اسكريبت بقلم جين حمدي

أنا ولا اتهزيت لأسفه ده ولسه خايفة برضو.
دكتور حمدي مسك شيفت بليل.
هز راسه بتفهم بعدين مشي ناحية الباب وهو بيقول حصلنا الشرف يا سدرة مع السلامة.
أول ما خرج أخدت نفس أخيرا 
حصلنا الرعب يا فندم والله ماتجيش تاني بقى.
بس هو فضل ييجي 
كل مرة بحجة مختلفة مرة عايز علاج مرة عايز بروتين للجيم 
مرة عايز عرض فرش الأسنان عشان ده عرض مايتفوتش 
مرة بيطمن إن الأمن مستتب في الصيدلية 
أمن إيه اللي بيستتب في الصيدلية مش فاهمة
مرة ورا مرة لحد ما في مرة وسعت منه أوي وروحت لقيته خارج من البيت!
بصيت عليه بصدمة ورجعت بصيت على الباب الشقة اللي هو خارج منها أيوه والله دي شقتنا!
شوحت قدام وشه بالمفتاح 
إنت

بتعمل إيه هنا
جاي أطمن إنه الأمن مستتب عندكوا في البيت
ويا ترا لقيت أهلي عاملين شغب ولا مؤدبين
طلع المسدس وشوح بيه قدام وشي زي أول مرة وهو بيقول بتهديد بتقولي حاجة
لا لا مابقولش ده لو الأمن مش مستتب نخليه يستتب بالغصب والله..
يومها كان جاي يكلم بابا عشان يتقدملي 
واتقدم فعلا ووافقت
رغم كل التحذيرات بسبب مهنته وظروفها الصعبة 
وافقت وماندمتش إني عملت كدا..
انتبهت لما وقف مرة واحدة فبصيتله بتساؤل إحنا وصلنا
هز راسه بأيوه ونزل بعدين فتح لي الباب.
الشارع مفيش فيه مطعم ولا كافية 
مفيش أي حاجة غير عربية فول 
أول ما عيني وقعت عليها افتكرت إني قولتله إمبارح وإحنا بنتكلم إن عمري ما أكلت على عربية فول وإن دي أحد أحلامي اللي ماعرفتش أحققها لأسباب كتير منها إني معنديش صحاب يشاركوني مغامرة زي دي.
انتبهت على صوته المرح 
ماينفعش تكوني مصرية وماكلتيش على عربية فول قبل كدا..
بصيت له وأنا فرحانة وعيوني مدمعين سيف
عيوني.
أنا بحبك.
حقيقي كان أجمل يوم في حياتي لما دخل لي الصدلية إنسان غريب شوح قدام وشي بالمسدس
كان أجمل يوم 
يوم ما عرفتك والله يا سيف.
وبمناسبة إن زي النهارده من سنة إنت حققت لي أمنية إني آكل على عربية فول 
أنا حبيت أفكرك بقصتنا.
عمل سين أول ما بعتت المسدج فكتبت مسدج تانية 
عشان كدا كتبتها لك في المسدج اللي إنت بتقرأه دلوقت وحابة أقولك إني عمري ما هنسى تاريخ اليوم ده وإني ممتنة!
عمل سين على المسدج ده كمان فبعتله صورة إيدي وأنا ماسكة المسدس وأه صحيح 
أنا مابقيتش أخاف من المسدس!
عمل ريبلاي مابتخافيش أه ما أنا عارف.
أوكي مش معنى إنه مسدس صوت هو جابهولي عشان أشوح بيه قصاد وشه لأني بخاف أقرب ناحية المسدس بتاعه أبقى بخاف!
أنا يدوبك بترعب بس!
سيف لما أقولك إني مابخافش تقولي أيوه يا حبيبتي مابتخافيش هتقول إيه
رن كول وأول ما فتحت مسابش فرصة إني أتكلم 
هقول بحبك.
هي دي أخلاق الزوج الكوتي برضو.
تاني يا سدرة تاني
مش معنى إن بعد ما اتجوزنا حكيت له عن تحذيرات الناس بإنه هيكون خشن معايا بس هو طلع كوتي إنه يتضايق كدا!
سيف يا حبيبي لما أقولك إنك كوتي تقولي معاك حق يا حبيبتي هتقول إيه
هقول بحبك!
مسم!
حلو الإصرار على الرأي برضو.
جين.
سينسين.