قصة جديدة منة ممدوح
يبقى أنت اللي عيل فافي
_عيل وفافي! أنت عارفة إن لو حد تاني قالي الكلمتين دول هعمل فيهم إيه
تؤ تؤ
_هيترحم على روحه
قربت منه وبصيت في عيونه _طب وأنا
ابتسم _هترحم على روحي أنا!
اتأملت في عيونه اللي خاطفاني كانت بتلمع ومليانة مشاعر أنا قارياها بس هو مش معترف بيها بس على مين هفضل
وراه..
ابتسمت مسكت آيديه ومشيت بيه زي اللي ساحبة ابنها احم بس ابنها طويل حبتين وعريض حبيتين وقمر حبتين... تلاتة أربعة كدا..
هاخدك دلوقتي على مكان السندوتش دا مينفعش يتاكل غير فيه
حسيت بإيديه بتضغط على كف إيدي فابتسمت ومشيت بيه لحد ما وصلت لشط البحر كان الموج عالي والجو برد بس ميفرقش كفاية دفى وجوده! أخدته ووصلنا لكرسي قدام البحر..
أهلا بيك في مملكتي الخاصة
ابتسم_ وأنا أقول بتهربي فين وقت البريك!
ضحكت_ كشفت سري الصغير متقولش لحد بقى
_متقلقيش خالص سرك الصغير في بير غويط
وأنا متأكدة..
_بتيجي هنا من زمان
تقريبا من وقت ما اشتغلت في الشركة تقريبا المكان دا شهد لحظات اڼهياري وصياحي وعياطي اللي
بلا سبب
ضحك
_بس أنا حاسس إنها مش آخر مرة.
ناوي تسرق مكاني ولا إيه!
_لا ناوي أسرق حاجة تانية
سليم! مبحبش أسلوب الخبث والغموض في الكلام دا بجد!
_والله الحدق يفهم
ولو مفهمش
_يبقى حلوف
سليم بقى!!
_والله سليم فاضله تكة وياخدك ويخطفك ممكن إذا سمحت متقوليش اسمي تاني
ضحكت _ وأنت فاكر إن خطڤي هيبقى بالسهولة دي ميغركش
_هو أنت فيكي خبطة هو قلم واحد وهتتكلي
هه دا في خيالك بس
_بتتحديني!
للحظة لقيته وقف فسألته_ رايح فين
_هخطفك
وفجأة لقيته بيميل مرة واحدة وفجأة برضه لقيتني طايرة في الهوا وهو ماشي بيا..
سليم سليم بتعمل إيه انت اتهبلت نزلني يلا
حاولت اتحرك كتير_ يا سليم نزلني يخريبيتك! أنت هتخطفني بجد ولا إيه!! طب أنا أسفة والله أنا عيلة صغيرة وبقول اي كلام نزلني بقى
نزلني وقال _محتاجة تخسي شوية قطمتي ضهري
خبطته في كتفه بعنف_ أنت انتهبلت ولا إيه!! وبعدين قصدك إيه يعني قصدك إني تخينة!
_والله كلك نظر
بقى هي كدا! طب روحني!
_أنت اللي جايبانا هنا على
بصتله بغيظ وخبطت برجلي في الأرض_ طب أنا ماشية واشبع بالمكان إلهي تيجي موجة تطيرك وتخلصني منك
_منة تحبي نروح نشرب قهوة
عملت نفسي بشتغل _معلش يا سليم مشغولة شوية ومش فاضية
_طب أجيبلك معايا
لا شكرا
قرب ووقف قصاد المكتب
_فيه حاجة مضايقاكي
لا
_طب متضايقة مني
قولت لا يا سليم معلش بقى روح أنت عشان مش فاضية دلوقتي
فضل واقف قدامي شوية لحد ما سابني أخيرا وخرج من غير ولا كلمة سيبت اللي في إيدي وسندت ضهري على الكرسي وأنا باخد نفس عميق محاولة تجاهله صعبة جدا بالنسبالي بس دي من ضمن الخطة! ثواني ولقيت الباب بيتفتح وهو داخل زي العاصفة..
_أنت إيه حكايتك قوليلي ها إيه حكايتك!!
انتفضت بفزع_ إيه يا سليم فيه إيه!!
_إيه حكايتك مش فاهم أنت عايزة تجننيني ولا عايزة تخوتيني ولا عايزة إيه مني بالظبط!
عملت بريئة _أنا مش فاهمة فيه إيه
_متجننيش! كل دقيقة بحال وكل دقيقة بأسلوب شوية الاقيكي مهتمية شوية الاقيكي متجاهلاني شوية حباني وشوية شايفاني هوا بس أنا مش لعبة في إيدك يا منة ومتزعليش في الآخر
قالها وسابني وخرج بنفس العصبية حسيت بالغيرة الشديدة لمجرد فكرة إنه يكون لواحدة تانية..
_واحدة تانية!
خرجت جري وراه لحد ما لقيته نزل تحت قدام الشركة..
_سليم استنى ولا! يعني إيه واحدة تانية ها أنت يلا!
وقف وبصلي بإستغراب _ولا!!
مسكت ياقة بدلته بعنف_ يعني إيه واحدة تانية ها! بعد دا كله وحوارات كيف تشقطين ذكرا وتقولي واحدة تانية لااا دانا أصور قټلى هنا!
_نزلي إيدك الناس بتتفرج علينا
مش أعمل دا كله وفي الآخر تيجي تقولي واحدة تانية لا يا حبيبي!
_نزلي إيدك قولت
قالها بعصبية فنزلتها پخوف تلقائي _كيف تشقطين ذكرا!
متفهمش غلط دي كانت خطة ملك صاحبتي والله عشان قولتلها إني
هحطك في شوال وأخطفك واجيب مأذون وأخليك تتجوزني بالټهديد..
كتمت بوقي بإيدي بعد ما أدركت الکاړثة اللي قولتهاوهزيت راسي ب لا فابتسم_ يعني أنت مطلعش عندك انفصام في الشخصية
لا والله أنا سليمة أهو
_الشوال معاكي ولا نشتري واحد
نعم!
_انتهت حلول الأرض الأمر متروك للمأذون
سليم!
_يلا أخطفيني
ضحكت _يلا يا قرة عيني
وكيف أتوب عنك والقلب في حضرتك
منة ممدوح
