قصة جديدة
منى عبد العزيز
لما بنصدم من اقرب الناس لينا بنقعد فترة مش قادرين نصدق ان الشخص دا بالذات يعمل كدا بنتوه بيحصل لينا احباط وقهر وخصوصا لما يكون الشخص دا شريك حياتك اللي ضخيت بكل حاجه عشانه وقتها بيكون نهاية الكون بالتسبالك بنهربوا بكل دا بالعزلة واوقات بالنوم واوقات بالعزلة داخل اوضة مقفوله مش عاوزين نقابل حد او نكلم حد لكن ربنا بيدنا تنبيه صغير اننا نرضي بقضاء الله وان ربنا بيختار لينا الكويس لكن احنا بنعترض ونقول ليه ومش عجب انا ما الناس كلها مبسوطه وسعيده انا ليه كدا وفي ناس تانيه تقول ربنا بيختبرنا ويدنا على قد نيتنا واوقات يدينا هدية على هيئة بشر.
نزله السلم شيله صنيه عليها اكل وقفت قدام شقة قرب السلم رنت جرس الباب فتح الباب ابتسمت للي فتح لها وقالت… السلام عليكم ازيك يا هنون عامله ايه ومامازاخواتك عاملين ايه النهاردة.
هنا بحزن بصت للي شيله وقالت… اتفضلي يا طنط وفاء كل يوم هتجبنا أكل يا طنط.
وفاء… دي حاجه بسيطه يا هنون وميجيش من خير ماما عليا يلا نادى اخواتك واتغدوا على ما ادخل لماما الاوضة اصحيها.
مشيت وفاء لاوصة النوم خبطتت اكتر من مرة و
فتحت الباب وقادت النور عنيها على النايمه على السرير
ودموعها مغرقة وشها قربت منها وبصوت حنين وهي بطبطب عليها ... هتفضلي كدا كتير هتستسلمي كدا بسهولة طول عمرك وانتي قوية
قومي ليه نايمة شايفه نفسك بقيتي عامله ازاي، حرام عليكي ولادك ذنبهم ايه.
شدة البطاتية على وشها بعصبية ـ وفاء سبيني في حالي حرام عليكي ابعدي عني انتي مش حاسه بوجعي وكسرة قلبي.
ـوفاء قربت منها وبعدت البطانية عنها وبضيق… لا مش هبعد ولا هسيبك عجبك حالك قومي بصي لنفسك
في المرايا شفي وشك بقي عامل ازاي زعلانه على مين والله ما يستاهل يلمح طيفك مش عارفه كان عجبك في اي
لا مال ولا جمال يا شيخه دا ابو قردان اجمل منه
الهام بحزن… وفاء ارحميني قلبي مش متحمل، لو كنتي مكاني كنت هتزعلي اكتر مني.
ـوفاء… مش هنكر هزعل بس مش على اللي باعني وباع عشرتي وولادي اقسم ما ازعل عليه ساعة بس هزعل على نفسي وعلي عمري اللي راح معه.
الهام ابتسمت بسخريه ـ هههه كلام بس بنقوله من بعيد لكن لما نبقي من جواه بيكون غير نار مش بتهدي ولا بتطفي ظلم متبقيش قادرة تاخدي نفسك من القهر والظلم سؤال واحد بتساليه لنفسك قصرت في اي عشان يعمل كده انا كنت قيده صوبعي العشرة شمع عمري ما بخلت عليه، بحاجه كنت بفضله على نفسي تبقي نفسي اشتري حاجه ويصعب عليا اقول هو أولى والاولاد انا بروح فين من البيت للشغل لا بروح يمين ولا شمال، وفي الاخر يقولي قرف من شكلي انا مش زعلانه عليه قد صعبان عليا نفسي كام سنه وانا خدامة ليه ولاهله.
فاء ـ ياما قلتلك اهتمي بنفسك بقيتي ماكنه هلكانه مفهاش روح ولا حياة ملامحك بهتانه وكل دا عشان واحد ميستهلكيش سابك وراح غيرك.
الهام ـ انتي جايه تواسني ولا جاية تزودى همي وتقهرني حرام عليكي دا الضرب في الميت حرام حرام، يارب ارحمني يارب ارحمني.
ـوفاء قالت… الهام سامحيني يا حبيبتي انا والله قلبي عليكي وبقولك كدا عشان تقوي وتستقوي وتقومي من اللي انتي فيه اللي باعك بعيه والتفتي لبيتك واولادك، من واجبي انصحك لكن اقعد جنبي اوسيكي واقولك معلش يبق انا صاحبه مش تمام وعلى العموم انا هسيبك دلوقتي تاخدي راحتك فكري كويس قبل ما تاخدي اي قرار هتكملي ولا لاء بس نصيحة من صحبتك
قبل اي قرار هتاخديه شوفي نفسك هتقدري تتحملي عواقبه ولا هتستسلمي وترقدى الرقدة دى، سلام يا الهام واي وقت تحتاجيني هتلاقيني جنبك.
الهام ـ وفاء سامحيني مش قصدى حاجة انا عارفه انك قلبك عليا
وخايفه عليا بس غصب عني هبيت فيكي وانتي ملكيش ذنب.
وفاء قربت منها وطبطبت عليها.
ـ مقدرة كل اللى انتى فيه وقلبي وجعني عشانك بس لازم تقوي وتفكري الجاي هيكون ازاي معلش هسيبك دلوقتي يدوب اللحق اعمل لقمة للاولاد قبل ما يرجعوا من المدرسة اي حاجه تعوزيها رني عليا وهتلاقيني عندك.
الهام هزت راسها: متحرمش منك يا وفاء ربنا يبارك لي فيكي ويحفظك لأولاده.
وفاء: ولا منك يا الهام.
مشيت وفاء الهام رمت نفسها على السرير مرة تانيه عنيها للسقف وقلبها بيبكي قبل عنيها اللي بتنزل دموعها وبتفتكر الماضي.
اول مرة شافت جوزها فيه وهي صغيرة بتلعب مع بنات جيرانهم واتخبطت في شاب. بصلها وضحك وقال لها.
ـ بسم الله ماشاءالله اي الجمال دا اسمك اي يا قمر.
ـ الهام.
ـ اسمك حلو اوى زيك يا الهام، انا اسمي طاهر.
الهام يا الهام يلا نكمل لعب.
طاهر: روحي العبي بس بلاش تلعبي مع اولاد.
عدت الايام وكبرت وبقيت في الجامعة واتقدم طاهر ليا بعد سنين اعجاب وخب من غير ما نعترف لبعض.
طاهر: الهام انا فرحان اوي ومن فرحتي عاوز اصرخ واقول اخيرا خطبت اجمل بنت في الدنيا كلها .
ـ انا كمان مش عاطيه فرحتي لحد.
طاهر: الهام انا هخليكي اسعد واحده في العالم بس اوقفي جنبي ومتسبنيش.
ـ انا جنبك ومعاك ياطاهر على الحلوة والمرة.
ـ وانا اوعدك مش هزعلك يوم ولا هخلي نفسك في اي حاجه . عدت ايام الخطوبه وطاهر مغرق الهام خب وكلام جميل واتجوزوا وبعد كام شهر كل يوم خناق على اتفه الاسباب.، بكت بقوة وهي بتفتكر اخر خناقه
طاهر: الهام فين القميص تأخرت على الشغل .
.الهام .. متعلق علي الشماعه .
طاهر... لا مش ده التاني الابيض .
الهام ... الابيض في الغسيل البس ده وخلاص .
طاهر... حضرتك هتلبسيني علي مزاجكك ما انتي مش فضيالي
طاهر: شغلك والتليفون ال علي ودنك ليل ونهار من امك لا ختك لصحباتك الواحد زهق انا اللي حبته لنفسي كنت عايش ملك مرتاح .
الهام… شاورت على نفسها أنا بعمل كده .. وأولادك دول وشغل البيت والأكل والشرب والمزاكرة والسوق ومامتك وشغلها
واختك ال كل يوم والتاني باولادها واكل وشرب ومواعين
غير اخواتك الولاد ال بيجوا بزوجتهم واولادهم علي الاكل
وبهدلة البيت.
طاهر ... كل ما اكلمك تقولي نفس الاسطوانة المشروخة ال معندكيش غيرها انا تعبت منك شوفي مرات سعيد اخويا
عمله ازاي مهنياه ومعيشاة احسن عيشه ، مش زيك لبسه
البتاعه دي علي راسك ليل ونهار محسساني انك عندك خمسين سنه .
الهام بكسرة وقلب موجوع ... مرات سعيد ال عندها بدل الشغاله اتنين من البيوتي سنتر للجيم غير الشبنج من المحلات .
طاهر .. محدش منعك تروحي الجيم ولا الكوافير قلتي عاوزة اروح ومنعتك بس انتي ست مهمله ا.
الهام بحسرة ... نسيت أقوام كلامك كل قرش بتنا اولا بيه ، ولادنا اهم ، كل دي مظاهر فرغة انتي عندي بالدنيا البصه في وشك بتغنيني عن الدنيا كلها راح فين كلامك.
طاهر ... كان عندك مليون طريقه تهتمي بنفسك مش تسببها
بصي لنفسك في المرايا ال يشوفك جنبي يفتكرك امي ،
ايه ال لبساه ده شوال اربعه وعشرين ساعه عليكي، شعرك اللي لفاه انا نسيت لونه من كتر الشعر الابيض اللي مليه.
الهام... في اي يا طاهر كلامك ليه متناقض نسيت كلامك وانت بتقول اوعك يا الهام تلبسي حاجه كدا ولا كدا بره اوضة نومنا انا بغير عليكي من الهوا الطاير..
الهام: مفيش غير انا وانت وولدتك.
ـ انا بغير عليكي من نسمة الهواء المعادية .
جاي دلوقتي بعد ولادك كبروا بقوا رجالة اصغر واحد عندي حداشر سنه تقول لبسك بزمتك اقعد قدمهم بايه ولا ولاد اخواتك ال موجودين في البيت اربعه وعشرين ساعه ولا والدتك ال معانا في نفس البيت .
ياااه انتي الكلام معاكي يقصر العمر بدل ما تعتزري وتقولي هغير من نفسي، وتعترفي بتقصيرك بتجبي غلطك عليا.
الهام بكاء دلوقتي بقي الكلام يقصر العمر وزمان كنت كلمه وحده بتحيك، واعتزر عن اي يا طاهر وياسيدى مستعدة اعتزر وابوس راسك كمان بس ارجع طاهر بتاع زمان .
ـ اه طاهر العبيط مش كدا اسمعي يا الهام انا اخر مرة هنبهك وبعد كدا متبقيش تلوميني.
الهام اتنهدت بوجع واتعدلت في نومتها وقعدت على السرير تمسح دموعها وبتقول.
لنفسها: قومي يا الهام قومي خلاص اللي حصل حصل قدر الله ما شاء فعل هو باع عشرتك انتي واولادك بلاش تضيعي باقي من عمرك حزن على اللي باعك.
قامت من على السرير بجر نفسي وقعت على الارض قومت بصعوبة اسند على الحيط لحد ما وقفت قدام المرايا.
ببص لنفسي في المرايا
ـ اي دا مين دي معقوله دى انا بقي انا دي لا لا دي حد تاني.
عضت شفايفها ودموعها تنزل ورجعت بصت لنفسها في المرايا تكلم نفسها
هههههههههههه عجزتي نسيتي نفسك شفتي نفسك في المرايا عامله ازاي ال يشوفك يديكي أأقل حاجه فوق السبعين سنه .
.. لا متقلش كده انا يدوب خمسة وثلاثين سنه ، أزاي تقول كده ازاي .
مسحت دموعها وبصوت موجوع .
بتضحكي علي نفسك بصي لنفسك شايفه اي بصي كويس
غمضت عنيها وبقهر قالت: لا كذب دى مش انا دي حد تاني.
رجعت تبص في المرايا وتقرب منها وبتهز راسها بلاء وفضلت ساكته دموعها بتنزل من سكات.
شوية ورجعت تكلم نفسها بهستريا
سكته ليه ما تنطقي قولي. من ال وقفه دي
تعرفيها أو بتشبهي عليها. قصدي إنتي تعرفي ال وقفه قدامك في المرايه دي.
ـ الهام : لا لا دي لايمكن تكون أنا انا طول عمري بحب الحياة ، عمري ماكنت ضعيفه أنا أنا .
ضربت اديها برجليها وبصرخه: لا انا لازم اتغير لازم ارجع اقف على رجلي وارجع الهام القوية ولادي مختاجني هم دلوقتي في امس الحاجه لراعيتهم ا.
دخلت الحمام اخدت دوش بعد وقت خرجت تصلي فروضها وبعد ما انتهت طلعت لولادها حاسة بطعنه في قلبها اول ما عنيها جات عليهم: اي دا ملكم قاعدين كدا ليه هنا مالك يا عمري فيكي اي.
ـ طارق ابنها بحده: فيها اي حضرتك لسه فاكرة تسألي فيها ان حضرتك بقالك اسبوع وسيبنا لولي طنط وفاء بتجيب لنا الأكل وبتروق الشقة .
قربت منهم بصعوبه وانا حاسه ان الدنيا بتلف بيا وممكن اقع قعدت جنب هنا اللي منهارة من البكاء: هنا تعالي ماما وقولي لي انت زعلانه ان طنط وفاء بتجيب لكم الأكل، بس دي صحبتي واختي وبتساعدني عشان تعبانه وانا خفيت خلاص و.
هنا رمت نفسها في الهام وزاد بكاها: في اي يا طارق اختك مالها وفي اي طمني.
طارق قعد جنبها: شافت تيته لبسه وخرجه مع عمو سعيد ومراته واولاده ولما سالتها رايحه فين قالت لها رايحه تحضر فرح.
هنا بعدت عن امها: بقولها البس واجي معاكي قالت حلو تعالي عشان تمسكي طرحة عروسة ابوكي ومن شوية سارة بنت عمو منزله استوري بابا وهو ماسك بايده عروسة، شفي ياماما.
طبطبت على هنا وهي بتحاول تمنع دموعها.
ـ بصي ياولاد بابا معملش حاجه عيب ولا حرام دا شرع ربنا، طارق متقطعنيش اسمع كلامي للأخر وبعدين اتكلم.
هز طارق راسه وسكت بعد ما كان هيتكلم كملت الهام.
ـ بابا هيفضل بابا اسمكوا على اسمه مهما عمل هيفضل والدكم بره واجب عليكم، وانتي يا هنا زعلانه عشان بابا اتجوز.
هنا: ايوا وعشان البنات في المدرسة هيتريقوا عليا.
وانت يا طارق: زعلان عشان حاجات كتيره اولها ليه يجوز ويسبنا واحنا ممتاجين ليه ناسي اني ثانوية عامة ومحتاج الراحه النفسية غير شكلي قدام صحابي والناس ولا اعمامي وجدتي اللي فرحانه بابنها كانه لسه نغه ودي اول جوزته، زعلان من حضرتك ليه تسبيه يتجوز ومتمنعهوش.
ـ اتنهدت بوجع وبصعوبة اتكلمت: بص يا طارق جواز بابا دا ربنا كاتبة يعني مهما عملنا منقدرش نمنعه، وبالنسبة لدرستك مهما حصل متخليش حاجه تأثر عليك لازم تقوي وزي ما بنقول الضربة اللي ما تموتش تقوي، يعني يكون دافع ليك تجتهد وتنجح ومش، اي نجاح لا دا بتفوق، لازم يكون ليك هدف توصله ويكون عندك طموح تتفوق على الوصول لهدفك، لكن هتستسلم وتتأثر وتدي زريعه للفشل محدش هيندم غيرك لما تلاقي اصحابك وقريبك بمكانه اعلى منك وانت ولا حاجه هتندم اشد الندم انك ضيعت مستقبلك، خد عظه يابني من اللي حصل عشان في المستقبل تكون عادل وقبل ما تفكر في نفسك تفكر في اسرتك وبيتك يستحق تخسره عشان سعادة وهميه.
وانتي ياهنا * زعلانه عشان تريقة زميلك وماما فين مش زعلانه عشانها، اسمعيني يا هنا زى طارق لازم تتفوقي وتتحدي نفسك قبل غيرك ويكون ليكي كيان متخليش اي حاجه تضعفك وتكسرك، زميلك هيتريقوا شويه وينسوا لو لقوكي مش فارق معاكي وانك متفوقه لكن لو لقوكي بكايه وبتتأثري بالكلام هيذيدوا ويتمادوا وبنت عمك مهما عملت هي بنت عمك ان قلت منك قدام زميلك وقفيها عند حدها بالادب بكلمتين وبس، ممكن زي بابا ما عمل عمو يعمل ومش بعيد يكون متجوز قبل بابا وبابا قلده قبل ما تعيرني روحي اسالي باباكي عملها ولا لاء.
جدتكم بقي دي من هنا ورايح هتبق زي جارة هي في حالها و احنا في حالنا طارق انزل لمحمود البواب قوله ماما بتقولك جيب حداد ويجي بسرعه.
ـ ليه ياماما.
ـ جيبه وتعالى وهعرفك كل حاجة .
بصت حولين منها: فين كريم مش شيفاه ولا سمعه صوته من بدري.
ـ كريم نايم جوه من وقت ما رجع من المدرسة شوية وهيصح.
ـ هقوم اشوفه وانت يا طارق اعمل اللي قولتلك عليه.
نزل طارق ودخلت الهام لكريم ابنها : كريم قون يا حبيبي حطت ايديها على خده اتفزعت من السخونيه نادت.
ـ ياهنا ياهنا.
ـ نعم ياماما.
اخوكي من امته نايم وليه مخدش فيكم دخل اطمن عليه.
ـ كريم ليه يومين تعبان وقلت لتيته قالت برد معندهوش حاجه حتى بابا قال مش فاضي قال نقولك وحضرتك كل ماندخل تقولي تعبانه اطلعوا بره.
ـ مهما كان كنتم قلتوا كريم تعبان ولا قلتم لطنط وفىاو.. اء
ـ طنط وفاء مقصرتش معانا واتحرجت اقولها.
ـ بسرعه هاتي طبق في مايه وفوطه نضيفه على ما اتصل بدكتور محمد يجي يكشف عليه.
بعد وقت جه طارق معه حداد والهام كانت جنب كريم بتعمله كمدات وحرارته مش بتنزل.
طارق ماما الحداد بره.
الهام: هنا اقعدى جنب كريم واعمليله الكمدات على ما اعرف الحداد يعمل اي.
خرجت ومعها طارق قالت للحداد: بص يااسطي الجزء دا كان جدار فاصل بين الشقتين وشلنه وفتحنهم على بعض ومن فترة جبنا حديد وقلنا نقفله من تاني افتكر عندك علم فدلوقتي ياريت تقفلة ومتخليش اي طريقة ينفتح بيها
الحداد امته حضرتك حبه نبتدي الشغل.
ـ هي: حالاً وياريت ساعتين بالكتير وتخلص مش اكتر من كدا.
ـ أقل من ساعتين ان شاء الله.
ـ ياريت تستعجل الوقت اتاخر، طارق روح البلكونه مع الاسطي ساعدوه في شيل الحديد.
ـطارق ساعد الحداد اللي بدء شغله وطارق راح لامه اوضة كريم: ماما ممكن تفهمني ليه ركبتي الحديد مع انك رفضتي
لما بابا جابه.
ـ الاول كان بابا موجود واعمامك لما يزوروا تيته كان بالنسبالي عادي دلوقتي بابا مش موجود واعمامك هيتحرجوا يزوروا تيته لان شقتها مفتوحة على شقتنا لكن دلوقتي بعد ما نركب الحديد يقدروا ياخدوا راحتهم وكمان بابكم لما يجي ياخدوا راحتهم، روح اوقف مع الحداد وقدم ليه الحاجة الساقعة على الدكتور ما يجي يكشف على كريم.
بعد شوية جه الدكتور كشف على كريم وخرج من الاوضه بيكتب الروشته.
الهام: طمني يادكتور كريم عنده اي وليه السخونيه مش بتنزل. ص
دكتور: هو تعب قبل كدا بنفس الدور ولا دي اول مرة.
ـ لا مش اول مرة دي المرة الرابعه الشهر دا يتعب بالسخونيه الاول كان يأخذ الأدوية والكامدات ويخف وبعدها بكام يوم يرجع كشفت عليه والدكتور قال التهابات بالحلق وهيخف.
ـ امممم بصي يامدام الهام الولد من كشفي المبدئي ان اللي عنده دا مش سخونيه عادية عشان نتأكد بكرة بالكتير تعملولي التحاليل اللي كتبها والأشعة دي وبعدها نحدد عنده اي.
بقلق: دكتور بعد اذنك قولي شاكك في اي ابني اي اللي عنده.
ـ اهدي يامدام الولد كويس دي مجرد اطمئن بس ضروري تعمليه.
ـ ان شاء الله اول حاجه هعملها االصبح التحليل والاشعه.
قعدت الهام جنب ابنها اتصلت عليها وفاء: الهام طمنيني عليكي عامله اي دلوقتي.
الهام ببكاء: ابني يا وفاء كريم تعبان اوي اهملت ابني وقعدت ابكي على حظي بدل ما اهتم بولادي.
وفاء: اهدي يالهام الف سلامه على كريم ماله.
الهام: الولد تعبان بقاله كام يوم وانا معرفش تخيلي كل ما هنا تدخل تقولي أرفض اسمع منها واطردها بره الاوضة والبيه مدورش ولا حتى شافة مع ان الولاد قالوله.
وفاء: طيب اهدي وبلاش عياط ان شاء الله الولد هيكون بخير، وقولي الدكتور قال ايه.
ـ طلب تحاليل واشعة الولد بينه تعبان اوي انا هموت من القلق والخوف اسماء التحاليل والاشعة تأكد كلامي الولد فيه حاجه خطر ادعي لابني متوجعش عليه.
ـ خير ان شاء الله متقلقيش واهدي بلاش توتري الولد انا بكرة هكون عندك.
عدي يومين وظهرت نتيحة التحاليل والاشعة اخدتهم الهام وراحت للدكتور، اخد منها التحاليل وتقرير الاشعة اتغيرت ملمحه وبضيق بص لالهام.
ـ زي ما توقعت ابنك يامدام لازم يدخل عمليات في الحال ناخد عينه من النخاع الشوكي نحللها ونعرف الحالة وصلت لفين، وان شاء الله تكون النتيجة سلبيه ونقدر نعالجها منحتجش لنقل.
ـ ببكاء وصوت مبحوح: قصدك ايه يا دكتور ابني عنده الكن.
مقدرتش تكمل حطت اديها على بقها تكتم شهقاتها مع نظرات الدكتور المؤكدة لكلامها، جات تقف حاست الدنيا بتلف بيها قعدت مكانها قرب منها الدكتور.
ـ مدام الهام اهدي مفروض تكوني اقوى من كدا، فين ايمانك بربنا، غير لازم
ـ غصب عني يادكتور دا ابني، انا السبب في تعبه مخدتش بالي منه ليه كام يوم تعبان وانا انشغلت عنه انا مجرمة انا مستهلش اكون ام.
ـ الكلام دا لايودي ولا يجيب فياريت تقوي نفسك تتفضلي تجيبي الولد وتجي انت وبابه على المستشفى انا هتصل بيهم يجهزوا كل حاجه على ما تصلوا.
هزت راسها وخرجت مش شايفه قدمها من الدموع تليفونها رن وقفت خرجته من الشنطة لقته رقم حماتها فتحته بسرعة من خوفها على ابنها، يكون حصله حاجه واول ما حطت التليفون على ودنها.
ـ انت ازاي تعملي اللي عملتيه دا، فاكره بيتك عشان تصرفي فيه زى ما انتي عاوزة لا دا بيت ابني والحديد اللي ركبتيه دا لازم يشال فاهمه الا والله العظيم ما هيخصلك طيب.
بغيظ من كلام حماتها: اظن دا كان طلبك في ملكيش تكلمني، الاول كنت بقول مايصحش بس دلوقتي مينفعش ابفي قاعدة برحتي في شقتي انا وبنتي وحد غريب يدخل عندك يكشف شقتي.
ـ شقتك شقتك منين ياعمر دى شقة ابني وبكلمة منه يرميكي برها بالهدوم اللي عليكي.
ـ لاء بقي شقتي غصب عنك وعن اللي يتشددلك انا ليا اكتر ما لابنك المحروس ولا نسيتي لما جينا نشتريها ومكنش معه تمنها بيعت دهبي وورثي وكملت تمنها.
ـ اثبتي يا ختي الكلام اللي بتقوليه دا الشقة باسم ابني وهو صاحبها وبمزاجة يقعد اللي يقعدوا ويرمي اللي يرميه فزى الشاطرة كدا زى ما ركبتي الحديد تجيبي الحداد وشليه وخفي تعالي نضفي الشقة وجهزى الغداء ولادي وعيالهم جاين على الغداء.
ـ بصي بقي انا الشقة النص بنص بيني وبين ابنك اللي هو ابو عيالي ومعايا عقد بكدا غير اني لسه على زمته وام عياله، يعني حاضنه يعني الشقة من حقي انا وعيالي حتى لو طلق، وعيالك يجوا يعملوا اكلهم بنفسهم ومن غير مع السلامة انا مش فضيالك.
ـ والنبي ما انتي بايته على زمته وهههه والورقه عندى ابقي بقي وريني هتثبتي انها شقتك ازاى وبردة هتجي غصب عنك تعملي الاكل عشان اخليه يسيبك قعده في البيت ما انتي ياخرام لا ليكي اب ولا ام هتروحي فين .
ـ قفلت السكة في وشها مش قادرة تاخد نفسها من القهر قعدت على الرصيف تبك بقهر من اللي سمعته، جلها اتصال تاني فتحته اول ما شافت الاسم.
ـ هنا كريم ماله ياهنا قوليلي اخوكي.
سكتت وهي بتسمع صوت بنتها: كريم كويس ياماما هو سخن شوية بس طارق اللي بيتخانق مع تيته ورافض يفتح لها الباب لانها مصممه تاخدنا عندها اول ما عرفت انك بره.
ـ اوعك ياهنا تفتحوا الباب اقفلوه وانا خلاص قربت من البيت عشر دقايق هتلقوني عندكم وزيادة في الاحتياط انا هرن على طنط وفاء تنزل هي وجوزها عندكم .
ـ بسرعة ياماما دى جايبه نجار يفتح الباب وطارق عاوز يطلع يضربه.
جريت بسرعة وشاورت لتاكسي وادته العنوان وبعد ربع ساعة وصلت العمارة طلعت بسرعة في الاسانسير اول ما وصلت قدام الشقة شافت، حماتها ومعها نجار بيحاول يفتح قربت منهم.
ـ انت بتعمل اي عند الباب ابعد احسن لك.
حماتها بحقد بصتلها: جيتي يا مقصفة الرقبه سيبه العيال ماشية على حل شعرك مبقاش منيرة لو محرقتش قلبك على عيالك وخليت ابني يرميكي في الشارع.
ـ بصريخ انتي بتقولي ايه حرام عليكي ياشيخه منك لله انا عملت اي فيكي عشان تكرهيني بالشكل دا وانا طول عمري خدماكي وشيلاكي على كفوف الراحة وعمري ما شفت منك ريق حلو وكنت بستحمل عشان ولادي وجوزي لكن توصل انك تغلطي فيا وفي عرضي لا والف لا، انا طول عمري شريفة وديلي نضيف فاهمه.
اديرت للنجار وقالت له: وانت خد عدتك وامشي الاه وقسم بالله لصرخ والم عليك سكان العمارة كلها وابلغ البوليس انك جاي تسرقنا.
النجار بخوف لم عدته وقال: وعلى ايه انتم اهل في بعض تصطفلوا ادوني اجرتي وحق العطلة وانا هتكل من هنا.
ـ حماتها: سيك منها وافتح الباب ولو البوليس جه انا هشهد معاك.
النجار رفض وقرب منها يزعق: بقولك اي يا ست اديني اجرتي وافتحي الباب بمعرفتك انا ماليش فيه بوليس يعني سين وجيم وشوشرة وأقسام وانا بقول داريني ياحيط.
استغلت انشغلهم وفتحت الباب بعد ما بعتت رساله لبنتها انها برة وهتفتح وتدخل.
ـ سمعت زعيق برة والنجار بيصرخ ويتخانق مع حماتها ابتسمت بحزن: خليها تقع في شر اعملها.
هنا جريت عليها تبكي: ماما هي ليه تيته مبقتش تحبنا وكل شوية ترمي كلام وحش وان بابا ه يجيب ولاد تانين، يفرحوه.
ـ هنا مش وقت الكلام دلوقتي انا تعبانه ومش قادره اتكلم، اتصلي على باباكي وجيبي التليفون لما يرد عليكي ولا اقولك قوليله ان كريم تعبان جدا ولازم نروح بيه المستشفي للعمليه.
هنا بخوف: ماما كريم ماله وعملية، اي اللي هيعملها.
ـ متقلقيش يا هنا دى عملية بسيطه اتصلي وهتعرفي وتفهمي كل حاجه وانا بكلم بابا.
رنت هنا على ولدها اللي صرخ فيها وقال: بنت امك بالضبط بتنفذي كلامها ولا وبتعرفي تمثلي ياهنا وبتعيطي عشان تسبكي الدور، قولي لامك مش انا اللي يضحك عليه فاهمه.
اخدت التلفون من ايد هنا المنهارة من البكا وقالت: طاهر انت بتزعق للبنت كدا ليه واي بتمثل دا.
قاطعها بصريخ: ولا كلمة بقي وصل بيقي الحقد والغل تعيي ابنك بالكذب عشان تنكدي عليا يوم صباحيتي على عروستي وأجي لك على ملا وشي تبقي غلاطانه وخدي بقي الكبيرة انا مسافر بالعروسة تايلند ومش هنرجع غير بعد شهر ودلوقتي بالمطار.
ـ طاهر اسمعني كريم تعبان ولازم يدخل العمليات لسه راجعه من عند الدكتور محمد حتي اتصل عليه واساله لازم تجي.
ـ سمعت قفل التليفون بعدت التليفون عن ودنها بصت في الشااشة لقته ففله فعلا بحزن قالت.
ـ حسبي الله ونعم الوكيل اعمل ايه ياربي الولد لازم يروح المستشفى هروح فين واجي منين وهقول يامين لو اخدت كريم ومشيت مش بعيد حماتي منها لله تجي تفتح الشقة وتاخد الولاد، ولو اخدتهم معايا هتنتهزها فرصة وتفتح الشقة وتقعد فيها ومش بعيد تجيب ولادها وبنتها، ياربي دليني اعمل اي.
طارق من وراها: ماما هتعملي اي دلوقتي وكريم ماله واي حكاية العمليه دي.
ـ طارق بشويش انزل جيب اي نجار واشتري كلون جديد للشقة وتعالي على ما اجهز كريم وهنا ونمشي.
طارق: باستغراب * ليه، هتغيري الكلون تيته مش هتقدر تعمل حاجه وهنوصي البواب ياخد باله ويتصل علينا لو حس بحاجة.
ـ اسمع كلامي يا طارق اخوك هيعمل عمليه ونقعد كام يوم في المستشفى هخاف اسبكم لوحدكم حدتك واعمامك يستغلوا اني مش معاكم ويخدكم غصب عنكم ولا جدتكم تجي وزيادة في الاحتياط هخلي وفاء وجوزها يقعد في الشقة عشان لو جدتك جابت حداد يشيل الحديد.
اتصلت على وفاء وقالت لها كل اللي حصل.
وفاء: اهدي بس وانا جاياك وهتصل بسامي ويشوف بناء كويس ويجيب كام توبه ورمل واسمنت ونقيم جدار وراء الجدار الحديد عشان حماتك متقدرش تشيله وكمان نعمل بوبه حديد على باب الشقة.
ـ مفيش وقت يا وفاء لازم اروح المستشفى كريم تعبان واي تأخير حالته هتدهور.
ـ اقتحي الباب انا خلاص برة.
فتحت هنا الباب دخلت وفاء بسرعة جريت على الهام وببكاء: متزعليش نفسك ان شاء الله الولد هيخف وهيبقي كويس وانسي كلام طاهر وامه ام حاجه كريم والشقة.
ـ هموت من قهري يا وفاء انا طاهر يقول خقودة وبعيي ابني عشان انكد عليه، والست اللي خدمتها سنين عاوزه ترميني في الشارع وتبتعيرني اني مليش اهل.
ـ قربت وفاء وقالت لها: ناس معندهاش اصل منهم لله انا هكلم سامي ابن خاله ظابط هخليه يتصل علية ويشرح له الوضع ولو قدر يخليه يجي يثبت حاله يبقى ربنا بيحبك، خدي كريم وروحي المستشفى انتي وطارق وانا هفضل قعدة مع هنا، لحد سامي ما يجي ويجيب البنا وبعد ما يخلص هنجيلك على طول.
الهام : ربنا ما يحرمنيش منك يا وفاء ويقدرني على رد جميلك.
ـ جمايل اي يا عبيطة هو بين الاخوات جمايل، انتي ياما وقفتي جنبي ومهما عملت مش هردلك جزء من اللي عملتيه عشاني، يلا بقي عشان متتاخريش.
الهام راخت اوضه كريم لقت خرارته عاليه ومش بيتحرك شالته بسرعه وخرجت بيه: طارق بسرعة جيب شنطتي والتخاليل والاشعه وتعالي ورايا، اخوك تعبان اوي.
وفاء: اهدي يا الهام متخضيش الولد على دراعك ان شاء الله مفهوش غير العافيه.
ـ يارب يارب يارب ياوفاء الولد سخن اكتر من الاول انا همشي وخلي بالك من هنا .
مشيت الهام ومعها طارق وصلوا المستشفى اللي كشفوا على كريم وقال الدكتور …للاسف مش هنقدر ندخله عمليات غير لما حرارته تنزل وترجع طبيعية.
عدي يومين حرارته كريم نزلت و وفاء وجوزها جابوا بنا وبناء جدار وعملوا باب حديد على الشقة وراحوا لالهام
ـ الهام هنا وطارق وبتبكي بانهيار قربت وفاء منها: الهام حرام عليكي تعملي كدا قدام العيال مش شيفه حالتهم عامله ازاي وكريم ان شاء الله يخرج من العمليات بخير.
ـ الهام بخزن: كريم تعبان يا وفاء والدكتور بيقول حالته خطر اتاخرنا على الولد اوي كان مفروض لما زادت عليه السخونيه اكتر من مرة في شهر واحد مكناش سكتنا وانا بدل ما اخد بالي منه حبستي نفسي في الاوضه ابكي على واحد ما يستهلش.
ـ اهدي يا حبيبتي دا مقدر ومكتوب ان شاء الله الولد هيخف ويبقي كويس ومفيش حاجه هتخصل.
ـ قلبي مش مطن يا وفاء.
قطعت كلامها اول ما، باب اوضة العمليات اتفتح وبعدت ولادها وجريت على الدكاترة اللي خرجوا وشهم متغير.
ـ طمني يا دكتور محمد كريم ابني عامل اي و.
صريخها ملي المستشفى اول ما شافت الممرضين طالعين بابنها متغطي بالملاية لحد وشه والدكتور بيقول.
ـ البقاء لله شدي حيلك الولد ضعيف وللاسف النخاع كان منتهي مستحملش العمليه واتوفي.
الدنيا لفت بيها مخستش بنفسها اغم عليها، فاقت لقت نفسها نايمة على سرير المستشفى واديها متعلق فيهآ محلول بصت حوليها شافت هنا قاعده تبكي وفاء وطارق جنبهم صرخت ونادت: كريممممم.
وفاء بعدت هنا وجريت حصنتها وقالت: استغفري ربك واسترجعي وقولي ان لله وانا اليه راجعون واطلبي الصبر.
ـ كريم راح خلاص ابني مات مش هشوفه، تاني.
ـ راح للي احسن مني ومنك راح لربنا ياخد بايدك للجنه دا ملاك.
ـ يارب صبرني يارب عاوزة اشوفه لاخر مرة واطلب منه يسامحني على تقصيري معه.
ـ اهدي ان شاء الله قبل الغسل هندخل كلنا نودعه بس إجراءات الدفن وتصريح يطلع هنروح على طول.
ـ مين اللي بيطلع التصريح: اخوات، طاهر سامي اتصل بيهم عشان يستلموا الجثمان لان ابوه مش موجود.
ـ ابوه حسبي الله ونعم الوكيل فيه ربنا ينتقم منه.
ـ خبط الباب ودخل سامي وعزا الهام وقالهم انهم انتهوا، ويخرجوا للدفن.
رجعت الهام واولادها الشقة بعد ما ودعوا كريم ودفنوه وجم القرايب يعزوا وهي قاعده بتبكي جات حماتها تزعق ليها.
ـ شفتي ربنا عمل فيكي اي، ولسه ياما هتشوفي.
الهام: حسبي الله ونعم الوكيل فيك انتي وابنك ربنا يوريني فيكم يوم على قد قلبي ما هو محروق على ابني.
جات حماتها ترد وقفت ست من المعزين وقالت: ما يصحش كدا يا ام طاهر الهام قلبها محروق على ابنها وانتي جاية، تشمتي فيها مش حفيدك دا حتي ما يصحش الشماته في الموت.
عدت ايام العزاء والهام حبسه نفسها في اوضتها وفاء قدرت تخرجها: الهام الحزن مش بينتهي وكريم هنفضل طول عمرنا حزنين عشانه بس طارق وهنا ليهم حق عليكي، بلاش تهمليهم الولاد محتاجينك دول منهارين عشان اخوهم ومنعين الاكل والشرب.
الهام: مش قادرة يا وفاء مش قادره صعبان عليا كريم وقلبي بيتقطع عشانه، بس لازم اقوي نفسي عشان اخواته ما يرحوش مني.
ـ برافوا عليكي يلا بقي قومي غيري هدومك دي وخدي شور وتعالي اقعدي وسطهم خلاص مفيش وقت على الامتحانات سعديهم يذكروا ويركزوا كفايه الايام اللي فاتت.
ـ خاضر ربنا نا يحرمنيش منك ياووفاء.
عدت الايام والشهور وخلص طارق وهنا امتحانات وفي يوم والهام راجعة من الشغل لقت طاهر ومعه مراته الجديدة في الشقة.
بصلها طاهر بحقد وقال: انا ومراتي هنعيش هنا في الشقة وشفيلك مكان تاني تروحي فيه.
ـ رغم صدمتها بصتله باستحقار وقالت له: بدل ما تجي تواسي ولادك في موت اخوهم اللي هو ابنك جاي تخرجهم من الشقة.
ـ اسلوب خدوهم بالصوت دا مش عليا، كريم مات من اهمالك وحسابي لسه مجلهوش.
ـ اه اهمالي ولما، اتخيلت عليك تجي نودوه المستشفى مش قلت اني بمثل عليك، وعلى العموم اهو مات وارتاح من اب زيك، دلوقتي بقي تتفضل توريني عرض كتافك انت وعروسة المولد اللي جنبك واطلعوا من شقتي.
ـ انتي اتجننتي بتطرديني من بيتي دا انتي اكيد اتجننتي.
ـ جن لما يلغبط كيانك انت اللي باين عليك كبرت وخرفت، ناسي ان الشقة اكتر من نصها باسمي غير ان دا مسكن الزوجية وانا حاضنه وعملت تمكين اول ما ورقتي وصلتني من السفارة يعني زي الشاطر كدا تتفضل من غير مطرود قبل ما اتصل بالبوليس يجي يطلعوك بمعرفتهم.
قرب منها وجه يزقها رجعت لوراء وشاورت ليه باديها.
ـ فكر تمد ايدك وشوف هيحصلك اي ولاخر مرة بقلك اطلع برة.
ـ وقفت العروسة الجديده وقالت بمياعه: طلوع مش طالعين وورينا بقي هتعملي اي .
ـ اي صوت العرسه دا سامعيني يا شابه بتقولي ايه.
ـ عرسه في عينك يا ام قويق، طاهر سامع مراتك بتهزقني وساكت.
ـ هههههههه والنبي ضحكتني اسمعي يا اسمك اي قدامك عشر دقايق لو مخرحتيش انتي وشرابة ا لخرج اللي معاكي دا هخلي عيال الشارع يزفوكي ويقولوا مندا بكرا بقرشين.
ـ نعم نعم مين دي اللي بقرشين والنبي ومن نبي النبي لوريكي مين اللي هتبقي بقرشين.
ابتسمت الهام بمكر وقالت طالبتيها ونولتي.
هجمت العروسة على الهام اللي قربت من ابنها و قالت اتصل بالنجدة بسرعة وبلغ ان في ناس اتهجموا على الشقه وبيضربونا.
الهام بعدت عن ابنها اللي دخل اوضته واتصل بالنجدة وسابت نفسها للعروسه تضربها وهي يدوب بدافع عن نفسها بتخربش العروسه في وشها وتشد شعرها وتخرجه في اديها والتانيه بتزيد في ضرب الهام جات حماتها شمتانه في الهام وبتساعد ابنها ومراته تضرب معهم بحركة سريعه زقت الهام العروسة على حماتها وقعت فوقيها وحماتها وقعت على ضهرها وصرخت لما خست ان ضهرها انكسرمن الوقعه، طاهر هجم عليها يضربها دخل البوليس عليهم وقبض على الكل وحولوا الهام للمستشفي.
الهام بعد ما عملت تقرير بان اصابتها عدت واحد وعشرين يوم وبيتحقق معها.
ـ انا كنت راجعه من الشغل ويدوب فتحت باب الشقه لقيتهم هجمين عليا وعاوزين يمضوني بالعافيه على تنازل عن نصيبي بالشقه ويطردوني وياخدوا ولادي مني وانا حاضنه ومعايا تمكين بباقي الشقه اللي هونصيب جوزي لان ولادي لسه صغيرين في سن الحضانه، ولولي ربنا الهم ابني وبلغ كان زمنهم موتوني.
الظابط: معاكي اللي يثبت ان الشقة ملك وحكم التمكين.
ـ ايوا يا باشا معايا في شنطتي كل الاوراق اللي تثبت بس في عقد الشراكة عند حماتي سرقته من الشقه وانا قاعدة بابني في المستشفي.
ـ حماتك اللي ضهرها انكسر وفي المستشفي دلوقتي.
طاهر: ايوا يا باشا هي واللي قاعدة قدامك دي هي اللي وقعتها.
الظابط: اسكت انت مش عطيت اقوالك تقوم تسكت ومتنطقش لحد ما ننهي التحقيق وتتحول للنيابة.
الهام: مش انا يا باشا اللي وقعتها انا مشفتهاش من اصله الست دي وطليقي كانوا نزلين فيا ضرب وكنت بدافع عن نفسي وببعدهم عني قامت الست دي انتهزت الفرصه ووقعت حماتها عشان تتهمني اني انا اللي وقعتها ومنها تخلص من حماتها.
الظابط: عندك اقوال اخري.
ـ ايوا ياباشا بس طلب بعد اذن حضرتك: تمضيهم على تعهد محدش يقربلي ولو حصلي حاجه انا وولادي يتقبض عليهم لانهم هم السبب، وكمان الشقة بتاعتي وعقدها اللي عند امه.
ـ الظابط: اتفضلي امضي على اقوالك، والموضوع اتحول خلاص للنيابة والعقد هناخد قوه ونبحث عنه ونجيبه.
خرجت الهام من القسم معها ولاده الاتنين وراحت، شقتها جات لها وفاء تزرغت وتبارك لها علي السلامه.
وفاء: الف مليون حمدالله على سلامتك، الكلاب استفردوا بيكي يا حبيبتي منهم لله والنبي من ساعة معرفت وانا قلبي كان هيقف مرتحتش غير لما شفتك قدامي، بس اوعك تتنازلي .
ـ مين قال اني هتنازل وحياتك انتي عندي لاخليهم يعفنوا في السجن، دا انا ليا شهور بخطتت لليوم دا وكل يوم كنت بعصب منيرة لحد ما خلت ابن امه يبعت ورقة الطلاق عن طريق السفارة، وبعد ما اتاكدت وضمنت انها معايا روحت لمحامي شاطر رفع تمكين واول ما كسبته، رجعت اغيظ منيرة واستفزها كل يوم والتاني جابتهم على ملا وشهم بعد ما اصرت عليهم منيرة صحيح مكنتش ناويه على اللي حصل لمنيرة بس غصب عني من ضقتي منها وهي جاية بعكزها تضربني بيه محستش غير لما سمعت صوت الكسر على السراميك وبعدها شوفت عينك انا بره وهم التلاته في السجن والشقة معايا بعفشها.
ـ برافوا عليكي فرحتي ما تتوصفش على اللي عملتيه وبنفس الوقت مش مصدقه الهام الطيبة يطلع منها كل دا، وعاتبه عليكي انك مقولتليش.
ـ عشانك والله مش علشاني قلت بلاش اعرفك واحملك فوق طاقتك وتقلقي عليا، غير اني مكنتش لسه وثقة هينزلولا لاء.
بغمزة: طلعتي تخوفي.
الحياة عاوزة كدا واكتر من كدا حرقت قلبي على كريم واللي عملوه فيا خلوني اخطتت
اتقي شر الحليم اذا غضب لانه بيكون استنفذ كل طاقته سامخ مرة واتنين وعشرة لحد ما وصل مرحله عدم التحمل وقتها ما تلمهوش لوم نفسك لانك انت اللي وصلته للحاله دي
