رؤية شرعية كاملة بقلم ايمان شلبي
المحتويات
همشي
للاسف الكلام مش كفايه
ابتسم
بتفاهم وهو بيضغط علي ايدي بيحاول يوصلي احساس الامان
قوليلي ايه اللي يطمنك وانا هعمله
مقدرش اقولك لاني معرفش
انتي حبيتي قبل كده
هزيت راسي بنفي
عمري
اومال ايه
معني كلامك أن في حد آذاكي لدرجه مش قادره تتخطي لحد دلوقتي
تجارب الناس اللي حوليا كفيله ټرعبني من الفكره
فكره اني احب اثق في حد اديله كل مشاعري اللي مخرجتش من سنين اتعلق بوجوده يبقي محور يومي وفي النهايه يطلع كل ده سراب !!
يطلع هو شخص مزيف مشاعره
بيكلم غيري
خاطب أو متجوز
قلبي مش حمل خبطات ابدا
انا اللي يشوفني يقول جبل ومفيش حاجه ممكن تهزني
لكن انا مفيش أضعف مني
انا جبانه وضعيفه
انا لو وقعت مش هقوم منها يامازن
ملك احنا متجوزين قدام كل الناس
انا مش واحد داخل اقولك انا معجب بيكي وتعالي نرتبط شويه وهمشي واسيبك
انتي اسمك
اتكتب علي اسمي
عمري ما افكر اسيبك في يوم
انا حبيتك صدقيني !
تعرف
لما اتقدمتلي وحكيتلي انك كنت متجوز وسيبتني افكر
افتكرت انك متجوزني عشان بنتك
معرفش ليه وافقت
بس حاليا لما عرفت انك بتحبني فرحت جدا
بس في نفس الوقت انا خۏفت اوي
رد بذهول
خۏفتي
مستغرب مش كده
جدا
انت كنت بتحب مراتك
اتنهد بحزن
الله يرحمها اكيد
ودلوقتي !
مش فاهم
لحد دلوقتي لسه بتحبها
ضحك بذهول
انتي غيرانه من واحده مېته
الحكايه مش حكايه غيره!
اللي يشوفك وانت بتحكيلي عنها وعن حزنك اللي طااال لما ماټت يقول إن عمرك ما تفكر تحب تاني
انت ازاي حبتني بعدها
معقوله نسيتها
رد بهدوء
انا عمري ما نسيتها ياملك
منين عمرك ما نسيتها ومنين بتحبني
انتي عايزه توصلي لايه
انك مش بتحبني
انك متجوزني عشان بنتك
رد بهدوء
طب مانتي عارفه من البدايه اني عندي بنت ووافقتي ايه اللي اتغير
هزيت راسي والدموع بتلمع في عيني
كنت مفكره انك ممكن تفتح قلبك للحب وتحبني
وكأنك محبتش قبل كده
طب ما ده اللي حصل يا ملك !
طول ما مشاعرك مع غيري عمرك ما هتعرف تحبني
ملك مراتي اللي يرحمها عمرها ما عملت حاجه وحشه عشان انساها أو اكرهها
حطي نفسك مكاني
لو عكسنا الموضوع معقوله ممكن تنسي
رديت بحزن
لا
لكن لو حسيتي انك مرتاحه لحد من بعده اعتقد هتفكري
كل انسان محتاج اللي يسنده ياملك
مفيش حد يقدر يعيش لوحده ابدا !
سكت لحظه افكر في كلامه
وفي الحقيقه لقيته منطقي
هو فعلا كل شخص محتاج لحد جنبه يسنده
حتي انا
انا اكتر واحده محتاجه اللي يسندها
نفسي اجرب احساس البيت والدفي
نفسي اجرب احساس المسؤوليه
كنت اتمني احس مشاعري مع شخص عمره ما جربها مع غيري !
لكن هو نصيب
يمكن خير
اكيد ربنا شايل خير في الطريق
لسه هشوفه
لسه هجرب احساس الجبر
انا متأكدة من كده
ساكته ليه
رفعت النقاب نص رفعه وانا بمسح دموعي وبرد بهدوء
بفكر في كلامك
وليه بټعيطي
مش بعيط
ابتسم بتفاهم
صدقيني انا مش متجوزك عشان سلمي
انا محتاج وجودك في حياتي اكتر ما سلمي محتاجاكي
وعمري عمررري ما هاجي عليكي ابدا
عمري ما هجرح مشاعرك
هزيت راسي اكتر من مره وانا بهمس
لعله خير لعله خير
رد بمرح
طب ايه بقي مش هناكل
ابتسمت من بين دموعي برقه
ماشي
بيتزا طبعا
رديت بذهول
عرفت منين
هز رأسه بيأس من غير ما يرد وشاور للويتر اللي قرب مننا بكل احترام
طلب بيتزا ليا وليه وكأنه بيشاركني تفاصيلي بكل رضا!
فين سلمي صحيح
عند جدتها بايته عندها النهارده
هزيت راسي وكملت اكل
وبصراحه النقاب كان مضايقني جدا مكنتش عارفه اخد راحتي
لقيته قام مره واحده وسط استغرابي
علي فين
ثواني وجاي
قرب من صاحب الكافيه وهمس في ودنه وانا قاعده اراقب اللي بيحصل بفضول
شويه ولقيته بيقرب مني تاني وكل اللي كان في الكافيه خرج من المكان
قعد مكانه مره تانيه وهو بيبتسملي
ارفعي النقاب براحتك
ازاي
ارفعي عادي انا خرجت كل اللي كانوا موجودين
بلعت ريقي بتوتر ووشي بقي شبه الفراولايه وانا برفعه ببطئ
اول ما رفعته حسيت بنسمه هواء بتخبط في وشي كانت مختلطه بسخونته
كان احساس مريب لكن لطيف في النهايه !
بص في عيوني وهو بيقول بهيام
اللهم بارك قمر
حطيت وشي في الأرض وانا برد بهمس
ش شكرا
فات وقت كبير
كنا قاعدين سوا
بنحكي كل حاجه في قلوبنا
هو بيحكي كل حاجه عن نفسه
بيحب ايه بيكره ايه
نفسه فى ايه
وانا بسمعه وبتناقش معاه بكل عقلانيه
بدأت انا كمان احكي عن نفسي كل تفصيله
كل مخاۏفي
كل طموحي
كنت كتاب مقفول وجه هو فتحه وعرف كل حاجه جواه!
كانت قاعده كفيله تخليني احس شويه بالأمان
في الحقيقه مازن مفيش الطف منه
وسيم لطيف حنين متفاهم مثقف
كان فيه كل الصفات اللي بتمناها في
شريك حياتي
خلص اليوم ولو اني مكنتش حباه يخلص ابدا
رجعنا البيت لكن اتفاجئنا بوجود سلمي
ابتسمت من جوايا لاني كنت عارفه أن ده اللي هيحصل
اول ما دخلنا جريت علي مازن اللي استغرب وجودها
باااابا
حبيبه بابا
وحشتني اوي
وانتي كمان ياحبيبتي
مش هتسلمي علي طنط ملك
هزت راسها پعنف ودموع
لا انا مش عايزاها
ليه بس ياحبيبتي
كده هي وحشه هي هتاخد مكان ماما
رد بحزن
مفيش حد هياخد مكان ماما ياحبيبتي
ڠصب
انا عارفه أن هي ماټت
وان ده جنان اني اغير من واحده مېته
لكن مش بأيدي فعلا !
ثواني وسمعت صوت مازن وهو بينادي عليا بړعب
ملللك
يتبع
الفصل الخامس
متقلقش هتكون كويسه
قولتها لمازن وانا بحط ايدي علي أيده بشفقه
رفع رأسه وهو بيبصلي وعيونه بتلمع بالدموع
يارب
اتجرأت وشبكت صوابعي في صوابعه وانا ببتسم ابتسامه صغيره كانت كفيلة انها تطمنه وتدب الروح جواه
وكأنه ما صدق
ضغط علي ايدي وهو بيرفع راسه لفوق وبيهمس پخوف
يارب اشفيها
شويه والدكتوره خرجت من عندها وهي بتتنهد بتعب
قومنا قربنا منها بلهفه
خير يادكتوره طمنينا
ابتسم بهدوء
متقلقوش هي بس ضعيفه وعندها انيميا
محتاجه شويه رعايه وهتبقي زي الفل
انا كتبتلها علي شويه ادويه تواظب عليها وأن شاء الله هتبقي كويسه
اتنهد براحه وهو بيهز راسه
تمام يادكتور شكرا
تحت امرك عن اذنكم
وصلتها لحد الباب وخرجت وهي بتبصلي بنظرات غريبه
في حاجه حضرتك
ردت بشك
انتي مامتها
اتنهدت بحزن
الله يرحمها
مرات ابوها يعني
ايوه
ابتسمت وهي بتقولي بهدوء
شكلك طيبه
تسلميلي
ممكن اقولك نصيحه من غير زعل !
طبعا
بصي انا محبتش اتكلم قدام باباها لان شكله خاېف اوي
رديت بقلق
في ايه سلمي فيها حاجه
البنت اللي فيها ده حاله نفسيه
هزيت راسي بتأكيد
ايوه من وقت مۏت
مامتها وهي كده
شكلك بتحبيها
ابتسمت ابتسامه باهته
بحب باباها
واللي بيحب حد بيحب اللي من طرفه
اكيد
ارجوكي خلي بالك منها
حاولي تتقربلها وتخرجيها من اللي هي فيه
هي محتاجه حد جنبها دلوقتي
فركت ايدي بتوتر وانا بسألها
ط طب اعمل ايه قوليلي
انا هقولك
خلصنا كلام وخرجت وانا قفلت الباب ودخلت لكن ملقتهوش قاعد
عرفت أنه جوا معاها
روحت وخبطت الباب لكن للاسف مسمعتش رد
بدأ يتكلم معاها ودموعه علي خده
انا اسف ياحبيبتي
اسف اني اهملتك الفتره اللي فاتت ديه
حقك عليا يانور عيني
اوعدك مش هسيبك تاني ابدا
دمعه شارده نزلت من عيوني وانا شايفه حالته وكأنه رجع طفل صغير
اتنهدت ومسحت دموعي وخبطت مره تانيه
لف رأسه واول ما شافني مسح دموعه وهو بيقولي
تعالي ياملك
قربت منه وقعدت جنبه علي السرير وانا بمسح دموعه برقه
هتبقي كويسه
رد بحزن
انا اب فاشل اوي
ليه بتقول كده
عشان انا فعلا فاشل
لو مكنتش فاشل مكانش حصل كده ليها
انت مش فاشل ياحبيبي انت احسن اب في الدنيا
واللي عند سلمي مش بسببك
هي مهما كان محتاجه لوجود ام في حياتها
مسك ايدي وهو بيبصلي برجاء
ارجوكي
هزيت راسي بدموع
في عيني
اتنهد ومسح وشه وقالي بصوت مبحوح
انا اسف
علي ايه
اسف انك محستيش انك عروسه زي اي عروسه
ضغطت علي أيده وانا ببتسم بأقتناع ورضا من جوايا
الايام جايه كتير تتعوض أن شاء الله
ان شاء الله
يلا بقي قوم انزل عشان تجيب العلاج لسلمي
وانا هقوم اعملها شويه شوربه خضار
ابتسم بخفه
حاضر شكرا
علي ايه
بيهمس بحب
شكرا انك معايا
انا معاك دايما
ربنا يخليكي ليا
ويخليك ليا
نزل يشتريلها العلاج وانا دخلت غيرت هدومي
لبست بيجامه صيفي وعملت شعري قطتين وحطيت ميك اب خفيف
ورشيت برفيوم وانا ببص لنفسي في المرايه للمره الاخيره
فركت ايدي بتوتر وكسوف
ياخرابي مازن هيشوفني كده
ضړبت راسي بخفه
ده جوزك ياهبله
ب بس يووووه بقي يلا يلا بطلي عبط واخرجي
روحت المطبخ عشان اعملها شوربه الخضار
في الحقيقه !
هي كانت صعبانه عليا جدا حسيت ۏجعها دلوقتي في اللحظه ديه وخاصه أنها المره الاولي اللي ابات بعيد عن ماما
اتخيلت لقدر الله ماما تمشي من حياتي
احساس بشع
الانسان مهما كان سنه ايه محتاج لوجود ام
في كل مرحله في حياتنا محتاجين وجودها
لولا وجودها في حاجات كتير اوي مش هنقدر نعملها
هي الدعم والسند
هي اللي بتداوي چروح محدش قادر يداويها
هي اللي قادره ترسم الطريق
سلمي متهنتش بوجود مامتها
هي اصلا مشافتش ازاي الام قادره تكون بيت صغير حنين ودافي
زمايلها في المدرسه اكيد بيتكلموا عن أمهاتهم
المدرسين مواضيع التعابير اللي بتتكتب كتب الدين اللي بتتدرس السوشيال
كل مكان وكل شخص بيحكي عن الام لأنها مصدر حياتنا
معذوره وعمري ما هزعل منها لو قالت ايه !
عملت الشوربه وحطيتها في طبق غويط وخرجت من المطبخ
في نفس الوقت اللي الباب اتفتح ودخل مازن وهو
بيتنهد بتعب
وقفت وقلبي هيخرج من مكانه من كتر الاحراج
والتوتر اللي كنت فيه
اما عنه اول ما شافني وقف مذهول
وكأنه اول مره يشوف بنت في حياته !
قرب مني وانا واقفه ركبي بتخبط في بعض وشويه وهعيط
بتمني لو الأرض تنشق وتبلعني
وقف قدامي ومن كتر التوتر الطبق كان هيقع مني
سنده وأيده لمست ايدي
وقتها حسيت أني اتكهربت
اللهم بارك زي القمر
ش ش ش شكرا ش شكرا
ابتسم بمرح في محاوله منه لتخفيف التوتر
بصراحه حمدت ربنا أن الجمال ده كله متداري تحت النقاب
ا اه
مسك ايدي وهو بيبص في عيوني
انتي جميله اوي ياملك
بلعت ريقي ووشي بقي عامل زي الفراوله من الكسوف
ا انا ا انا
رفع حاجبه بمراوغه
انتي ايه
هه سلمي س سلمي لازم تاكل الشوربه وهي سخنه و....
بعد
وبعد شويه وقف ضحك وقالي بحنان وهو بيطبطب علي وشي
طيب ياحبيبي روحي صحيهاوانا هغير واحصلك عشان تاكل وتاخد علاجها
ابتسمت ابتسامه مهزوزه واخدت الطبق وجريت علي اوضتها
فتحت الباب ودخلت لقيتها صاحيه
ضامه ركبتها الاتنين في بعض
متابعة القراءة
