزة وكانت نيرة ومكة داخلين معاه بتردد
طه بابتسامة اتفضلو يا بنات متقلقوش تعالي يا عزيزة سلمي علي الضيوف
طلعت عزيزة من المطبخ وهي علي وشها ابتسامة جميلةاهلا وسهلا اتفضلو هما مين دول يا بابا زباين المحل
طه بابتسامة لا يا بنتي دول بنتين غلابة الدنيا جت عليهم يلا خديهم معاكي خليهم يغيرو ويرتاحو علي ما تعمليلنا غدا حلو زيك
عزيزة بابتسامة حاضر يا بابا