اسكريبت هنا حازم
انا هستناك .
حاولت اعترض بس هو صمم
خلصت شغل و كنت ببص عليه احيانا و عيني بتيجي في عينه .
طلعنا و كنا ماشيين جنب بعض ساكتين مكنتش عارفة اقول ايه أو يمكن كنت مبسوطه ان حد ماشي معايا .
تيجي ناكل ايس كريم
قالها بحماس طفولي حبيته و وافقت اه الجو ساقعة بس الايس كريم ميحلاش إلا في الشتا
فضلنا نضحك و نتكلم طول الطريق اول مرة اخد علي حد بالسرعة دي و اتبسط معاه جدا و اكتشفت حاجات كتير في شخصية احمد عمري ما لاحظتها او عرفتها كان بقالي كثير مضحكتش كده و لا اتكلمت مع حد كتير كده .
وصلنا و طلعت و من جوايا مكنتش عايزة الطريق يخلص
بقيت بشوف احمد كتير في الكافيه و بيطلب نفس طلب اول
و مرة ورا مرة بقيت انا اللي بعملها بنفسي و الكل كان مبسوط بشغلي و عايزيني اشتغل معاهم في المطبخ و المدير معترضش رجعت افتكر و اتقن الشغل بعد ما نسيته سنين و بقيت متعودة علي وجود احمد في المكان و اتعودنا كل مرة نرجع سوا
كنت بتعلق بيه اكتر بس في نفس الوقت خايفة خايفة اتساب تاني و اسيب نفسي لقلبي..
بعد شهر
لقيت ندي فجأه فتحت باب اوضتي و في ايدها فستان
ايه ده انتي ايه اللي جابك!
قومي بس بسرعه مفيش وقت البسي ده.
ملحقتش اتكلم لقيتها طلعت علشان البس وجت بعدها حطتلي ميكب خفيف و أنا لحد الان مش فاهمه في ايه
علي الساعة ٧ طلعنا الصالة لقيت خالتي
انا جاي اطلب ايد لمار من حضرتك يا عمي
بصتله بصدمه وقمت من مكاني
ايد مين انا مش موافقه!
ودخلت اوضتي بسرعة و قفلت الباب .
تاني يوم لقيت بابا بيقولي ان احمد طلب يشوفني و هو مستني في البلاكونة
اتوترت و اترددت اطلع بعد اللي عملته امبارح .
دخلت و قعدت علي الكرسي اللي جنبه
ممكن اعرف رفضتيني ليه
فضلت ساكته و انا منزله راسي عشان عارفة لو اتكلمت هعيط
اتنهد و بصلي
لمار انا بحبك و من زمان بس انتي عندك ما عبرتيني او شوفتي الحب في عنيا او في كلامي معاكي انا عارف اللي حصل معاك و إنك خايفة و..
وانا كمان بحبك و اه لسه خايفة
و انتي فكرة اني هقدر حتي افكر ازعلك و انا اللي استنيت منك نظرة
تراضي قلبي و استنيتك سنين بعد ما كنت فاكر انك خلاص مش من نصيبي
عيطت عشان عارفة انه صادق في كلامه و عشان الحب باين في عيونه .
قام و قالي فكري براحتك و كنت عارفة ان ده الشخص الوحيد اللي مش عايزة اخسره فعلا .
استنيت اسبوع قبل ما ارد عليه
و بعتله علي الواتس
طبق الكيك الجاي هتاكله في بيتنا عشان البنات كترت في الكافيه .
رد بسرعة اكنه كان مستني الرساله
ايه
متطلعش إلا بالورد الأحمر و الجاتوه يكون شوكولاته
مش عايزة اعمل غير حاجة واحدة دلوقتي
ايه هي
احمد!!
قصدي ابوس ايدك لولاها مكنتش دقت الكيك
لسه
بقلم هنا حازم
