قصة جديدة

سكتت هنيه لحظة وبعدين شدت نفس طويل وكأنها بتاخد قرار عمرها وقالت وهي ماسكة إيد نواره
يا ازهار اني عايزاك في كلمتين كبار والبت دي لازم تسمعهم زين.
اتصلبت ازهار مكانها وقالت بتحفظ خير يا ست هنيه ربنا يجيب اللي فيه الصالح.
ابتسمت هنيه ابتسامة تقيلة وقالت الصالح بعينه اني عايزة نواره تبقى مرات ولدي فواز.
وقعت الكلمة كيف الطوب على راس نواره حست الدنيا بتلف بيها وسحبت إيدها بسرعة من إيد هنيه وهي بتصرخ من غير ما تحس

لا لا والله ما يحصل!
اتخضت ازهار وقالت بسرعة انتي بتقولي ايه يا بت اسكتي!
بس نواره كانت خلاص الڼار ولعت جواها لا يا اماي لا اني ما اتجوزش واحد ما يفهمش يعني ايه جواز ولا ابقى عروسة شفقة!
قامت هنيه واقفة صوتها علي عيب يا بت! فواز راجل وفيه اللي مكفيه وماله ونسبه يشيل جبل!
ردت نواره ودموعها بتنزل المال ما يعوضش العقل ولا القلب ولا الأمان.
وبصت لهنيه في عينها لأول مرة بقوة اني مش ناقصة حد يتحكم فيا ولا ابقى محپوسة في جواز ما اخترتوش.
حاولت ازهار تمسكها يا نواره اسمعي الكلام دي فرصة ما تتعوضش!
لفت نواره عليها صوتها مكسور بس ثابت فرصة لمين يا اماي ليكي ولا ليا
اني مش سلعة ولا حل لمشكلة حد.
سكت المكان والهوا تقيل.
هنيه بصت لنواره طويل وبعدين قالت بنبرة مختلفة كلامك كبير يا بت وأكتر من سنك.
ردت نواره يمكن بس هو الحق.
دخل في اللحظة دي واحد من كبار العيلة كان سامع جزء من الكلام وقال بحسم الجواز رضا وقبول والبت قالت لا.
واللي ما فيهش قبول يبقى ظلم والظلم ما يدومش.
تنفست نواره لأول مرة بارتياح وحست إن حد أخيرا شافها.
لمت ازهار طرحها وهي مکسورة يلا يا نواره نرجع.
قبل ما تمشي بصت هنيه لنواره وقالت انتي قوية ويمكن أقوى مما كنت فاكرة.
ربنا يكتب لك نصيبك اللي يرضيكي.
خرجت نواره من الفيلا الشمس كانت بتغيب بس قلبها لأول مرة ما كانش مظلم.
كانت عارفة إن الطريق لسه طويل وإن المواجهة مع أمها لسه
بس الأكيد إنها ما باعتش نفسها ولا كسرت روحها.
ومشيت
وراسها مرفوعة.
النهاية.