قصة جديدة
أقرب شخص عزيز ليامن هسرقة منه زي ما ۏجع قلبي على أختي .
عجبا لهذه الحياة عندما تعطينا ظهرها نشعر بأننا نشبه القشه الضعيفة يسهل كسرها عندما نعلم بقدرنا تغشى عين الحكمة وينغلق العقل والقلب بكل شعوره فالقدر مثل الهدية المغلقة لا نعلم ما بداخلها إلا عندما نقترب وننظر ما في جوفها .
في القاهرة
ف منزل والد يونس
محمد رغد تعالي يا بنتي أدخلي
رغد فين يونس
محمد يونس سافر
رغد بذهول سافر امتي
محمد سافر من يومين هو مقالش ليكي
رغد لا معرفش هيرجع أمتى
محمد يونس مش هيرجع يا رغد
رغد مش فاهمة يعني ايه مش راجع
محمد يونس سافر تبع شغله عقد لمدة 4 سنين
رغد وهي تجلس پصدمة على الكرسي ايييه 4 سنين
محمد خير يا بنتي هو ف حاجة كنت عايزاه ف ايه
رغد اهااا... لا مفيش أنا لازم أمشي عن إذنك
وغادرت رغد
ف منزل رغد تحديدا في غرفتها
رغد وهي تبكي سافر يا ماما وساب البلد كلها أعمل ايه
نادية مټخافيش أنا وأبوكي معاكي ابنك او بنتك اللي جاي هيتربى أحسن تربية متقلقيش
رغد أردفت بكره ماشي يا يونس ووضعت يدها على بطنها
واكملت واللي ف بطني ده مش هعرفك بوجودة ولا هخليك تلمح طيفة والله لۏجع قلبك زي ما وجعتني
الطفل دة ملكي لوحدي محدش ليه حق فيه غيري أنا هكون ليه الأم والأب هكون أنا العالم الخاص ليه ودة وعد مني ومسحت بقايا دموعها پعنف
هل ستوفي رغد وعدها أم سيكون للقدر رأي آخر
ف دولة الإمارات
يمسك يونس صورة رغد أردف بحزن أنا آسف على اللي عملته كان لازم أبعد أنا عارف أني كنت أناني وغلطت ف حقك وبعترف أني بدأت أحبك وأبتسم بحزن وأكمل أيوة حبيبتك عرفتي تكسبي قلب يونس
تجاهلك لاتصالاتي حقك أنا بعترف إني جرحتك جامد أوي أوعدك لم أرجع هصلح الأمور وأراضيكي بس أتمنى تسامحيني عارف رجوعي هيكون متأخر بس أنا واثق أنك هتغفري لحبيبك يا رغد
ف القاهرة
علي برفض لا طبعا أنتي مچنونة عايزة تخبي اللي ف بطنك عن أبوه كده كده هيعرف
رغد عشان خاطري يا بابا متقولش لعمي اني حامل
علي يا بنتي لا العقل ولا المنطق يخليني اسمع كلامك طيب العيل اللي جاي ده مسيرة هيكبر ويسأل على ابوة هتقوليلوا ايه
رغد سيب كل حاجة بوقتها يا بابا بس عشان خاطري محدش لازم يعرف اني حامل خصوصا يونس أنا فاهمة كويس أوي أنا بعمل ايه هو هيعرف بس ف الوقت اللي أنا عايزاة
أكملت والدموع تملأ عينها مش يونس دة اللي طلق بنتك سابها وسافر هو ده اللي هان بنتك وكرامتها وجوازها منه كانت غلطة أنا بحاول أرد ربع اللي عمله فيا
علي بس مش لدرجة دي تخبي عليه أنه ليه طفل منك
رغد بعصبية قسما بالله لو يونس عرف أو حد من طرفة لاسيب البلد وأمشي ومش هتعرفو لي طريق
علي پخوف على ابنته خلاص يا بنتي أهدي لو ده هيخفف عنك يريحك موافق
ف الامارات
أستلم يونس عملة وبدأ بالإنشغال به ولكن كان اشتياقة وحبه للرغد يزداد يوما بعد يوم بدأ يتأكد من أحساسة تجاه رغد بدأت تسيطر على أفكارة بطريقة غيرطبيعية فبعده عنها عرف بقيمتها أكثر وقرر بعد أن يعود إلي القاهرة سوف يراضيها ويعوضها عن السنوات التي قضاها بعيدا عنها
بعد أن أنهى عملة أتصل على والدة
يونس عامل ايه يا
بابا
محمد أنا بخير يا بني أنت كويس
يونس الحمدلله
محمد يونس رغد من كام يوم جت سألت عليك
يونس بإستغراب خير يا بابا كانت عايزة ايه هي كويسة
محمد أها بخير مش عارف يا بني والله بس لم عرفت أنك سافرت لمدة كبيرة ملامحها أتغيرت رغد لسه بتحبك يا يونس وانت خسرتها للأسف لو كنت حاولت أكتر من كدة كانت تبقى معاك دلوقتي
يونس بندم أكبر خسارة ف حياتي بس عرفت بده بعد فوات الأوان ڠصب عني بس والله هصلح غلطتي لم أرجع
محمد مرتاح عندك يا بني
يونس مش فارقة يابابا خلاص بقى أمر واقع ولازم أتقبله
محمد أن شاء الله خير خلي بالك على
نفسك لا اله الا الله
يونس محمد رسول الله
ف الإسكندرية
مي وبعدين بقى أنا تعبت دي مبقتش عيشة
يامن غلطتك كانت كبيرة ولازم تتعاقبي عليها غير كده كمان أنتي عارفة خروجك لوحدك فيه خطړ
مي طيب أنا عايزة أخرج أشم هوا أروح مكان مفتوح
يامن ببرود مفيش خروج من البيت عايزة تروحي عند امي تمام عايزة تروحي بيت أهلك تمام وطبعا رجلي على رجلك
مي بعصبية يوووووة خلاص مش عايزة اتنيل
يامن إن شاء الله ما تنيلتي أحسن
ونهض وتركها يستعد لذهابه لعمله
عند حازم
رانيا بذهول عرفت منين أنه اتجوز مي
حازم بثقة من مصادري الخاصة أنا ليا عيون في كل مكان
رانيا اتجوزها امتى
حازم تقريبا بعد ما خرجت من المستشفى مش عارف بالظبط بس مي حاليا بقت مراته
رانيا وهتعمل ايه
حازم اللعب الغامض مالوش لازمة لازم كله يبقى على المكشوف انا خلاص خططت وهنفذ
ورفع هاتفه على أذنه واردف نفذ زي ما قولت لك
رانيا هو مين ده أنت عملت ايه يا حازم
حازم كمان شوية هتعرفي
في المساء
ف منزل يامن
مي وهي تفتح الباب مييين حضرتك
هو أنا صاحب يامن
مي بس يامن مش موجود هو دلوقتي في الاستوديو
هو بحزن مزيف مش عارف أقولك ايه
مي تقول ايه ف ايه
هو يامن عمل حاډثة وهو في المستشفى
مي بشهقة بتقول ايه وأردفت پبكاء طيب استني انا جاية معاك خمس دقائق أغير هدومي
هو تمام أتفضلي
دلفت مي للداخل وتركت باب الشقة مفتوح
الشخص المجهول وهو يرفع هاتفه أردف بصوت منخفض أمن الطريق وأغلق الخط
بعد دقائق تخرج مي وأغلقت باب الشقة
هو أتفضلي يا مدام فسارت مي أمامه فنظر هذا الشخص في جميع الاتجاهات لم يجد أحد فأخرج من جيبة منديل به مخدر ووضعة علي أنف مي حتى فقدت وعيها فحملها هذا الشخص بين يديه وغادر بهدوء
ف الاستوديو
سامر پصدمة أتجوزت ومخبي عليا يا يامن
يامن هي جوازة مزيفة مش حقيقية
سامر مش فاهم إزاي
يامن جوازنا عبارة عن صفقة عشان احميها
سامر أنا مش فاهم حاجة صفقة ايه وحماية من ايه بالظبط
يامن أنا هقولك على كل حاجة ..............
ف القاهرة
نادية أنتي واثقة من قرارك ده فعلا هتخبي على
يونس حملك ولنفرض قدرتي ونجحتي ف دة لم يرجع هتواجهيه ازاي بأبنك أوبنتك اللي معاكي
رغد محدش عارف بكرة هيحصل ايه وبعدين يا ماما يونس مش راجع بكرة ولا بعد شهر ولا حتى سنه هيرجع بعد 4سنين أنا مستغربة أزاي ياخد قرار زي ده من غير ما يرجع لي ليه مجاش وقالي وسبني أختار لتاني مره ياخد قراره لوحده
واكملت ودموعها تتساقط على وجنتيها أول مره لم طلقني ونهى علاقتنا من غير تردد وتاني مره لم قرر يسافر من غير. مايبلغني وانا زي الهبلة اول لم عرفت بموضوع حملي قولت أروح ليه بنتك طلعت ساذجة وعبيطة أوي يا ماما مش أنتي قولت لي أنه بيحبني هيحاول يراضيني فين ده محصلش ليه هي مرة واحد جه البيت فيها واتصل عليا كذا مرة وانتي منعتيني ارد عليه معقول يكون عمل كده عشان يوصل ليا أنه حاول وانا اللي رفضت أسمع ليه يبقي انا اللي خسرته مش هو صح يا ماما
يعني انا كنت في حياة يونس مجرد شخص متعود على وجودة وسبب ليه فراغ مستحيل يكون حبني زي ما قال يونس كداااب تصرفاته أثبتت كده
نادية بحزن على حال ابنتها والله يا بنتي مش عارفة أقولك ايه سببها لله دة قدر ومكتوب أمر الله يا بنتي
ف الإسكندرية
ف منزل يامن
يامن مي أنتي فين
ولكن يامن لم يجد رد
دلف للداخل وبحث عنها ولكنه لم يجدها
يامن پغضب عملتيها يا مي وخرجتي بدون إذني ماشي لم ترجعي أنا هعرفك ازاي تكسري كلامي للمره التانية
فيقطع حديثة جرس الباب فيفتح الباب يجد عمران ومها
يامن أهلا اتفضلوا أذيك يا طنط اذيك يا عمي
مها اهلا يا يامن فين مي كلمتني من ساعتين كده وقالت تعالي أنتي وبابا أقعدوا معايا شوية
عمران بخير يا بني
يامن باستغراب كلمتك من ساعتين بس أنا جيت مكنتش موجودة ممكن تكون عند أمي
عمران بضيق شوفتي عمايل بنتك
مها معلش يا عمران يمكن زهقت من القعدة راحت لايمان ووجهت بصرها ليامن وأردفت كلمها يا بني قولها أننا جينا
وبالفعل
اتصل يامن علي تلفون مي وجده موجود على الأريكة
مها غريبة سايبة تلفونها وابتسمت واكملت مي تخرج من غير تلفونها دي تنسى نفسها وتلفونها لا
يامن والقلق بدأيسيطر عليه أردف أنا هكلم أمي لو عندها تبعتها
واتصل على والدته
إيمان ايوة يا يامن
يامن اذيك يا أمي عاملة ايه
إيمان أنا كويسة يا حبيبي أنت عامل ايه ومي اخبارها ايه معاك
يامن
إيمان مال صوتك يا يامن
يامن مفيش يا أمي انا كويس قولت اطمن عليكي
إيمان ماشي يا حبيبي هات مي وتعالوا أقعدوا معايا شوية
يامن حاضر يا أمي مع السلامة
وأغلق الخط
يامن مي مش عند أمي
مها بقلق هتكون راحت فين أنا قلبي مش مرتاح حاسة بنتي فيها حاجة
عمران بس بقى يا مها مي بخير ممكن تكون نزلت تجيب حاجة وقبلت حد من اللي تعرفهم وقفت معاه وانتي عارفة بقى كلام البنات
يامن في عالم آخر يدعو الله أن تكون شكوكه خاطئة وان مي بخير لا يمسها أي مكروه يقطع شرودة الرقم المجهول فينظر لهاتفه ويبتلع غصته وفتح الخط وأردف ألو
حازم الحاجة اللي بدور عليها موجودة معايا
يامن وهو يجلس على الأريكة پصدمة أردف بصوت مهزوز مي
حازم براڤو عليك مي مراتك بقت معايا
يامن وهو يستجمع أنفاسه أردف عايز منها ايه مي ملهاش ذنب عايز ټنتقم انتقم مني أنا أنت مين وبتعمل معايا كده ليه وعايز مني ايه
حازم بنبرة غل عايز أخد حياتك زي ما أخدت مني حياااتي
يامن مش فاهم
حازم هتفهم كل حاجة في وقتها بكرة تقابلني في .......... كل دقيقة تأخير مراتك هتدفع تمنها
وأغلق الخط
عمران مي مالها يا يامن رد عليا بنتي فين انطق
يامن وهو ينظر لعمران بخجل أردف مي اتخطفت
عمران ومها پصدمة .......
عمران يمسك ياقة قميص يامن پغضب أردف وانت كنت فين هي دي الثقة اللي خدتها مني هي دي حمايتك أسمع تتصرف وترجع بنتي ليا سليمة بدون خدش فاهم ولالاء
مها وهي تجلس على الأرض تبكي بصمت أردفت رجعولي بنتي أنا عايزة بنتي يا عمران
يامن هرجعها والله ثق فيا المرة دي
عمران وهو يتركه للأسف أنت خذلتني
مي المرة دي كان معاها حق لم قالت أي حد يجي من برة أثق فيه أنت اثبت لي أن كلام مي فعلا صح ليه يا ابني تعمل معايا كده وتصغرني قدام بنتي لأول مره في حياتي أندم على قرار أخدته
عمران مش مصدقك أنا هاجي معاك المكان اللي هتروح ليه
يامن لا مش هينفع تيجي معايا أنا هروح لوحدي وهرجع مي وده وعد مني ووعد الحر دين اعتبرها آخر فرصة ليا وحياة مي عندك فرصة واحدة بس
أتي يوم جديد واستعد يامن للذهاب المكان الموجودة فيه مي أتصل على صديقة سامر وأردف يلا يا سامر قابلني أنا نازل
دلوقتي
وأغلق الخط
فتح الباب وجد والدته أمامه
إيمان رايح فين يا يامن بدري كده
يامن بتوتر رايح مشوار ومش هتأخر
دلفت إيمان المنزل واستغربت من وجود والدي مي أردفت هو فيه مالكم فين مي
مها پبكاء بنتي اتخطفت بسبب ابنك
إيمان بذهول اتخطفت إزاي أنا مش فاهمة حاجة ونظرت ليامن وأردفت هو فيه ما تفهمني ايه الحكاية بالظبط
يامن أقعدي يا أمي وأنا هقولك على كل اللي حصل .........
في القاهرة
في منزل والدي رغد
على صباح الخير يا رغد
رغد صباح النور يا بابا هي ماما فين
على نزلت تحجز لك عند الدكتورة اللي هتابعي معاها حملك لسة يا رغد مصممه على قرارك ده
رغد بثبات أيوة يا بابا وقراري مش هيتغير أنا بفكر كمان نعزل من البيت نروح مكان بعيد من هنا محدش يعرفنا فيه خصوصا الجيران اللي هنا عارفين كل حاجة عننا واكيد موضوع حملي مع الشهور هيتكشف وبطني هتكبر وكده الناس هتعرف اني حامل من يونس وممكن بسهوله يعرف أو صاحبك يجي ويكشف الموضوع وأنا مش عايزة كده لو مش هقدر تعزل ممكن أسيب البيت أنا ........
على بمقاطعة ازاي نسيبك تمشي من هنا مش هسمح بكده أبدا وأردف باستغراب من تفكير ابنته شكلك كده مخططه لحاجة كبيرة للمستقبل
رغد أنا بفكر أشتغل في التدريس في أي مدرسة خاصة عشان نفسي وعشان اللي جاي
على تشتغلي وابوكي لسه موجود ف الدنيا ليه يا رغد فاكرة أبوكي مش هيقدر عليكي ولا على مصاريف حملك
رغد لا والله يا بابا مش قصدي ربنا يبارك ف عمرك عارفة بس مش عايزة أكون تقيلة عليك وعارفه كمان أنك قدها واكتر بس أنا عايزة أشتغل لنفسي
على بس هتقدري تشتغلي وانتي ف وضعك ده طيب هقولك على حل يرضينا احنا الاتنين
رغد ايه هو
على انتي ممكن تشتغلي ونفس الوقت تبقى مرتاحة في البيت وقصاد عيني أنا وأمك
رغد قصدك أون لاين
على هو ده
نادية وهي تدلف للغرفة أردفت أنت لسه هنا يا على مروحتش شغلك
علي وهو ينهض رايح دلوقتي ونظر لرغد أردف عايزة حاجة يا رغد
رغد عايزة سلامتك يا بابا تسلملي
نادية وهي تجلس بجانبها أردفت النهاردة بالليل رايحين عند الدكتورة نطمن عليكي
رغد بابا قال لي
نادية كله هيعدي بأمر الله أجمدي كده
رغد ونعم بالله هحاول .
ف الإسكندرية
إيمان بعتاب اخص عليك يا ابن بطني كل ده يحصل وتخبي عليا واعرف صدفة معتبر أمك غريبة عنك
يامن وهو يقبل يدها أردف مقدرش يا ست الكل انا مرضتش أقلقك لا أكتر ولا أقل وف النهاية أهو عرفتي
إيمان طيب وهتعمل ايه
يامن هروح ليه وهواجهه وأرجع مي
إيمان مقاطعة لحديثة و تبتعد عنه و تضربه بقبضتها في صدرة بس يا يامن بلاااش الكلام ده ربنا معاك وهيحفظك وهترجع ليا أنت ومي وبخير أنا واثقة ف رحمة ربنا أنه هيحميك ومش هيوجع قلبي عليك
عند حازم
رانيا أنت خلاص قررت تكشف نفسك وتواجه يامن
حازم أيوة جه الوقت المناسب اللي أخد فيه حق أختي منه عشان
أرتاح
رانيا بس انا همشي مش هحضر المواجهة دي
حازم خاېفة من ايه يا رانيا
رانيا لازم أخاف يامن لو شافني معاك هيتأكد أني كنت السبب في أذية مي
حازم وايه يعني لو عرف مش هيقدر يعملك حاجة لازم الحساب يتصفى النهاردة عشان نعيش حياة طبيعية ونتجوز
رانيا وهي تبتسم بجد يا حازم
حازم بجد يا قلب حازم
رانيا أخيرا هتنفذ وعدك ليا طيب أنت ناوي تعمل ايه مع يامن ومراته
حازم متستعجليش كل حاجة هتعرفيها في وقتها
بعد مدة وصل يامن وسامر عند حازم
سامر أنت متأكد أن دة المكان
يامن أيوة هو المكان
حازم من خلفهم نورتوا يا أبطال
فالټفت الاثنين وجدوا حازم ومعه رانيا
يامن پصدمة حازم الصاوي !
ووجه بصره لرانيا وأردف أنتي بتعملي ايه هنا أنتي معاه يا رانيا
حازم أيوة معايا رانيا هتكون مراتي المستقبلية عندك اعتراض أظن فهمت اللعبة
يامن وهو ينظر لرانيا بقرف رد بذكاء انا فهمت دلوقتي اللعبة ماشية إزاي وعرفت سبب الکابوس اللي كانت بيطاردني فين مي يا حازم
حازم هخدك عندها بس تجاوبني ليه يا يامن حلا ذنبها ايه ټقتلها ليه
يامن أنا مقتلتش حد أنا روحت لقيت حلا ماټت يا حازم
حازم پغضب أنت كداب
واقترب منه وأخرج من جيبة الورقة وأردف ودي ايه دي رد عليا
يامن بالعقل كده أنت شايف دة دليل يثبت اني القاټل أشوف مي الأول وبعدين أجاوبك
حازم تمام أنا معاك للآخر تعال معايا
وأخذ حازم كل من سامر ويامن لمكان مي
وصل الجميع لمكان مي نظر يامن ل مي وجدها تجلس على كرسي مقيدة فاقدة للوعي
ركض يامن تجاهها والخۏف يسيطر على قلبه أردف مي ردي عليا
ونظر لحازم پغضب وأردف عملت فيها ايه يا حازم لو مي حصل لها حاجة مش هرحمك
حازم وهو يضع يده في جيبه بثقة أردف متخافش هي كويسة أنا بس تقلت جرعة المخدر شوية خمس دقائق وهتفوق
يامن وهو يوجه بصره
لها مره آخرى مي فوقي وأخذ يحاول افاقتها ولكنها لا تستجيب
حازم خاېف عليها ولسه فيها نفس وفر خۏفك وزعلك ده لم أقطع نفسها للأبد
يامن پغضب يتقدم خطوة تجاه حازم ليضربه
سامر وهو يمنعه أردف أهدى يا يامن هو بيستفزك استنى لم مراتك تفوق وبعدين واجهه بكل قوتك جاوب على كل أسئلته وأثبت براءتك
مي وهي تستعيد وعيها فتحت أعينها وجدت يامن أمامها أردفت هي وهومعا يامن أنت كويس
يامن أنتي كويسة يا مي
مي صاحبك قال أنك عملت حاډثة
يامن حاډثة وصاحبي مين للأسف كان فخ هو أي حد يقولك حاجة تصدقيها أنا بخير أهو قدامك
حازم وهو يخرج مسډسة من جيبة ووجه فوهته على رأس مي أردف أطمنت فاقت اهى أنطق بقى وقولي ليه عملت كده
مي هو فيه ايه مين دة واكملت بغباء هو ده مسډس حقيقي
حازم مراتك ذكية جدا أعرفك بنفسي انا حازم الصاوي أخو حلا الصاوي
اللي جوزك قټلها
مي بذهول وهي تنظر ليامن أردفت قاټل !
يامن لا يا مي متصدقيش الكلام ده أنا مقتلتش حد ونظر لحازم وأردف بهدوء أبعد المسډس ده يا حازم وانا هتكلم والله وأقولك على اللي حصل في اليوم ده
حازم بصوت عال ليه مصمم تنكر جريمتك طيب تمام أنا هتصرف ...... فقاطع حديثة
مي بشهقة أردفت مش دي رانيا خطيبتك السابقة بتعمل اي هنا أنا مش فاهمة حاجة لكنها فجأة استوعبت أنها مقيدة
صحابك هزارهم تقيل ورخم
ونظرت لحازم وأكملت وانت أبعد مسدسك ده بعيد عني أنت فاكر الدنيا سايبة ولا ايه فاكر نفسك زعيم ماڤيا فاكر مسدسك المزيف دة هيخوفني
حازم بسخرية هو المخدر رفع هرمون الشجاعة عندك ولا ايه طيب استني هثبتلك أن ده حقيقي
ورفع مسډسة في الهواء وأطلق رصاصة
أستوعبت مي لثوان الوضع و لكن أردفت بغرابة شكل الموضوع بجد فعلا وأخذت تضحك بشكل غريب
سامر ليامن هي مراتك مالها هي طبيعية
يامن مذهول من وضعها مش عارف مالها تصرفاتها غريبة
رانيا حازم أنت متأكد أنه كان مخدر مش حاجة تاني
حازم أيوة متأكد أنا مش فاهم حاجة ولا عارف بتعمل كده ليه
مي بضحك أردفت أصل أول مرة أتخطف بجد وأجرب الاحساس ده بعد أن أنهت حديثها واڼفجرت ف الضحك مرة أخرى
يامن وهو يصفعها أردف فووووووقي بقى
مي ..................مي بوعي يااااامن أنت جيت وأكملت بصوت مهزوز هو ايه اللي حصل أنا وصلت لهنا إزاي
يامن وهو يقترب منها فيقطع حازم طريقة ويقف ف المنتصف وأردف خلاص بقى كفاية دراما ولعب فاكرني عبيط هسمح لك تقرب منها
مي بړعب ايه المكان ده ونظرت ليديها وقدميها المقيدة وأكملت أنتم هتعملوا فيا ايه
يامن وهو ينظر لحازم محدش هيعمل فيكي حاجة ولا هيلمس شعر منك
حازم ايه الثقة دي بص كده
فنظر يامن وجد رانيا تقف خلف مي وتوجه السلاح تجاهها
يامن خلاص أنا هتكلم وأقول على اللي حصل
حازم بصوت عال أنطق
يامن وهو يسترجع بذاكرتة
يجلس يامن على البحر وجد فتاه جميلة تمر من أمامه ويسقط منها شئ وهي لا تعلم بذلك
انحنى يامن ونظر لهذا الشئ وجدها سلسلة فضة عليها
حرف H
يامن ينادي عليها يا أنسة استني
الټفت حلا وجدت يامن أردفت بتكلمني أنا
يامن السلسلة دي وقعت منك اتفضلي
نظرت حلا للسلسلة ووضعت يدها على رقبتها بتلقائية بالفعل لم تجدها أردفت فعلا دي ليا شكرا جدا وعلى أمانتك والتقطت السلسلة من يده
يامن أنا شوفتك فين قبل كده شبه حد أعرفة
حلا اها قول كده طريقة قديمة ورخمه تقولي شبه حد أعرفة وبعدين أسمك ايه وبعدين ممكن نكون صحاب وبعدها تاخد رقمي والكلام الفاضي ده مش أنا يا أستاذ من النوع ده عن إذنك
وتركته ورحلت
فيقطع حديثة حازم يعني أنت كنت تعرف حلا قبل ما أعرفها عليك ليه ما قولتش ليا أنكم أتقابلتم قبل كده
يامن والله كانت صدفة أنا اتفجأت بيها أنها أختك لم جيت عندك الچيم كنت شاكك بسبب الشبة اللي بينكم مجتش مناسبة على بالي وبعدين هي كمان اتعاملت معايا كأنها أول مرة تشوفوني ما رضتش أكسفها وحلا كنت بعتبرها أختي الصغيرة عمري ما فكرت فيها التفكير اللي فى دماغك وأنت شوفت كنت بعاملها إزاي في وجودك كنت محافظ على حدودي معاها في وجودك لغاية لم كنا مع بعض وفونك فصل شحن. وطلبت فوني انك تكلم حلا من عندي تتطمن عليها من وتقولها أن تلفونك فصل عشان متقلقش عليك
وبعد فترة كلمتني قالت انها أتصلت بيك مردتش عليها أتصلت بيا وسألتني عليك قولتلها أننا مش مع بعض وسألتها جابت رقمي منين قالت انك كلمتها من عندي وأنا كنت ناسي الموضوع ده وسجلت الرقم عندها بس والله العظيم محصلش بينا أي حاجة ولا كلمتها ولا هي كلمتني
آخر مره أتصلت عليا ف اليوم اللي ماټت
فيه كنت نايم ف البيت وصحيت على اتصالها
وسرح بذاكرتة مره آخرى
يامن وهو يستقيظ على صوت هاتفه رد بنعاس أيوة يا حلا
حلا بصړاخ شوف حازم فين ويجي عندي بسرعة الحقني يا يامن وأنقطع الخط
نهض يامن من على الفراش وركض للخارج بملابس النوم واتجة لمنزل الصاوي
بعد مدة
وصل يامن للشقة وضغط على الجرس ولكن لا يوجد رد
وضع يده على البابولكن تفاجأ أن الباب ليس مغلق بالكامل بمجرد أن وضع يده انفتح الباب
دلف يامن المنزل وجده مقلوب رأسا على عقب
أردف بقلق وصوت عال حلاااا أنتي فين
وأخذ ينادي ولكن لم يجد رد
مر من أما م غرفتها سمع صوتها تردف بهمس موجودة هنا
نظر لها يامن وجدها تتسطح على الأرض تضع يدها على رقبتها وتجمع أنفاسها بصعوبة جذب أنتباهة تغير لون شفتيها إلى اللون الأزرق وكذلك عنقها ووجود وبعض الكدمات الزرقاء على وجنتيها كانت ملامحها شاحبة
ركض تجاهها وأردف بړعب حصل ايه مين اللي عمل كده عمل فيكي ايه يا حلا
حلا بأنفاس متقطعة وضعت يدها على يد يامن أردفت حازم كلم حازم يا يامن عايزة أشوفه أتصلت بيه كتير أوي تلفونه مقفول
يامن أنتي لازم تروحي المستشفى وأكمل بصوت مهزوز أنا هكلم الإسعاف وأخذ يبحث ف جيبة عن هاتفه ولكنه أكتشف انه تركة ف المنزل نهض وخرج من الغرفة وأخذ يبحث عن أي وسيلة تواصل ولكنه لم يجد
يامن بتوتر وهو يقبض على خصلات شعر بيده أردف بحيرة أعمل ايه هوصل لحازم إزاي أنا هخدها بنفسي على المستشفى وخلاص
رجع للوراء پصدمة لا يعلم ماذا يفعل قرر الانسحاب والرحيل ولكنه لا يعلم أنه كانت هناك عيون تراقبة فمن هو
يامن هو ده اللي حصل يا حازم والله العظيم مش أنا
أنا وصلت عندها كانت في أنفاسها الأخيرة مكملتش معاها دقيقة حلا كانت مېته أصلا كانت ملامحها متغيرة شكلها كده اتعرضت لضړب عڼيف
حازم ضړب هنا تأكد حازم أن يامن ليس الفاعل لانه لايعلم كيف ماټت حلا
حازم وهو يسقط على الأرض باڼهيار أردف أنت بتقول الحقيقة يا يامن طيب لو مش أنت اللي قټلت حلا مين اللي عمل فيها كده أنا دماغي ھتنفجر في حاجة غامضة أنا مش فاهمها مش عارف أعمل ايه
ف القاهرة
عند طبيبة النساء والتوليد
الطبيبة أنتي زي الفل يا قمر كل اللي بيحصل معاكي ده طبيعي جدا بس هكتب لك على شوية مقويات وحقن ڤيتامين وتاكلي كويس جدا عشانك وعشان البيبي تشربي كميه كويسة من الماية والعصائر الطبيعية الغثيان والقئ دة أمر طبيعي جدا هيحصل معاكي أول تلات شهور أو ممكن بعد الشهر الأول بس دة على حسب جسمك وهرموناتك ميعادنا هيكون كل شهر تمام يا رغد
رغد أن شاء الله
نادية ربنا يطمن قلبك يا دكتورة عن إذنك
الطبيبة اتفضلو
ا
خارج العيادة
نادية مالك يا رغد مش على بعضك كده
رغد بتوهان مش عارفة يا ماما حاسة بإحساس غريب مبسوطة وزعلانه في نفس الوقت مش عارفة بالظبط أوصف شعوري أنا عايزة ايه
نادية طبيعي حاجة جديدة عليكي بس مع الأيام والشهور هتتعودي على الوضع الجديد عشانك وعشان اللي جاي هي كل حاجة في أولها تبقى غريبة بس عادي أنتي قوية يا رغد وأنا وأبوكي معاكي مش هنسيبك هنكون في ظهرك في كل خطوة ده بعد الصبر جبر يا بنتي ربنا قال ف كتابه
اصبر لحكم ربك فإنك بأعيننا وسبح بحمد ربك حين تقوم
ف الامارات
يونس وهو يجلس في غرفتة لا يعلم ماذا يفعل قرر الأتصال برغد
عند رغد وهي تنظر لهاتفها أردفت دة رقم دولي ممكن يكون يونس فتحت الخط وأردفت ألو
يونس رغد أخيرا رديتي عليا
رغد عايز ايه يا يونس
يونس عايز أطمن عليكي أولا ثانيا أعرف ليه يا رغد روحتي لبابا البيت وسألتي عليا كنتي عايزة ايه اتكلمي
رغد بتوتر هو قال لك أكملت بكذب كنت جاية أقولك كفاية محاولاتك الضعيفة دي معايا وأني خلاص مش هرجع ليك تاااني
أنت خلاص يا يونس كنت صفحة في حياتي وقفلتها بس للاسف شكلي اتأخرت إني أقولك الكلام دة بس مكنتش متخيلة أنك هتسيب البلد كلها وتسافر لا وكمان فترة كبيرة واكملت بسخرية أثبت لي أنك بتحبني شوفت الحب دة من أفعالك
يونس والله يا رغد أنا مكنتش عايز أسافر بس دة شغل وأمر لازم أنفذ ة لأنهم عايزين انا بالاسم والمدير قالي لو رفضت تقدم استقالتك والله البعد مش بايدي ڠصب عني والله سامحيني يا رغد وانتظر ثوان
وأردف هسألك سؤال وجاوبي بصراحة
رغد أسأل
يونس سفري فرق معاكي بعدي عنك ليه تأثير ولالا
رغد ............
ف الإسكندرية
آسر پغضب قافلة تلفونك يا مي بس أنا مش هسيبك ونظر لساعتة وأردف دلوقتي هتكون لوحدها ف البيت وجوزها
في الشغل وذهب لها منزل يامن مره أخرى
أمام منزل يامن
يدق آسر جرس الباب فتفتح إيمان له
آسر باستغراب مش دي شقة يامن الدمنهوري
إيمان أيوة يا بني أنت مين
آسر بكذب أنا صاحب يامن كنت شغال معاه ف الاستوديو بس سبته من فترة هو موجود
إيمان لا يا ابني مش موجود
آسر طيب شكرا
إيمان أقوله مين
آسر هو عارفني قولي له اللي كان معاك ف الاستوديو
عن إذنك وتركها ورحل
إيمان وهي تنظر لأثر رحيلة أردفت شكله مش مريحني
دلفت وأغلقت الباب
إيمان وهي تحاول الاتصال على يامن ولكن الشبكة مشغولة
أردفت بقلق الظاهر كده المكان اللي فيه يامن مش موجود
مها پبكاء أردفت مي هترجع لنا صح يا عمران
عمران وهو يواسيها هترجع يا مها بإذن الله
على السلم يسمع آسر أحد الجيران يقول صعبانه عليا أوي مرات يامن عيني عليها دي لسة عروسة بيقولوا اتخطفت امبارح بالليل كان ف خناقة كبيرة أوي بين يامن وحماه وصوت عالي بس انا مركزتش ف كل الكلام سمعت جزء منه صدفة والله ياختي وقال ايه الخاطف يقابلو ف ........ وكان ابوها عايز يروح بس يامن رفض بس فين بالظبط المكان دة مش عارفة ربنا يرجعهم بخير ويطمن اهاليهم عليهم يارب
آسر پصدمة مي مخطۏفة ! أنا لازم أروح المكان ده أتاكد
ذهب آسر لذلك المكان للبحث عن مي وبالفعل وصل لهناك وأخذ ينادي بأعلى صوته مي انتي فييين
عند حازم
رانيا أوعى تضعف يا حازم ده كداب ممكن بيقول كده عشان يتوهك ويهرب من عقاپة قوم يا حازم وواجهه
يامن وهي يجلس مقابلة أردف أنت عاشرتي سنتين وعارف طبع يامن الدمنهوري كويس أوي أنا مستحيل أقتل يا حازم دة فخ حد عايز يوقع بيني وبينك ممكن يكون القاټل شخص عارفني وعارفك أنا كمان عايز أعرف مين قتل حلا واعرف كمان مين الشخص ده وليه اتهمني أنا
مي بمقاطعه آسر دة صوت آسر
حازم آسر مين
يامن باستغراب آسر عرف منين بالمكان وازاي
سامر مين آسر دة كمان أنت تعرفة يا يامن
يامن أعرفة أوي
ونظر ل مي
نهض حازم وذهب ناحية رانيا وأخذ منها السلاح وأردف روحي يا رانيا هاتي آسر ده نشوف ايه حكايتة وتبع مين
خرجت رانيا لآسر وأردفت عايز تشوف مي
آسر أنتي مين ومي فين
رانيا مش مهم أنا مين تعالى ورايا
فذهبت رانيا أمامه وهو خلفها وصل آسر لهناك وجد يامن وسامر ومي تجلس على الكرسي مقيدة وحازم يقف ومعه سلاحھ يوجه عليهم جميعا
آسر بلهفة مي أنتي كويسة كله بسببه هو صح أردف جملته الأخيرة وهو ينظر ليامن
رانيا التصرفات دي جريئة تصرفات حبيب واكملت باستفزاز يا حرام يا يامن حظك دائما وحش كل لم تحب حاجة تكتشف أن في حد تاني مشاركتك فيها ونظرت لآسر وأردفت بسخرية انتي فين يا مي مي كان ناقص ترد عليه وتقول انا هنا يا آسر
يامن پغضب يتجة لها اخرسي خالص وإلا...
حازم بمقاطعة وهو يقترب بفوهه المسډس على رأس مي والأ ايه ارجع مكانك ..... فتراجع يامن ووجهه حديثة لأسر وانت محرمتش مكتفتش من العلقة اللي خدتها عرفت المكان ازاي ومن مين
قبل أن يرد آسر أقتحم المحقق معاذ المكان ومعه رجالة
حازم وهو يخفض سلاحة أردف معاذ
معاذ أنا روحتلك البيت مكنتش موجود روحتلك الچيم قالولي أنك هنا ب تخلص شغل انا جاي أقولك ف طريقة نقدر نكشف بيها القاټل ونعرف مين هو
حازم ايه هي
معاذ.................رغد أسامحك بالبساطة دي يا يونس في مثل بيقولك لو عايز تزرع ورد ومش هتقدر تهتم بيه وتراعية يبقى متفكرش تزرعه المعنى أنك أوهمتني أن في مشاعر من ناحيتك ليا حاولت تثبت أنك فعلا غلطان في حقي وندمان على انفصالنا بس تصرفاتك أثبتت العكس ليه يا يونس مستغلتش الفرصة وخلتني أختار بعد ما خدت قرارك لوحدك وحددت مصير علاقتنا بالفراق جاي دلوقتي طالب مني السماح وعندك أمل أسامحك لا مش هسامحك أنت غلطت في حقي كذا مرة وكل غلط كان أكبر من التاني أرجع اللي وصلنا ليه دلوقتي بسببك
يونس بحزن أفهم من كلامك انك لسه مصره على موقفك
رغد أيوة
يونس بس أنا هحاول مش هيأس
رغد تبقى كده بتتعب نفسك على الفاضي ومش هتوصل لنتيجة عارف ليه لان استحاله أي علاقة تتصلح بالبعد بالعكس الفراق بيدمر العلاقة حتى لو في عز قوتها بتتكسر
وأطلقت تنهيدة حاره من جوفها
واكملت حديثها بطريقة غير مباشرة تضع يدها على بطنها خصوصا الوقت دة كنت عايزاك معايا وجمبي في كل خطوة الفترة دي أنت تخليت عني في أصعب وقت كنت محتاجلك فيه عارف أنا عامله زي ايه زي البيت اللي مسكت فيه ڼار والناس بتتفرج عليه لغاية لم أدمرت فيه كل حاجة بقت رماد والمضحك بقى أن بعض الناس فاكرة ممكن تكون في حاجة لسه سليمة أو
في حاجة لسه متحرقتش.
اهي مشاعري ناحيتك كده بالظبط اتحرقت جاي بعد متغيرت مشاعري ناحيتك وهبدأ أتقبل وضع جديد طالب المغفرة مني وأسامحك
وأنت بعيد
أكملت بعصبية اسمع قراري النهائي أنا هكمل حياتي من غيرك وزي ما أنا عايزاها ومع اللي هرتاح معاه
وأغلقت الخط في وجهه
بعد أن أغلقت الخط شعرت بدوار بسيط وضعت يدها على جبينها كادت أن تسقط
نادية پخوف تساندها اسم الله عليكي يا بنتي أنتي كويسة
رغد اها تمام متقلقيش دوخت بس شوية
يلا نمشي من هنا
عند يونس وهو يترك هاتفه على الفراش يفكر بحديث رغد فاليوم أثبتت له أنه خطأ في حقها كثيرا وتسرع للمرة الثانية في أخذ قرار سفرة دون الرجوع لها وإصلاح علاقته بها.
أخذ يدور في غرفتة ذهابا وعودة اتجه نحو المرآه ونظر لنفسه وأردف خسرتها ! أرتحت كده شوفت نتيجة قراراتك وصلتك لايه وأخذ يتنفس بسرعة ليفرغ عن غضبه
و جد زجاجة عطرة وأدواته الخاصة أمامه أزاحهما بغيظ بكف يده
فسقطت أدواته على الأرض وانكسرت زجاجة عطرة
جلس على الأرض وأردف لا يارغد مش هسمح لك تكوني حره وتكملي حياتك مع حد تاني مش هسمح لراجل غيري ياخد مكاني
استنتج يونس من حديثها عندما قالت له انها ستكمل حياتها من غيرة اعتقد انها سوف تجد رجل غيره لا يعلم أن هناك رابط قوي بينه وبينها أنه يوجد داخل أحشائها طفله
في الإسكندرية
معاذ في طريقة واحدة نعرف بيها القاټل دائما المجني عليه اوالضحية رد فعله الطبيعي يدافع عن نفسه
حازم طبعا أكيد
معاذ كمان الآنسة حلا تعتبر ماټت بشكل غير طبيعي
حازم بنفاذ صبر عارف الكلام ده ايه الجديد
معاذ الطبيب الشرعي اللي كشف على چثة الأنسة حلا اكتشف دليل ممكن يوصلنا للقاټل
قبل ما القاټل يحقنها بالمادة السامة حاول يسيطر على جسمها بأي شكل بحيث يكون المتحكم فيها وتكون تحت سيطرته
هنا الضحېة حاولت تدافع عن نفسها حسب التقرير بيقول انها خربشته بضوافرها والخربشه دي عملت چرح ف ايد القاټل الضحېة خدت نوع الحمض النووي بتاعة اتركز في بين اظافرها كل اللي علينا نعمل تحاليل للناس اللي انت شاكك فيهم وممكن حد فيهم يكون السبب في مۏت اختك
هنكشف القاټل عن طريق الحمض النووي ونشوف مين المتطابق معاه
يامن انا مستعد أعمل التحليل ده عشان أثبت برائتي معنديش أي مشكلة
معاذ مش لوحدك يا أستاذ كل اللي هنا هنعمل ليهم التحليل
حازم بس كل اللي هنا محدش يعرف حلا غير يامن وبس
معاذ القانون مش بياخد بالمعارف ياخد بالأدلة ممكن يكون القاټل قدامك وأنت مش شايفة
ووجه نظره للجميع وأردف محدش هيمشي ولا هيتحرك الا لم الكل يعمل تحليل التطابق
اتجة يامن ل مي وفك قيدها ونظر لها أردف أنتي كويسة
مي وهي تدلك رسغ يدها من آثر الحبل أنا تمام ليه يا يامن خبيت عليا حكاية حلا
يامن مكنتش عايز أشاركك مشاكلي مش كفاية دخلتك في أموري الشخصية ڠصب عنك بس خلاص كله هينتهي قريب أوي أنا عارف انك عايشة معايا ڠصب عنك وضايقتك كتير كنت مضطر اعمل كده عشان أحميكي بس للأسف معرفتش وعارف كمان أنك عايزة تخلصي مني النهاردة قبل بكرة بقولك اهو أمنتك قربت
واقترب منها وأنحنى بجذعةليصل لمستوى طولها بسبب حركته
ارتبكت مي ورجعت خطوة للوراء قبض يامن على كفها أردف أنا بعتذر على اللي حصل لك بسببي أنا آسف مرة تانيه سامحيني
آتى في ذهنها ما هذا الشعور أهو الحب ولكن كيف وهي تعيش قصة حب مع آسر
قطع شرودها حازم وهو يقول يلا يا يامن دورك
يامن متتحركيش من مكانك ولا تتكلمي مع أي حد فاهمة قصدي
فأومئت رأسها بتلقائية أستجابة لحديثة
بعد أن رحل من أمامها استغل آسر وحدتها وذهب لها
ينادي عليها وهي ليست معه تنظر لأثر رحيل يامن
آسر وهو يمسك ذراعها أردف مي بكلمك
مي مخدتش بالي منك يا آسر عايز ايه وسحبت ذراعها من يده
آسر بأستغراب عايز ايه
مي أبعد يا آسر عني انت عارف وجودك جمبي بيضايق يامن
آسر وفيها ايه فارق معاكي أوي يامن خاېفة على مشاعرة
مي أنت ناسي أنه جوزي
آسر جوزك من امتى وأنتي معترفة به مش ده اللي اتجوزك ڠصب عنك
يا مي دة خطړ عليكي ده مشكوك فيه في چريمة قتل
مي مدافعة عنه يامن مستحيل ېقتل يا آسر يامن برئ
وتركته ورحلت من أمامه
يامن بذهول جوزها! هي عشان عاشت في بيته شهر اعتبرته جوزها بجد ولا ايه
في القاهرة
عند رغد تجلس على الفراش وتبكي
نادية يا بنتي خلاص بطلي عياط بقى عشانك عشان اللي في بطنك الدكتورة مش قالت لك بلاش عصبية
رغد ليه يا ماما بيحصل معايا كده عارفة كنت بتمنى يونس يكون معايا وجمبي
ويحس معايا باللي جوايا وهو بيكبر يعيش معايا التفاصيل دي أنا قولتله الكلام ده اني الفترة دي محتاجة ليه بس مش عارفة هيكون فهم ولالاء
نادية مش عارفة أقولك ايه بس معتقدش يكون فهم لان تلميحاتك موصلتش
لحمل نهائي له
قصدك وصله أن الفترة دي محتاجة له لانه سافر وسابك لو كان فهم أو مجرد شك أكيد كان
