نصيبي و قسمتي حكايات ايمي
اسكريبت_كامل
_ عمتو انا بحب ابنك !
ضړبتني على ايدي_ بطلي قلة ادب
_ ايه ده اكذب عليكي يعني انا فعلا بحبه وهو حلوف بجد
_ انا عايزه اعرف بس امك وابوكي كانوا فين وانتي بتتربي
_ الاه مش بقول الحقيقه ها بقى هتجوزيني ابنك امتى !
_ روحي يا وعد هاتي العصير اللي في التلاجه ده وحطيه على التربيزه وبطلي رغي!
ضحكت _ من عيوني يا اجمل عمتو في الكون
فتحت التلاجه وطلعت العصير وحطيته في الكوبيات وحطيته على السفره كنا خلصنا اكل ورصيته على السفره وقعدنا انا و عمتي و محمود ابنها طلع وقف وهو مبتسم
_ الله ايه الاكل الحلو ده
همست وانا ببصله بهيام_ والله ما فيه حلو غيرك
_ بتقولي ايه
عمتي خبطتني في رجلي_ لا يا حبيبي بتقولك يلا عشان ناكل عشان هي عايزه تمشي
ميلت عليها وهمست _انا عايزه ابات معاكي يا عمتي
_ وانا مش عايزاه اشوف وشك
ضحكت _ حبيبت قلبي يا عمتو
_ وانتي عايزه تروحي فين يا وعد
_ بتقولك هروح انت السمع بعافيه ولا ايه !
_ لا سمعت يا ام ډم خفيف بس مش عجبني الكلام ما تباتي النهارده
_ ياريت والله
_ بتقولي حاجه !
_ لا بقولك مينفعش ماما و بابا هيقلقوا عليا
_ خلاص كلي وبعدها نشوف الموضوع ده
بدأنا ناكل وخلصنا شلنا الاكل وبعدها طلعت
_ انا ماشيه يا عمتو عايزه حاجه
_ لاسلمتك يا وعد خلي بالك من نفسك
همست _ وانتي خلي بالك من قلبي
خبطتني وضحكت _ امشي يا ام لسان طويل
Eman Saleh.
ضحكت و محمود طلع وكان بيلبس الچاكت بتاعه
_ يلا يا وعد انا جاهز
_ انت رايح فين
_ هروح فين يعني هوصلك
_متتعبش نفسك يا محمود انا همشي لوحدي
اتكلم بسخريه_
طلعت قدامه وكنت هنزل سمعت صوته وهو بيقفل الباب
_ يا بنتي استني مش انا ماشي معاكي
_ اهه بس قولت امشي لحد ما تيجي يعني
_ امال انا ماشي معاكي ليه يا وعد يلا امشي
نزلنا ومشيت جنبه بهدوء حالة صمت مسيطره علينا بصيت عليه لقيته بيبص قدام بهدوء كعادته فيه شموخ غريب دايما بحسه غريب و مختلف في كل حاجه مشيته صوته طريقة كلامه حتى ابسط حاجاته بحسها مميزه يا ترى هيحس امتى
_ على فكره هتقعي على وشك
_ ها
ضحك وانا دوبت في ضحكته _ يا بنتي هتقعي وانتي بتبصيلي كده انا عارف اني حلو
_ على فكره انت مش حلو
رفع حاجبه _ لا والله
همست لنفسي _ انت زي القمر
_ بتقولي ايه
_ بقولك مغرور اوي يا محمود
_ ما انا عارف
بصيت قدامي وانا قلبي بيدق اوقات كتير ببقى عايزه الوقت يمر ببطئ واحنا بنتكلم اتكلم معاه كتير وابص عليه واتابع حركاته !
_ قوليلي بقى عامله ايه في الشغل بتاعك
_ يعني ماشي الحال
_ مش فاهم يعني حلو عجبك يعني
_ عجبني طبعا انت عارف اني بحب شغل المعمل من زمان و التحليل وكده وكمان تبع تخصصي انت عارف اني خريجه علوم
_ اها طبعا عارف من زمان انك بتحبي الموضوع ده بس انا عايز اعرف مرتاحه فيه
_ اهه الحمدلله انا كده كده هقعد فتره تحت التدريب وبعدها هشتغل إن شاءالله
هز راسه_ إن شاءالله
سكت وانا بصتله
_ انت بقى اخبار شغلك ايه
_ كويس
_ يعني مرتاح في الشغل ده
ضحك _ حتى لو مش مرتاح ف انا راجل
_ مش فاهمه فيه فرق بين راجل وست
_ طبعا فيه
_ ازاي بقى
_مش قصدي تفرقه عنصرية عشان هتدخلي في المراه
ده انا قصدي أننا ك
رجال بنتحمل اكتر من الستات وبعدين شغل الهندسه صعب وانا عارف كده من زمان بس عادي بحبه يعني
ايمان_صالح
هزيت راسي وكنت هتكلم بصلي بهدوء
_ خلاص وصلنا البيت
_ هه
ضحك _ يا بنتي فيه ايه مالك النهارده بقولك وصلنا
انتبهت أننا تحت بيتنا هزيت راسي
_ طيب تعالى اطلع خالك زمانه فوق دلوقتي اقعد معاه
_ لا معلش وقت تاني عشان عندي شغل الصبح بدري يلا اطلعي
سبته ودخلت العماره وانا طالعه بصيت عليه لقيته بصلي وبعدها مشي وانا طلعت فوق بسرعه وقفت على الباب پخوف خبطت على الباب و بابا فتحلى
_ مساء العسل على احلى بابا
_ مساء الخير كنتي فين كل ده يا وعد
_ كنت عند عمتو بعد الشغل روحت عندها وبعدها جيت
_ جيتي لوحدك في الوقت ده
اتكلمت بإحراج _ لا محمود وصلني
_ محمود ! طيب هو فين
_ ما هو مشي عشان عنده شغل الصبح
_ ماشي ادخلي بسرعه عشان امك لو طلعت هتاكلك
_ ايه ده هي نايمه لسه بدري
_ بدري من عمرك يا هانم كنتي فين كل ده
بصيت على الصوت وكانت ماما بصتلها پخوف وضحكت
_ ماما حبيبتي احلى الأمهات
بصتلي پحده _ كنتي فين يا زفته لحد الساعه 10 كده
_ كنت عند عمتو يا ماما
_ لحد دلوقتي انا مش عارفه ابوكي ساكتلك ليه
_ هي كانت فين يعني كانت عند عمتها
_ الوقت اتاخر وهي بنت
_ ما محمود وصلها مټخافيش وبعدين حبيبة ابوها ميتخافش عليها
وضحكت _ حبيبي احلى بابا في الكون كله
ماما بصتلي بغيظ _ انا مش عارف اخرت دلعك ده ليها
_ اعيش وادلعها
بوسته وضحكت ودخلت اوضتي وسيبتهم يبتخنقه كالعاده يعني .
قفلت
_ محمود وصلت
استنيت شوية لحد ما فتح وبعدها بعتلي
_ اهه وصلت الحمدلله حد كلمك
شوفتها ورديت_ بابا متكلمش بس ماما مسكتتش كالعاده بس عادي بترجع تكلمني تاني
مشافش الرساله بس كان اون لاين قعدت اكلم اصحابي شوية وبعدها لقيته لسه مفتحهاش بيكلم مين ده لحد دلوقتي ماشي يا محمود أما اشوفك بس والله ...هعمل ايه يعني مش هعمله حاجه بحبه اعمل ايه .
بعدها فتحها ورد
_ اه ربنا يخليهم ليكي ...انتي صاحيه ليه لحد دلوقتي
كمان عايزني انام بدري.. بعتله_ بكلم اصحابي
_ طيب يلا نامي عندك شغل الصبح سلام
بس كده نامي عشان الشغل مفيش تصبحي على خير يا حبيبتي أو يا زفته خالص ماشي يا محمود
_ عمتو ابنك هيحبني امتى
ضحكت_ يا بنتي اتهدي شوية امك و ابوكي بره
_ اعمل ايه يعني يا عمتو ابنك ده مش بني ادم والله
_ وطالما مش بني ادم بتحبيه ليه !
_ عشان مهزاه زيه والله
_ طيب خلاص امك و ابوكي موجودين وبعدين مش هتقومي تساعدي مامتك شوية دي واقفه في المطبخ لوحدها
_ لا ما هي ماما قالتلي اقعدي مع عمتك حبيبتك ام محمود العسل
ايمان_صالح
ضيقت عيونها _ هي برضوا قالتلك كده
اتكلمت ببراءه مصتنعه _ يعني أنا بكذب عليكي
_ انتي يا وعد الزفت تعالي ساعديني حتى يوم الاجازه مش واقفه معايا
ده كان صوت ماما في المطبخ بصيت ل عمتو بضحكه متوتره
_ ماما مش بتستغنى عني ابدا
ضحكت _ اها ما هو باين فعلا قومي يا بت ساعديها
ضحكت ودخلت المطبخ پخوف بصيت عليها لقيتها واقفه وحاطه أيدها في وسطها
_ انا مش بنادي عليكي من بدري
_ اهه يا ماما بس مش كنت قاعده مع
عمتو
_ لا يا اختي حنينه يلا خدي الحاجات دي وطلعيها انا خلصت المواعين و
المطبخ بعد
الغداء اهو
