ابحث عن صديقة حقيقية بقلم رحمة طارق

دراعي فجأة قبل

ما نركب وتغمزلي وتقولي لا مش هنروح تعالي أفسحك تعالي أوريك الدنيا.
كانت دنيا. 
دنيا حلوة كلها أصوات ألوان حركة مشاعر وقلب حي. كانت تخرجني معاها وتصورني صور عمري ما عرفت أصورها. كانت تحب تعيش وتحلم وتتمنى وكانت تحب الكلام أوي فكانت تحكي وتحكي وأنا أسمع وأضحك.
هتلبسي إيه النهاردة وريني الطقم. 
كانت بتحب تعرف كل حاجة عن حياتي كان اهتمامها بيا كان كبير أكبر من أحلامي كانت بتعاملني كأني الصاحبة الوحيدة ليها مع إنها قالتلي إن عندها أصحاب كتير غيري.
كانت بتحب تساعدني ألبس ولما ميعجبهاش حاجة كانت تلوي شفتها بطريقة تضحكني وتهز راسها في الفيديو كول 
مش هتبقى كتكوتة كده ده لبس ناس كبار.
كانت بتقولي يا كتكوتة ويا حبيبي ويا جميل ويا حلو وبتقرص خدي ودراعي وبتفوت عليا في الكلية فجأة وبتجيب لينا سندوتشات كبدة بتحبها ومهانش عليها تاكلها من غيري. ورغم إني عمري ما حبيت الكبدة بس كنت باكلها علشان خاطرها وعمري ما حبيت المفاجأت بس كنت بقبلها لأن دي طريقتها في 
التعبير عن الحب.
هحكيلك يا ستي وأنا صغيرة كنت .. 
كانت بتبعتلي مسدجات يومية عن كل حاجة طول الوقت عن أفكارها ومشاعرها عن علاقاتها وآرائها عن ذكرياتها وبيتها عن ماضيها وحاضرها ومستقبلها.
وكانت دايما تقولي إنت كتومة إنت باردة مبتحكيش حاجة. وأنا كنت دايما ابتسم وأقولها معنديش حكايات.
كنت كدابة لكني بطلت أحكي وحكاياتي عمرها ما هتحبها حكاياتي هتحزنها وتكسر هالة فرحتها إزاي أطفي نور الشمس بإيدي إزاي محافظش على رقة الفراشة إزاي أقفل في وشها باب السما وأنزلها معايا على الأرض أنا مش وحشة كده.
إنت واقعية أوي عيشي معايا الأحلام شوية.

 
علميني أحلم.
أول الحلم أغنية تعرفي تغني بصوت عالي 
أتكسف. 
عبيطة.
كانت بتحاول تشد إيدي لدنيتها الحلوة كانت تقولي إنت شبهي لو بس تضحكي أكتر لو بس تغيري لفة الطرحة لو بس تبطلي ماشية العسكري دي لو بس تنزلي معايا الجيم لو بس تتعرفي على أصحابي لو بس تحبي وكانت تستغرب أوي إني عمري ما حبيت.
والله ما حصل كله إعجاب عادي. 
ليه 
تقريبا عمري ما كنت حلوة في عيون حد. 
كانت هنا تاخد راسي وتزعل ودي كانت الحاجة الوحيدة اللي لا عرفت أخفيها ولا عرفت أتخطاها.
كتفك حلو أوي بحسك مامي كده. 
كانت بتحب تنام على كتفي وكنت بحس بالسعادة في اللحظة دي بس مكنتش بعرف أعبر كنت بس أطبطب على شعرها وأسألها فجأة زي كل مرة تعمل كده 
هو أنا مقبلتكيش من زمان ليه يا ليلى 
علشان اللقا نصيب يا حبيبي.
كانت حياتي جميلة بوجودها
لا كانت حياتي حياة طول ما هي فيها.
فيه عريس متقدملي وأنا حاسة إني موافقة.
عريس وإنت في الكلية! وده ميتأثرش على دراستك 
أنا مش بذاكر جامد زيك كده وكليتي أصلا سهلة وكده كده أنا هتجوز في يوم من الأيام فليه مخدش الخطوة من دلوقتي 
إنت قولتيلي قبل كده إنك لا يمكن تتجوزي بدري وإنك لازم تخلصي دراستك وتشتغلي وتسافري وتلفي العالم مش ده كلامك
لا لا غيرت رأيي بصي أنا عاوزة أعلمك حاجة الفرص الحلوة مش بتيجي للإنسان إلا كام مرة في العمر وأنا شايفاه فرصة مناسبة جدا وبصراحة كده أنا معجبة بيه. 
معجبة! إنت قعدتي معاه 
لا بس شوفت صورته هوريهالك دلوقتي بصي هو اسمه محمود وعنده 27 سنة وبيشتغل بره مصر. 
بره مصر! يعني لو اتجوزتيه هتعيشي معاه هناك 
ابتسمت أوي بسعادة أيوة عريس تحفة صح
لا مش صح. 
حطيت راسي على المخدة وإيدي على قلبي مش عارفة أهدي نفسي مش عارفة أبعد الأفكار عن عقلي مش عارفة أتخيل شكل حياتي هيبقى إزاي لو مكانتش فيها.
ليلى حياتي كلها حياة جميلة مقدرش أخدشها بمخاوفي حياة لذيذة مقدرش مسمعش أحلامها الجديدة عن السفر والهجرة والعيشة الأروبية حياة هتطير لبعيد أوي ومش هعرف أشوفها تاني.
طيب وأنا يا ليلى مفكرتيش فيا
يعني أكيد أكيد هتستقري في ألمانيا 
أيوة علشان كده لازم منطولش الخطوبة خمس شهور مدة كفاية أوي علشان نكتب الكتاب ونعمل الفرح وبعدها نجهز ورق لم الشمل وأسافرله بعدها. 
ربنا يسعدك ويجمعكم على خير. 
يارب أنا همشي بقى ورايا ترتيبات كتير الفترة دي من ساعة الخطوبة ما تمت وأنا بلف حوالين نفسي والله عاوزة حاجة 
مش هنروح مع بعض 
ما أنا بقولك هجيب حاجات مع ماما النهاردة. 
طيب لو محتاجة حاجة أعملها معاكي قوليلي. 
ولا أي حاجة أصل أنا طلعت خيبة أوي في مواضيع الجهاز دي فماما هتجبلي كل حاجة وأنا هختار بس يلا خلي بالك من نفسك وامشي على جنب يا حلو لحد يعاكسك.
ضحكت وهي سلمت ومشيت. مشيت كام خطوة وقبل ما تغيب عن عيني قلبي دق بعنف فناديتها بسرعة ووقفت قدامها. بصتلي باستفهام قاطعته بشهقتها. 
اوعي لما تسافري تنسيني متبعديش عني يا ليلى.
كانت المرة الأولي اللي فيها بقوة كده.
والمرة الأولى اللي أعبر عن مشاعري بالصراحة دي. والمرة الأولى اللي تغلبني فيها دمعة وتقع على عيني 
وأنا ببصلها بخوف.
مش هعمل كده أبدا.. إنت بتعيطي! 
ابتسمت وهزيت راسي لا متبعديش ماشي 
والله ما هبعد إنت عارفة أنا بحبك قد إيه. 
وأنا وأنا والله بحبك أوي. 
مسحت دمعتي وباست خدي يا روح قلبي طلعت رقيقة خالص. اوعي تخافي أنا عمري عمري ما هسيبك أبدا وعد مني ده مش هيحصل أبدا.
مسابتنيش لكن مبقتش معايا. 
روحت من الكلية لوحدي زي كل يوم بقالي تلت شهور على الوضع ده من ساعة ما حكتلي إنها بتحبه وإنه بقى كل حياتها وهي خدت حبه وبعدت أوي بعدت عني أوي.
ليلي هنروح النهاردة مع بعض 
معلش هقابل محمود يوم تاني إن شاء الله. 
ليلي إنت صاحية ينفع أتكلم معاكي شوية 
تاني يوم ردت صباح الفل معلش كنت مشغولة إمبارح.
ليلي بكره يوم أجازة تحبي نخرج 
محمود مش بيحب خروجي كتير والله سيبني أظبط يوم وهقولك.
ليلي الطقم ده حلو 
حلو.
ليلي أنا مريت بموقف صعب أوي لما تفتحي هحكيلك. 
....
الأغاني سكتت والقصايد اتنست والحياة غابت عنها الألوان.. فراشتي الحلوة طارت بعيد عني.
ركبي بدراعاتي وبصيت للسما في نهار ربنا وأنا قاعدة فوق سطح بيتنا. مروحتش الكلية النهاردة كليتي مش مهمة والمذاكرة مش مهمة والدنيا كلها مش مهمة. وليلي ليلى كمان مش مهمة.
يا كدابة! 
ابتسمت بسخرية وتابعت العصافير وهي بتطير.
تعرفي يا ليلى إني كنت أتمنى أطير معاكي
عيطت بصوت عالي فجأة ودموعي غرقت وشي.
نفسي صعبانة عليا أوي ومش عارفة أقول لمين! 
ليلي قسيت عليا أوي بعدها وجعني وآذيني.
المرة دي الغلط غلطي ولا غلطها 
المرة دي هي اللي وحشة ولا أنا 
المرة دي هي اللي هتسيبني ولا أخد الخطوة قبلها
مش عاوزة أحكي لأبلة سوزان هتقولي عاتبيها وأنا مش قادرة أعاتبها أنا خايفة أعاتبها خايفة أكون عبيطة تاني ومليش وجود أصلا جواها خايفة أكون وهمت نفسي إنها بتحبني وأنا عارفة إني متحبش.
ليلى. 
اتصلت بيها آخر مرة خلاص آخر عتاب ولو قالت

اللي خايفة منه هقولها