رؤية شرعية كاملة بقلم ايمان شلبي
المحتويات
العرسان يقعدوا مع بعض الاول
كلهم أيدوا كلامها وخرجوا من الصالون وانا قاعده بعيد عنه وحاطه وشي في الأرض
ا احم عامله ايه
فركت ايدي ورديت بتوتر
ا الحمد لله و وانت
ابتسم ورد بوقار
الحمد لله
بصي يا أنسه ملك بصراحه انا معجب جدا بأخلاقك من اول مره شوفتك في الكليه
واللي زاد اعجابي بيكي النقاب اللي زادك جمال ماشاء الله
عشان كده قررت ادخل البيت من بابه
بلعت ريقي ورديت بكسوف
اه
طب
ايه حابه تسألي اي سؤال
رفعت راسي وانا بسأله بفضول
هي البنت الصغيره دي اختك
اتنهد تنهيده طويله وهو بيهز رأسه بنفي
لا
رديت باستغراب
اومال قريبتك طيب
برضو لا
بصيتله وسكتت وفي راسي الف سؤال وسؤال
البنت دي تبقي بنتي ياملك
فجأه الزمن وقف
دقات قلبي اضطربت
عيوني فضلت تبص يمين وشمال بتوهان
جايز يكون ده حلم !
جايز يكون مقلب طيب
اكيد هو بيهزر
بنته ازاي يعني
جابها أمتي
يعني هو متجوز
طب لما هو متجوز اتقدملي ليه
اي ده !
ايه الحيره دي
ايه ده ماله قلبي
كأنه اتشرخ
كأنه اتحطم
انا لاول مره اسمع صوته وهو بيتكسر
انا
فين
انا هنا ليه
انا بحلم ولا ده حقيقه
ايه تحطيم الاحلام ده
يعني انا كل احلامي أصبحت سراب
كانت كلها اسئله جت في بالي في الثانيه الواحده
كلها اسئله محتاجه الاجابات!
بصيتله وانا برد بتوهان
بنتك ازاي
بلع ريقه وهو بيفرك في أيده بتوتر
ا انا كنت متجوز و و...
وايه
رد بحزن وعيونه بتلمع بالدموع
كنت متجوز وبحب مراتي جدا
كنا عايشين اجمل ايام حياتنا
لحد ما جت سلمي بنتي من يوم ولادتها ومراتي تعبانه
كان عندها کانسر بس مقالتليش
حاولت اكتر من مره أقنعها نروح نكشف لكن كانت بترفض لأنها عارفه أن هي عندها الکانسر
وفي يوم تعبت اوي واغمي عليها
حاولت افوقها لكن للاسف مكانتش بترد عليا
وقف كلام ونبره صوته أوشكت علي العياط ...
اخد نفس طويل وهو بيكمل بصوت مبحوح
الاسعاف جت اخدتها
وقتها الدكتور خرج قالي البقاء لله
حياتي وقفت من بعدها ياملك
بنتي فضلت شهر معرفش عنها حاجه
كنت متدمر
مكنتش باكل ولا بشرب كنت عايش علي مهدئات
كنت بهرب في النوم عشان تجيلي في الحلم
بعد فين وفين حاولت اقاوم عشان بنتي
حاولت اعيش واتأقلم
جبالها اكتر من ناني في البيت عشان تراعيها وقت ما بكون في شغلي
لكن هي كانت رافضه وجودهم
كانت كل ما تكبر تسأل عن مامتها
مكنتش ببقي عارف هقولها ايه
لما كبرت شويه وبدأت تستوعب عرفتها أن هي ماټت
وقتها حالتها
اخدت اجازه من الشغل وحاولت اكون معاها يمكن اقدر اهون عليها بس للاسف مقدرتش
اكتشفت أن مهما انا كنت جنبها هتحتاج وجود مامتها اكتر مني
اكتر من حد قالي اتجوز
جايز مراتك تقدر تتقرب منها
بس كنت خاېف
مش واثق في حد
لحد ما شوفتك !
معرفش ليه انتي الوحيده اللي شوفتها ام تانيه لسلمي
لو اني عارف أن مفيش حد ممكن يعوض الام
لكن عارف ومتأكد أن مفيش زي قلبك وحنيتك
وان سلمي هتحبك وهتكون قريبه منك وهتقدر تتجاوز اللي هي فيه
بصي ياملك انا مش بغصبك توافقي
انا عايزك تفكري كويس اوي وتحددي هتوافقي ولا لا
ليكي كامل الحق انك ترفضي طبعا
هكون اكتر من مبسوط لو وافقتي تشاركيني الجاي من عمري انا وبنتي ونكون بيت سعيد مليان دفي وامان اساسه وجودك معانا
يتبع
الفصل الثالث
نعم موافقه
ليه توافقي علي حاجه زي كده فيكي ايه ناقص عشان تتجوزي واحد كان متجوز وعنده بنت
قعدت علي الكنبه وانا ببص لماما بهدوء
ارجوكي ياماما تفهميني انا....
قاطعتني بعصبيه وهي بتهبد علي الكرسي
افهم ايه
كل حاجه واضحه زي الشمس انتي موافقه تتجوزي واحد ارمل وعنده بنت وانتي حتي متخطبتيش
ليه تعملي كده في نفسك عشان ايه
واحده محترمه متعلمه جميله
فيها كل المواصفات اللي اي شاب اعزب يتمناها
اتقدملك عرسان اشكال والوان احسن من البيه ده
اشمعني ده هو اللي وافقتي عليه
رديت بنبره صوت أوشكت علي البكاء
لاني حبيته
ابتسمت بسخريه
حب
حب ايه يام حب
هو انتي تعرفي عنه ايه عشان تقولي حب
ده مجرد دكتورك !
انتي هتشتغليني يابت
رديت بدموع
ماما لو سمحتي كفايه
انا مش صغيره ومسؤوله عن قراري ده
بصت لبابا اللي كان قاعد ساكت ومراقب نقاشنا
عاجبك اللي بنتك بتعمله ده
اتنهد ورد بهدوء
بنتك مش صغيره ياثريا
سيبيها تختار اللي هي عايزاه
وبعدين بصراحه انا مش شايف عيب في الولد
شخص محترم ومتدين ودكتور في الجامعه
والبت مرتحاله
ردت ماما بعصبيه
مختلفناش بس هو مش عايز يتجوز بنتك عشان جمال عيونها
ده عايز يتجوزها عشان تربيله بنته عايز ناني للبنت
وتولع حقوقها هي !!!
رد بابا بعقلانية وهدوء
وهي موافقه بكده وانا مقدرش اغصبها علي حاجه
اظن بنتك كبيره وعاقله وفكرت في قرارها قبل ما تاخده
بصيت لي پغضب وعصبيه
اتفلقي واعملي اللي انتي عايزاه بس مترجعيش تعيطيلي في الآخر
بصيتلها بدموع ودخلت
اوضتي وقفلت عليا الباب بالمفتاح
اتنهدت وانا بقف قدام المرايه وببص علي ملامحي بكل الحزن اللي في العالم
مقدرش أنكر أني لما عرفت
كنت خلاص حاسه ان ده نهايه صبري
كنت حاسه ان ده الجبر اللي مستنياه من ربنا طول الوقت
كنت خلاص هلمس حلمي بأيدي واقف قدام العالم كله واقولهم اخيرا لقيت نصي
التاني
الشخص اللي هيشاركني عمري الجاي
لكن للاسف
بكل الاسف اللي في العالم
جاي اقول اني اتهزمت
احلامي طارت في الهواء
هي اه اتحققت لكن بشروط
وكانت شروط تعجيزيه بالنسبالي
وفي الحقيقه انا معرفش وافقت ليه !
لكن كل اللي اعرفه اني مهزومه
كل اللي اعرفه ان قلبي محطم
بعد مرور أسبوع
بارك الله لكما وبارك عليكما وجمع بينكما في خير
فوقت من شرودي وذكرياتي علي جمله المأذون واللي بتعلن اني بقيت مراته رسميا
مبروك
قلبي اتنفض وحسيت برعشه في جسمي ورديت بصوت مهزوز
الله يبارك فيك
انتي كويسه
ا اه
نمشي
بالسرعه ديه
قرب من ودني وهمس بنبره غريبه
محضرلك مفاجأه
مفاجأه ايه
ضحك ورد بهزار
وتبقي مفاجأه ازاي لو قولتلك
بصيتله وانا بفرك ايدي بتوتر وبلعت ريقي من غير ما انطق بحرف
انتي خاېفه مني
لا طبعا
رديت بتلقائيه ولهفه
ابتسم علي رد فعلي ومسك ايدي وهو بيقرب من اهلي
طب تعالي نسلم علي اهلك
قربت من ماما وانا ببصلها بتوسل
لقيت الدموع متجمعه في عينيها
مسكت ايديها وانا ببصلها من غير ما انطق حرف
كانت عيوني بتحكي كل حاجه
بټعيط بحرقه وبتهمس في ودني
خلي بالك من نفسك
اصل الانسان
مهما كبر ومهما بقي مسؤول عن نفسه
هيفضل محتاجه الام ودعمها طول الوقت
بعدت عنها بابا
مبروك يابنتي الف مبروك
الله يبارك فيك ياحبيبي
حط أيده علي كتف مازن وعيونه بتلمع بالدموع
خلي بالك منها يابني
ابتسم ابتسامه برزت غمازاته وخطفت قلبي لا اخفي عليكم سر!
بيرد باحترام
ملك في عيني ياعمي
طبطب علي كتفه بابتسامه حزينه
ربنا يهنيكم يابني
يارب
قربت مني مامته لكن المره دي مكانتش بتبصلي بقرف
وقفت قدامنا وسكتت لحظه
كانت عايزه تتكلم لكن لسانها مش مطاوعها
مش هتقوليلي مبروك ياست الكل
فركت ايديها بتوتر وهمست والدموع بتلمع في عينيها
م مبروك يابني
بصتلي ودموعها علي خدها
مبروك يابنتي
ابتسمت ورديت بفرحه
الله يبارك في حضرتك
سكتت لحظه وردت بنبره كلها ۏجع
خ خلي بالك من حفيدتي
ابتسمت من بين دموعي
في عيني
ب بنتي كانت بتحبها اوي
بنتك مين
ضحكت وهي بتمسح دموعها
انتي فاكره اني ام مازن
هزيت راسي بتأكيد
قربت منه وهي بتطبطب علي كتفه
هو ابني طبعا وربنا يعلم انا بحبه قد ايه
ب بس انا
رديت بذهول
ده بجد
مسحت دموعها وهي بتهز رأسها بابتسامه باهته
ربنا يسعدكم يابنتي
قربت منها وانا بمسك ايديها وبضغط عليها بحاول أوصلها احساس الامان
البيت مفتوح لحضرتك في أي وقت
تسمحيلي اقولك ياماما !
تسمحيلي ازورك كل اسبوع انا وسلمي
عيطت بحرقه وهي بتهمس بۏجع
طبعا يابنتي طبعا
بعد شويه كنت راكبه جنبه في عربيته
كنا لوحدنا
كان بيبصلي بطرف عينيه وهو بيبتسم ابتسامه مخفيه وكأنه عايز يقولي حاجه مش عارفه ايه هي
اخدت نفس طويل وانا ببصله برفعه حاجب
انت بتضحك علي ايه
رفع حاجبه بمشاكسه
عليكي
والله
والله
رديت بغيظ
ليه كنت اراجوز!
بص في عيوني وهو بيقولي بهيام
لا قمر
وشي سخن وبقي عامل زي الفراولايه من
تحت النقاب ومن حسن الحظ أنه مشافش ده كله
يقول
عليا ايه دلوقتي واقعه ودمدلوقه
بعيونه القمر ديه
ولا ضحكته !
ياخرابي علي ضحكته من أول مره وهي خاطفه قلبي
قلبي كان بيدق بين ضلوعي
من التوتر مقدرتش انطق بحرف علي الاطلاق
ساكته ليه
مفيش
حاسس انك متضايقه
اخدت نفس طويل وانا ببصله وبسأله بفضول
هو احنا رايحين فين
انتي خاېفه مني ليه
رديت بلهفه
لا مش خاېفه
اومال ايه
مش انا قولتلك اني عاملك مفاجأه
بلعت ريقي ورديت بضيق
طيب
شويه ووقف العربيه قدام كافيه
اول ما شوفت اسم الكافيه
قلبي رقص من الفرحه
اصل بصراحه يعني انا من زمان اوي وانا نفسي ادخل الكافيه ده
وللاسف هو للكابلز بس !
بصراحه مش فاهمه ايه العنصريه ديه
يعني السناجل جربانين يعني ولا ايه
فوقت من شرودي لما فتحلي الباب ومدلي أيده عشان انزل
بصيت علي أيده الممدوده لمده ثواني وبعدها مديت ايدي ومسكتها
قفل الباب ومسك ايدي مره تانيه واتجه نحيه باب الكافيه
الباب اتفتح واول ما دخلت اتفاجئت أنه فاضي
بصيتله باستغراب
هو الكافيه فاضي ليه
ابتسم برزانه
عشان أنا حجزته لينا
لينا بس
لينا بس
ابتسمت والدموع بتلمع في عيني بفرحه وانا بهمس بنبره بتترعش
من زمان وانا نفسي ادخل الكافيه ده
عارف
رديت بذهول
عارف منين
همس في ودني بحب
مراقب كل تفاصيلك من سنه
حبيتك بكل تفاصيلك
عرفت كل احلامك
نويت احقق ولو جزء بسيط منها
يتبع
الفصل الرابع
لعل ما أنت ساع إليه هو ساع اليك ولعلها مسأله وقت
احساس الجمله كان عظيم كان الطف واجمل احساس
ممكن الواحد يمر بيه
تخيلوا كده!
الشخص اللي حلمت بيه
الشخص اللي دعيت ربنا يكون من نصيبي
الشخص اللي قلبي حبه
هو كمان يطلع بيحبني
مراقب تفاصيلي
وقفت لحظات متنحه
مكنتش
كنت حاسه اني في حلم جميل
لكن لا
انا في حقيقه
انا واقفه وهو واقف قدامي
ماسك ايدي
باصص في عيوني بعيون بتلمع بحب
لاول مره احلامي تتحول لواقع
كان شيئ جميل لكنه مريب في نفس الوقت
من اعتاد القلق ظن أن الطمأنينة فخ!!
انتي كويسه
رفعت راسي وانا
متابعة القراءة
