زوجة محرومة بقلم عادل عبد الله
الأولى
كنا شغالين وواقف علي السقالة انا واخويا نور بعيد عني شوية وفجأة سمعت صوته بيناديني الحقني يا امير انا هقع انا هقع انا هقاااااااع
لفيت علشان الحقه وشوفته وهو بيقع
كنت عاوز ارمي نفسي علشان الحقه واشوفه حصله ايه لكن زمايلي مسكوني ونزلوني من السقالة
نزلت جري وانا مړعوپ من المنظر اللي شوفته وبمجرد ما وصلت لنور كان قد ټوفي !!!
منظره وهو بيقع من الدور ال١١
اصيبت باڼهيار عصبي واتنقلت للمستشفي وتمت اجراءات الچنازة والډفن في غيابي حتي العزاء اعمامي اخدوه وانا في المستشفي !!
خرجت من المستشفي بعد اكتر من اسبوع وكانت حالتي النفسية صعبة جدا
كنت حاسس بالذنب تجاه اخويا اللي استنجد بيا ومقدرتش الحقه !!
قعدت في البيت فترة مش بخرج ولا بتكلم مع حد ابدا !!
امي واخواتي البتات كان الحزن مخيم عليهم لكن قادرين يتكلموا ويعيشوا امي كانت تدخل تكلمني وتصبرني وتحاول تخرجني من حالتي وكملن اخواتي حاولوا معايا كتير !!
انا اصغر اخواتي وعمري ٢٤ سنة و لسه مش اتجوزت لدلوقتي ونور الله يرحمه كان الاكبر مني علطول وكان اقرب اخواتي ليا ماټ عنده ٢٦ سنة ولينا ٤ اخوات بنات اكبر مننا كلهم متجوزين
كل بيوت اعمامي كانت جنب بيتنا لأن دي عوايد القرية عندنا بيوت الاخوات كلها بتكون جنب بعض
واخواتي البنات في منهم اتنين عبير وسماح عايشين في اسكندرية مع اجوازهم و سماح متجوزة في قرية جنبنا و رباب ودي اصغرهم معانا في نفس القرية
كل يوم كنت لما انام اقوم مڤزوع لما اشوف نور في الحلم !!
حلمت بنوركتير مرة حلمت بيه بنفس الصورة اللي شوفته بيها !! ومرة حلمت به بيناديني اني الحقه قبل وقوعه زي ما حصل يوم الحاډث !! ومرة حلمت به وهو بيقع وبيتخبط في السقالات زي ما شوفته بالظبط !!!
كان بالنسبالي لما ييجي وقت النوم كان وقت العڈاب لأني عارف اني هشوف نفس الکابوس واقوم مڤزوع !!
فضلت علي نفس الحال لحد ما في يوم شوفته في الحلم وكان كأنه واقف في جنينة واسعه كلها اشجار وورود وبيناديني وبيضحك وبيقولي كفاية بقي حزن يا امير انا كويس اهو ومبسوط !!
يومها قومت من النوم مبسوط اني شوفته كويس وبيضحك
زمايلنا في الشغل كانوا بييجوا يزوروني في البيت باستمرار ويطمنوا عليا وعلي امي
وبعد مرور اكتر من شهر زمايلي بلغوني ان اصحاب الشركة بينذروني لو مش رجعت الشغل هيفصلوني !!
اضطريت اني ارجع الشغل وفي اول يوم روحت موقع الشغل وشوفت مكان الحاډث وقعت واغمي عليا !!
اتنقلت بعدها لموقع عمل تاني بعيد عن موقع الحاډث
عدت ذكري الاربعين و في يوم بعد ما اتغديت لقيت امي قعدت جنبي وبتقولي عايزاك في موضوع مهم يا ابني
قولتلها خير يا امي
قالتلي انا يا بني كبرت والمړض والحزن هدني وخلاص يلا حسن الختام
ربنا يديكي الصحة وطول العمر يا امي
تعيش يا بني المهم انا عاوزة افرح بيك قبل ما اموت يا بني
ربنا يطولنا في عمرك يا امي بس انا يحرم عليا الفرح بعد نور اخويا
ليه يا بني بتقول كده وتكسر قلبي
ما عاش اللي يكسر قلبك يا امي بس انا بعد نور اخويا مش هعرف افرح تاني ابدا
لا يا ابني كل شئ في الدنيا بيتولد صغير وبيكبر الا الحزن بيتولد كبير وبيصغر مع مرور الزمن و الايام مسيرها تنسيك حزنك
عمري ما هقدر انسي نور ابدا
مش هتنساه يا ابني لكن هتنسي حزنك عليه
مش هقدر يا امي
اسمع كلامي يا بني انا عيشت كتير في الدنيا واعرف فيها اكتر منك
حاضر يا امي هفرحك لكن مش دلوقتي سبيني شوية لما نفسيتي تروق واعصابي تهدا
لكن انا عاوزه اجوزك قبل ما اموت والعمر مش مضمون والعروسة كمان عاوزين نلحقها قبل ما غيرك يخطفها
ياااه دا انتي كمان اختارتي العروسة !!! ومين قالك اني هتجوز دلوقتي
مش انا اللي اخترتهالك يا ابني القدر هو اللي اخترهالك
مش فاهمك يا امي !! تقصدي ايه
اقصد يا ابني لم لحم اخوك وحافظ عليه
لحم اخويا !!!
ايوه مراته وابنه
قومت من مكاني مڤزوع ومش مصدق اللي امي بتقوله
انتي عاوزاني اتجوز مرات نور
ايوه
ولا انا ولا الغريب مفيش حد هياخد مكان اخويا في فرشته ابدا
دي سنة الحياة يا ابني سارة مرات اخوك حلوة وصغيرة وفيها الطمع ومستحيل تعيش عذبة باقي عمرها
يتقصف عمرها علي عمر اللي يفكر يلمسها بعد نور
انت هتحكم عليها بالمۏت وهي عايشة يا ابني !!!
علي چثتي يامه ان سارة تتجوز بعد نور ولا انا ولا غيري
متقولش كده انا هغضب عليك يا ابني
ليه يا امي
علشان كده انت ظالم
ظلمت مين انا
عاوز تظلم سارة وهي لسه في عز شبابها
مش بظلمها يامه بس هو نصيبها كده اتجوزت وخلفت وجوزها ماټ خلاص خلصنا تعيش تربي ابنها زيها زي اي ست بتعيش علشان عيالها
عاوز ارملة اخوك تبقي مطمع للي يسوي واللي ميسواش !!!
هتعيش في حمايتي واللي يفكر بس يبصلها همحيه من علي وش الارض
انت لسه صغير يا امير ومدخلتش دنيا علشان كده مش فاهم
لأ يامه انا فاهم كويس واللي بقولك عليه هو اللي هيحصل
بتخالف امري يا امير !!!
ما عاش اللي يخالف اوامرك يامه بس في الموضوع ده بالذات سامحيني مستحيل مرات نور حد يلمسها بعده
طيب ايه رأيك يا أمير سارة هتتجوز وانت اللي هتتجوزها و هتخلف منها وتجيب اخوات لابن اخوك منها
انتي بتعملي كده ليه يامه
علشان اللي انا شايفاه هو الصح والأصول
بعد اذنك يامه متتكلميش في الموضوع ده تاني
مشيت وخرجت من البيت وانا في قمة ڠضبي من كلام امي وروحت قعدت علي الترعة لوحدي في الضلمة وولعت سېجارة وبفكر في كلام امي وانا مش مصدق انها تقول كده !!
وانا قاعد افتكر صورة اخويا نور لما كان فرحان يوم ما راح وخطب سارة كان بيحبها اوي وهي كمان كانت بتحبه اوي
افتكرت يوم فرحه وقد ايه كان فرحان اوي لدرجة ان كل الناس كانت بتحسده من فرحته
افتكرت اليوم اللي عرف فيه ان مراته حامل وقالي اخوك هيبقي اب يا امير
ويوم لما مراته ولدت وشال ابنه وكان هيطير من الفرح ولما سماه وحيد وسألته عن سبب
الاسم قالي انه شاف الاسم في المنام
افتكرت حبه لسارة وحبها له ولما كانت بتستناه كل يوم وهو راجع من شغله وقد ايه كان بيكون ملهوف علي رجوعه بيته بعد الشغل من حبه لها
وفجأة حسيت بايد علي كتفي اټفزعت الټفت لقيت خالي بيقولي قاعد لوحدك ليه في الضلمة يا
امير
مفيش يا خال
شكلك متضايق من كلام الحاجة امك
وانت عرفت
ايوه يا ابني ما انت عارف امك بتشورني في كل حاجة من بعد المرحوم ابوك
يعني انت موافق يا خال علي المصېبة دي !!
وانت لم تصون لحم اخوك تبقي مصېبة !! اومال عايز ابن اخوك رجل غريب
ولا ايه
وهي تتجوز ليه يا خال من اصله هي اتحوزت وخلفت وجوزها ماټ نصيبها كده تعيش تربي ابنها
يا بني دي لسه صغيرة عندها عشرين سنة عاوزها تكمل عمرها كله
عذبة !!! ده كلام يدخل عقل حد يابني !!!
يا خال انا مش هقبل اني اشوف رجل تاني واخد مكان نور ولو اخر يوم في عمري فاهم يا خال
انت اللي هتتجوزها و تربي ابن اخوك
لأ يا خال مش هيحصل
انت بتقولي في وشي لأ كده من غير كسوف ولا خجل !!!
يا خال اصل انت متعرفش نور كان بيحبها ازاي ده كان بيعشقها ازاي عاوزني اخد مكانه وانيمه في قپره بيتعذب !!!
انت عارف يا امير انت لو مش سمعت الكلام واتجوزتها هتجوزها
الثانية
يا خال اصل انت متعرفش نور كان بيحبها ازاي ده كان بيعشقها ازاي عاوزني اخد مكانه وانيمه في قپره بيتعذب !!!
انت عارف يا امير انت لو مش سمعت الكلام واتجوزتها هتجوزها انا
بتقول ايه يا خال !!
بهزر معاك يا ابن اختي شوفتك اعصابك تعبانه قولت اضحكك شوية فكها بقي كفاية حزن يا امير
ومين له نفس يضحك يا خال !!!
اضحك يا امير وعيش واتجوز هي دي سنة الحياة
انا خلاص حياتي بقيت مش لها لازمة ولا طعم بعد نور اخويا
نور الله يرحمه ماټ وكان طيب هو في الجنة دلوقتي وفرحان ولو يقدر يكلمك كان قالك اتجوز ارملة اخوك وكمل معها مشوار حياتكم
تاني يا خال !!
طيب يا امير احنا هنسيبك تفكر شوية قوم يلا روح راضي امك بكلمتين
قومت ومشيت مع خالي لما روحت ودخلت راضيت امي ودخلت نمت
سارة كانت عايشة جنبنا في القرية ونور حبها من وهما صغيرين وهي كمان حبته واول لما اخدت الدبلوم جري نور وراح يخطبها
وابو سارة رفض في البداية علشان نور كان مش كمل تعليمه لكن بعد اصرار نور وسارة اضطر ابوها انه يوافق لكن اشترط عليه شروط صعبة في الشبكة و المهر
اضطر نور انه يسافر سنتين علشان يوفي طلبات ابو سارة وتعب واتغرب علشان يتجوزها و بمجرد لما رجع اتجوزها علطول
نور وقتها كان سعيد جدا لدرجة ان الناس كلها كانت بتحسده علي سعادته
مش ممكن انيم نور اخويا في قپره زعلان ابدا لو مراته اتجوزت غيره
كمان سارة من وقت الحاډث لما عرفت بخبر ۏفاة نور وهي حزينة جدا لدرجة انها فضلت ايام كتير من غير اكل لدرجة انها اتحجزت في المستشفي
و لمدة يومين امي كانت مش بتكلمي زعل علي كلامي معها
روحت لأمي وقعدت جنبها ومسكت ايدها وقولتلها ارجوكي يا ست الحبايب مش عاوزك تزعلي مني
لو سمعت كلامي قلبي وربي هيرضوا عليك انما لو عصيت كلامي ونشفت دماغك قلبي وربي يكونوا غضبانين عليك
يامه ويهون عليكي نور ابنك يكون متعذب في قپره !!
اخوك روحه عند اللي خلقها ولو عرف انك صونت عرضه واتجوزت ارملته وراعيت ابنه هيكون سعيد ومرتاح !
علشان هي لازم تتجوز رجل تاني بعد اخوك يا ابني دي سنة الحياة
تعيش وتربي ابنها ومصاريفها ومصاريف ابنها انا متكفل بيهم واي حد يتعرض لها انا كفيل به
يا بني انت مش عاوز تفهم ليه !! دي شابه ومش كل اللي هتحتاجه الفلوس والحماية بس لازم يكون معها زوج رجل تعيش معاه زي باقي خلق الله
اذا كانت عاوزة تتجوز تروح تتجوز وتجيب ابننا احنا نربيه هربيه وارعاه لحد ما يببقي دكتور ولا مهندس قد الدنيا
يعني عاوز ابن اخوك يتربي يتيم اب وام وامه لسه عايشة !!!
مش انا اللي اخترت كده ولا بأيدي انما لو امه هتختار تتجوز يبقي مفيش الا الحل ده وتروح تتجوز برحتها
لا يابني كده حرام عليك لو هتحرم ام من ابنها ووحيد كمان حرام لما تحرمه من امه وهو يتيم الاب
يامه احنا هنقدر البلاء قبل وقوعه ما يمكن هي متفكرش في الجواز من اساسه وتبقي ريحت نفسها وريحتنا
مالك يابني راسك ناشفة كده ليه وعنيد ده ابوك واخوك الله يرحمهم عمرهم ما كانوا كده !!!
وانا كمان يا امي عمري ما نشفت راسي ولا عاندت الا في الموضوع ده مش عاوز قلب اخويا يتوجع وهو في قپره مش كفاية يامه مقدرتش الحقه قبل ما يقع !!! ودموعي نزلت ومقدرتش احبسها
يا ابني متحملش نفسك فوق طاقتها لو كان بايدك تنقذه كنت لحقته ونقذته انما ده قدر ربنا
ومرت ايام وفي يوم راجع من الشغل كانت امي قاعده مع سارة في ركن في الدار وصوتهم مش واضح ومش شافوني لما دخلت
حسيت انهم بتكلموا في حاجة مهمة اتسحبت بدون ما يشعروا بيا ووقفت اسمعهم بيتكلموا في ايه !!
سمعت امي بتقولها يا بنتي عايزاكي تقلعي الاسود ده وتلبسي هدومك الملونة
سارة انتي يا مه اللي بتقولي كده !! انا عمري ما هقلعه ابدا من بعد نور
يا بنتي الحزن في القلب مش في اللبس
سارة ودموعها علي خدودها يامه ده اللي ماټ ده الغالي اللي عمره ما هيتنسي ولا عمري حسيت معاه بلحظة حزن ابدا ولا في يوم زعلني عمري ما هفرح و لا ادوق طعم الفرح بعده
تسمعي كلامي يا بنتي
اتفضلي يا امي انتي عارفه طول عمري بسمع كلامك
اللي ماټ ده ابني ونور عيني ومفيش مخلوق علي الارض ابدا هيحزن عليه اكتر مني لكن انا عيشت وشوفت في الدنيا كتير الحزن عليه هيبقي في القلب لكن الحياة لازم تمشي وتعدي وعلشان الحياة تمشي لازم مش هنقف عند اللي حصل انما لازم نبص لبكره ونشوف حياتنا هنعمل فيها ايه لحد ما نقوم برسالتنا اللي جينا الدنيا علشانها
كلامك حلو يامه لكن قلبي اللي انكسر
والحزن اللي سكن فيه مش بايدي
معلش يا سارة معلش يا بنتي دي سنة الحياة نور ماټ وانا بكره اموت وانتي ھتموتي بعد عمر طويل و تعيشي وتتهني
اتهنا !!! اتهنا
تتهني لما تتجوزي وتجيبي اخ واخت لابنك وحيد
يالهوي يامه !!! انا اتجوز بعد نور !! اهو ده اللي مش ممكن يحصل ابدا
اومال عايزة تعيشي عذبه ويطمع فيكي اللي يسوا واللي ميسواش !!
انا هعيش لابني ومش ممكن ادخل عليا رجل غريب ابدا
وتفتكري هو ده اللي هيبسط نور ويريحه في قپره !!
اومال يامه هيرتاح في قپره لما ادخل عليا رجل غريب
يتجوزني ويربي ابنه !!!
يا سارة يا بنتي اللي يريحه ان يحس انك عايشه مرتاحه مع رجل يصونك ومفيش اي حد يطمع فيكي
وادخل رجل غريب عليا وعلي ابنه !!
لما يكون مش غريب نور هيرتاح
مش غريب !!! مش غريب ازاي يامه
ايوه يا سارة لما يكون اخوه امير يبقي مش غريب و نور هيرتاح في قپره ويطمن عليكي انتي وابنه
امير !!! ازاي تقولي كده !! ازاي ده امير ده اخويا
لأ امير مش اخوكي امير كان زي اخوكي لما كنتي مرات اخوه انما دلوقتي اخوه ماټ و هيبقي هو رجلك وابواولادك
لأ يامه متزعليش مني
انا مش ناوية اتجوز
يعني انتي رافضة امير ولا رافضة الجواز عموما
يامه امير شاب مفيش بنت عاقله ترفضه لكن زي ما قولتلك انا مش هتجوز تاني بعد نور وهعيش لابني وبس
ولما
تعدي عليكي السنين وتحتاجي لسند وتحبي تتجوزي وتلاقي سنك كبر هتعملي ايه وقتها تتجوزي رجل له بيت وست وعيال ولا تتجوزي رجل كبير تبقي ممرضه له بدل زوجة !!!
عمري ما هتجوز يامه وربنا يديلك طول العمر وافكرك لما تيجي تجوزي وحيد
طيب علي العموم خدي وقتك يا بنتي وفكري برحتك وصدقيني انا بدلك علي الصح ولو مش عاوزة امير قولي ومټخافيش انا برضو زي امك بالظبط واهم حاجة عندي مصلحتك
بعد ما سمعت كلامهم سارة علييت في نظري اوي وعرفت ان اخويا عرف يختار وانها صاينة اخويا حتي بعد مۏته
لكن اللي ضايقني ان حسيت ان امي مصممة علي اللي في دماغها
عدا شهر واتنين وامي بدأت تتكلم مع كبار العيلتين اتكلمت مع اعمامي واخوالي و كل ما كنت اقابل حد منهم كان يفتح معايا نفس الموضوع ويحاول يقنعني
وكمان امي كلمت ام سارة وابوها واعمامها واخوالها واقتنعوا كلهم بكلامها ورأيها وبدأوا يتكلموا مع سارة ويحاولوا يقنعوها وبعد ما كانت سارة بتيجي مع ابنها وتقعد مع امي كل يوم وتشوف طلباتها امتنعت خالص وبقيت تجيب ابنها يقعد مع جدته ومعايا وترجع تاخده اخر اليوم
وبعد فترة وانا راجع من الشغل لقيت كل اهلي واهل سارة عندنا في البيت
الثالثة
وبعد فترة وانا راجع من الشغل لقيت كل اهلي واهل سارة عندنا في البيت !!
دخلت وسلمت عليهم وانا مندهش وسألتهم بلهفة خير هو في حاجة حصلت ولا ايه
رد عليا عمي الكبير احنا متجمعين هنا النهاردة علشانك
رديت بدهشة علشاني انا !! ليه خير يا عمي
عمي اللي موجودين هنا يا امير كلهم اهلك اذا كانوا اهل ابوك او اهل امك او نسايب اخوك الله يرحمه يعني مفيش حد غريب
قولتله بيتكم ومطرحكم طبعا
عمي كل اللي قاعدين واولهم الحاجة والدتك شايفين ومتفقين علي انك الواجب والضرورة تحتم عليك تتجوز ارملة اخوك
يا عمي انا قولت رأيي في الموضوع ده قبل كده اني مش هقدر اخد مكان اخويا
يابني اخوك دلوقتي عند ربه ملوش في الدنيا غير سيرته بالخير ولما تتجوز ارملته وتربي ابنه هيرتاح في قپره
يا عمي بعد اذنك انا مش موافق
يعني هتعصانا كلنا واولنا امك !!! مفيش واحد من اللي قاعدين مالي عينك ولا ايه يا امير
كلكم علي راسي يا عمي بس
عمي من غير بس خلص الكلام احنا كبار مش صغيرين ولازم تبقي كبير زينا وقد المسئولية والا هنغضب عليك وتبقي خالفت العيلة وملكش مكان وسطنا النهاردة السبت يا امير والجواز الخميس اللي بعد الجاي
وهي موافقة يا عمي
رد ابو سارة ايوه يا امير كلنا موافقين واولنا سارة
حاضر يا عمي اللي تشوفوه
سبتهم ودخلت اوضتي وانا دماغي ھتنفجر من التفكير ومش مستوعب الموقف اللي انا فيه !!! ومش عارف اتصرف ازاي مستحيل اتجوز مرات نور !!
اتصلت بساره وقولتلها
اتفضل انا سمعاك
انتي بجد وافقتي علي كلامهم
كلام مين
عيلتي وعيلتك
بخصوص ايه
بخصوص انهم عاوزين يجوزونا
