بالحب نستطيع بقلم مريم سمير
_أنت تعبان يبني انا اكبر منك ب 3 سنين وجايي تتقدملي
مريم!!!
_ها عاوز ايي
هنتخطب امتيي
_أنت مش طبيعي انت تعبان يبني!!
متقوليش يبني ديي تاني
_احمد انا مش بهزر انت جايب اهلك ليي وجايي تطلب حاجه مستحيله
هو انا جايبهم من الصين!! دا شقتنا قدام شقتكم
_احمد انا مش بهزر دلوقت والله انت جايي ليي
عشان اتجوزك
_أنت عاوز تجننيي انت السنه الي فاتت كنت بذاكرلك للكليه
انتي مش فاهمه حاجه يمريم
_فاهمه اننا صحاب جامد وبس
مش فاهمه قد ايي انا بحبك!!
وحاولت والله حاولت ابعد بس مفيش حد شبهك والله يمريم حاولت ابعد بس في كل مره كنت بجيلك اول متحصليي مشكله لما اكون بكلمك بحس اني فرحان وان دا احسن وقت في يوميي من ساعه مسكنا هنا من 8 سنين وانتي بقيتي صحبتي والوحيده اي مش بتلاحظيي اني مش بكلم غيرك!! وعلى طول بتمديلي ايدك لما احتاجك والله غصب عني وقعت في كل مره كنت ازعلك فيها عشان احاول متعلقش بيكي اكتر من كده بس خلاص حصل الي حصل لما جبت مجموع كليه تجاره كنت مبسوط اويي كنت بتحجج ب ايي حاجه في المنهج عشان تشرحيهالي واشوفك اكتر انتي ليي انانيه ورافضه تديليي فرصه فرصه واحده بس عشان اثبتلك كلامي دا وانه مش كلام وخلاص
انا همشيي كده كده انا مقولتش لأهلي هي زياره عاديه ليكي بس بشوف رد فعلك بس تعرفي انا هفضل احاول يمريم عشان
اتعصب واتغيرت ملامحه وايي حد هيتقدملك هقطعلك رجله عشان ميبقاش قدامك غيري ونحكي ل ابو بكر وموسى وخديجه قصه حبنا ال..
_مين ابو بكر وموسى وخديجه!!
ابتسم ولادنا
مشي وانا فاتحه بوقي هو ايي الي بيحصل انا مش فاهمه حاجه هو ازايي يفكر في كده!! ازاي مبعدتش لما شكيت انه بيحبني كنت على طول اقول دا عاقل مستحيل يحبني الا ك اخت بس طلع اهبل!!
كنت بتهرب منه مخرجش البلكونه ولا اشوفه منكرش انه أغلى حد في حياتيي وانه وحشني هو والقهوه بتاعته هو وضحكته ونصايحه التافهه هو وحكاويي الليل ونصلي الفجر وننام هو ليي يعمل كده ويخليني اخاف اقرب تاني
عديي اسبوع انا والله مش عاوزه اعلقه بيا عوزاه يفهم ان دا مستحيل يحصل وانها اوهام في دماغه بس هو انا اه كده بعاقب نفسي معاه بس تمم المهم يفهم
سمعت تخبيط على البلكونه الساعه 9 كنت عارفه انه هو خدتت نفس وخرجته ببطئ وفتحت البلكونه وطلعت
_اهلا يا احمد اخبارك
_مالك زعلان من حاجه
بصي يمريم انا مش هفرض نفسي عليكي خلينا نرجع صحاب بس متبعديش انا كل يوم اخرج على أمل انك تبقى في البلكونه بس مش بلقاكيي!! كنت عاوز اقولك انيي اترقت في شغلي وقد ايي كنت مبسوط وكنت عاوز افرحك عشان عارف انك هتفرحيلي انسى كل الي حصل انا عاوزك في حياتي ايا كان بقى بصفتك ايي المهم تبقى موجوده
_وحشتني يبرو
والله
فضلنا نتكلم وعملي قهوته الي مش بشربها غير من ايده أو يمكن ملهاش طعم غير معاه!! احنا الاتنين نجحنا اننا نبقى نقط ضعف والبعد بيوجع 8 سنين مش قليلين بردو!!
_هتخشي تصليي وتناميي حلو
حاضر
_هدعيلك
ابتسمت وانا كمان هدعيلك
لما يكون اسم شخص ملازمك في الصلاه لما تمنعي نفسك تقولي اسمه بس تلاقي قلبك مره واحده كده بيدعيله بيفتكره
دخلت صليت ونمت وصحيت على صوت ماما وهي بتصحيني
_ايوه يجدعان ايي البيت الي محدش يعرف ينام فيه ليله دا!!
كلمي ام احمد يلا بسرعه
صحيت وفوقت وروحتلها
_ايوه يطنط
معلش يمريم احمد ناسي ملف مهم جدا وعنده اجتماع النهارده
_دا لسه مترقي يخربيت نحسه دا وقته!!
انتي عارفه الشركه بتاعته مش كده
_ثواني هلبس وهودهوله
لبست بسرعه دريل وطرحه طب والله حتى واحنا سريعين جامدين اه والله ربنا يحميني هه بهزر معاكم انا بتنمر على نفسي وقت فراغيي اصلا
ركبت تاكسيي وروحت للشركه وطلعت بسرعه على السلم وفتحت الباب وانا بنهج مش عارفه اجريي حتى إلهي يبتليك بنصيبه لقيت بنت مقربه من أحمد واحمد قاعد يمضي على ورق
_مرييمم!! انتي اي الي جابك هنا
فضلت ساكته وبصاله هو والبنت الي جمبه
_طب اتفضلي انتي يمنيي خدي الورق الي على المكتب
طلعت وهو جه وقف قداميي
نسيت الملف والملف اهو خلاص كده خلصت سلام
مسك ايدي
وسابها
لا خالص بس عاوزه امشي
_بجد يمنيي مش عارف اقولك اي عشان الملف دا كان مهم اويي في اجتماع النهارده
انا اسميي مريم علي فكره مش عاوزه اعطلك انا ماشيه
منيي!! هو بيغلط في اسمي بجد طب وهي كانت مقربه منه ليي كده وهو مبعدش ليي طيب انا ماليي!! هو حر بس مش حر يغلط في اسميي ويندهلي ب اسمها والله
روحت وفضلت قاعده على السرير كنت بفتكر الموقف ومش عارفه لي شاغل تفكيري يمكن اتلغبط عشان ضغط الشغل مش اكتر بعد شويه لقيت البلكونه بتخبط
فتحت لقيته بينهج
_أنت المفروض مش تبقى في الشغل
خلصت الاجتماع وجيت
_اه مع منيي
اه كانت معانا و.. استنى اشمعنا!!!
_عاديي عشان سكرتيرتك ف اكيد مهمه
مهمه جامد وحلوه منتي شوفتيها
_اه شوفتها
امي بتقولي انها مناسبه
_مناسبه ل اييي
ليا
_اه ربنا يتمم على خير انا داخله عشان هنام
دخلت وقفلت البلكونه هو ايي الي بيحصل!! وانا ليي هنفجر من الغيط ولي قلبي حزين!! مهو اكيد هيخطب يعني و..
دخلت ماما
_حتى جلد نفسي في البيت دا ملهوش خصوصيه
خبر حلو
_ها قولي يكش نفرح ونخلص
في عريس كلم باباكي وجاي يشوفك النهارده ولو فيه قبول هيجيب اهله ويخطبك
_هو انتي خطبتيني!! خطبتيني وانا واقفه كده عاديي يعني خليه يجيي
بجد!!
ابتسمت بمكر _ايوه طبعا
طلعت وانا طلعت من البلكونه وندهتله محدش
_شكلنا هنفرح سوا
