قصة جديدة
هتهاديني أي في عيد ميلادي يا زياد
ورد
تؤ بلاش الورد أنت كده بتقتله
وأنت عاوزة أي يا نجمتي
همم عاوزاك يا زياد
صوت صړاخ عالى وهيصة في البيت برا
أي اللي حصل
مرات عمك جايبة لزياد عروسة وهو رافض وحصلت عركة بينهم تعالي ملناش دعوة
الكتاب اللي في أيدي وقع والدمع نزل من عيوني مع صړاخ زياد مع مامته هي عارفة أنه بيحبني وأنا بحبه بس هي ليه كده!!
لا يا ماما مش عايز أتجوز مش وقته خالص الجواز ولما هتجوز..هختار واحدة قلبي عايزها بإختياري يا أمي هختار سديم
أنا عاوزة سكن في الجامعة
يا سديم جدك مش هيوافق
ميوافقش أنا مستحيل أقعد في البيت هنا
مليش دخل أسألي جدك
طب أنت إزاي متكلمتيش معاه وفهمتي منه هو ليه وافق على عروسة أمه
هه قولتيها بنفسك أمه!! وبعدين ي يارا أنا أتكلمت معاه ولكن..
بصيت جنبي وقلبي دق وقولتلها
الورد دا دبلان شيليه ي يارا
بس دا لسة جديد
الوردة بتدبل أول ما بتتقطف ي يارا زي القلب كده لما بيتجرح بيفضل معلم ودبلان طول العمر.
اتقدمت مني وطبطبت عليا وقالتلي
أنت كنت بتحبيه وباين على عيونك متحاوليش تداري أحكيلي أي حصل بعد كده
أتقدمت من الزهرية بتاعت الورد ومسكت الورد وحركت صوابعي عليها
عراك بينه وبين والدته أدى لزعلها منه ومقاطعتها ليه پتكرهني.. مش پتكرهني کشخص هي مش بتطيقني لأنها مش بتحب أمي.
قعدت
فهمت وقتها أن زياد علشان يرضي أمه سابني وقرر أنه هيتجوز البنت اللي جبتهاله ي يارا.
يا جدو أنت بتقف قدام مستقبل كده
مستقبلك ولا هروبك من هنا يا سديم
مدام أنت عارف عايز تمنعني ليه يا جدو سيبني أبعد يمكن ألاقي في البعد راحة
سبت الورد وأتقدمت خطوة منها ومسكت خدودها
أنت اللي لحقتيني في المكان دا ي يارا تعرفي إني بحبك!!
لما جيت هنا أول مرة كنت خاېفة بلد جديدة ولوحدي وأنا مختمرة وسط الشعور دى!
رجعت بذاكرتي لورا لما جيت هنا وبدأت أندم على أخد قرار زي دا لأني لوحدي وفي غربة وللحظة وحشني زياد وحشني أنه كان معايا في كل مكان في كل طريق باخده لكن دلوقتي أنا لوحدي.
لما دخلت كنت بلف حوالين نفسي مش فاهمه أنا رايحة فين لحد ما جه الأهبل خطيبها..
سيف كان بيعاكس بنت أجنبية بالمصري والبنت مكانتش فاهماه كان باين عليه عيل تافه ولكن الوحيد اللي هيفهمني أو يقدر يساعدني.
وقتها روحت وطلبت المساعدة منه وسألته المكان وأندهشت لما أتعامل معايا بإحترام وأنه كان بيهزر وأنه كائن تافه ومرح زي ما عرفت منك بعدين لما عرفني عليك فاكرة
لما قالي
هنا بقا أجمل وأرق بنت في الجامعة يارا خطيبتي..
بصتله بصة ورفعت حاجب وقالي
كنت بهزر الاه
وأهو يا ستي بقينا أصحاب
هتعملي أي لما ترجعي يا سديم!
زي ما عملت طول السنين دى هتجاهل أي حاجة عنه.
كملت وأنا ماسكة فستاني الأبيض المنقوش بفصوص الورد الصغيرة وقولتلها
لما ماما كانت بتفتح في سيرته كنت بقفلها على طول وأكيد هو أتجوز دلوقتي هيفيد بأيه فتح أوراق الماضي.
حطت الفنجان اللي في أيديها على الترابيزة وقالتلي
يا تري يا سديم هتستحملي تشوفيه!!
متأكده إني هنهار ولكن مش قدامه قلبي هينهار من جوا ولكن هفضل ثابتة قدامه ولا أقولك أنا هحاول أتجنب مقابلته
أنا بكدب عليها ولا على نفسي أنا واحشني وعايزة أشوفه لكن أنا لا يمكن أسمح لنفسي إني أحن ليه زياد خلاص أنتهي والمفروض حبي ليه ينتهي هو أختفي بعد آخر مرة واجهته فيها
أنت فعلا هتتجوز حد تاني
أنا إسف لكن أمي..
أنا عارفه انها أمك لكن أنت كده بتقطع علاقتنا ببعض إحنا ولاد عم وأصحاب وأنت بتحبني تيجي بكل بساطة تكون لحد غيري تقبل إني أتجوز حد غيرك!!
مش هسمح بده اسمعيني يا سديم مستحيل أسيبك أوعدك هلاقي حل
صړخت وعيوني دمعت
وبعد دا كله أي هتلاقي حل بعد ما تخطب وتتجوز غيري هتشوف الحل وقتها لا يا زياد مش هسمح بكده أبدا مستحيل....
وأخيرا أنا أهو في مصر بعد ما ودعت يارا وسيف وقالت أنها هتنزل بعد أسبوعين مع الولا سيف عشان يجهزوا للفرح.
نزلت المطار شايلة الشنطة وواقفة
قلبي دق پعنف ومستحملتش ركبت تاكسي وطلبت يطلع على البيت ماما طبعا أتصلت
أنت فين يا سديم أي يا بنتي أتأخرتي كده ليه
بكدب أنتم اللي اتأخرتوا يا ماما طايرتي نزلت بدري واستنيتكم كتير فركبت تاكسي وجيت
يعني أنت طلعتي على البيت دلوقتي
أيوة يا حبيبتي طلعت وقربت أوصل
خلاص إحنا جايين وراكي أهو
حاولت بكل قدر إني ما أشفهوش كنت بتجاهله متعمدة وكله لاحظ دا حتي جدى كان ملاحظ تصرفاتي ولكن في النهاية قابلته لما أتجمعت العايلة
حمدلله على سلامتك يا دكتورة
الله يسلمك يا بشمهندس
الورد دا ليك
مش باخد حاجة مقتولة وهتدبل فيما بعد
وتجاهلته وروحت سلمت على عمي الغريبة إن مرات عمي بتاعملني كويس وكل شوية تطبطب عليا وبعد ما اتغدينا وكلام كتير بينهم أستأذنت إني أروح أغير
استني يا سديم أنا عايزاكي في كلمتين
كانت مرات عمي ماما زياد ودا اللي خلاني استغرب جدا!! أخدتها وطلعنا البلكونة
إتفضلي يا طنط
حقك عليا يا بنتي أنا غلطت في حقك وحق زياد اللي عرفته
إنك بنت أصول ومبتغلطيش في حد وبعدتي عشان متفرقيش بيني وبين أبني..
سكتت وبعدين قالتلي
أنا مكنتش بحبك بسبب غيرتي من أمك وأنها لما أتجوزت وجات هنا كان كله بيهتم بيها بس هي عروسة جديدة وكان لازم يهتموا
