نصيبي و قسمتي حكايات ايمي
ساعه تقريبا لقيت رساله من محمود
_ نزلي السبت حالا
_ ليه
_ نزليه بس
طلعت البلكونه لقيته واقف ومبتسم نزلت السبت حط فيه شنطه و شاولي ومشي خدتها بفضول وبعدها دخلت فتحتها وبرقت هي دي العروسه اللي شوفتها في المحل لقيت ورقه معاها
_ شوفتك وانتي بتبصلها وشوفت عيونك بتلمع وقتها من غير تفكير جبتها ...انا اسف عشان زعلتك كتير النهارده
اتفاجأت وابتسمت بفرحه وخدتها وبعدها مسكت الموبايل وبعتله
_ شكرا يا محمود بجد
بعتلي بسرعه _ عجبتك
_ اه جدا
_ لسه زعلانه
_ انا مش بزعل منك يا محمود
قفلت و نمت وانا فرحانه وبفكر فيه كالعاده قومت تاني يوم بهمه ونشاط غير العاده لبست ونزلت شغلي دخلت المعمل وبدأت اشوف شغلي بعدها دخل محمد زميلي
_صباح الخير
_ صباح النور يا محمد
_ ايه الهمه و النشاط دول على الصبح
_ طول عمري نشيطه و مجتهده
_ انتي هتقوليلي
_ مش عجبك
_ لا ازاي عجبني طبعا المهم خلصت الشغل على الكمبيوتر بتاع امبارح
_ اه خلصته كله
ضحك_ شاطره شاطره
_ من يومي على فكره
_ بس يا بنت ايه الثقه دي
_ جرى ايه يا محمد انت جاي تكتشفني النهارده يا جدع
_ ايه يا شبح خف فيه ايه مالك قلبت كده ليه انا قصدي النهارده فيكي حاجه غريبه
_ لا مفيش حاجه
_ متأكده
_ اه متأكده المهم اخبار البت بتاعتك ايه
_ اسمها أيه لو سمحتي
_ ماشي يا سيدي ايه عامله ايه
_ بتسلم عليكي
ابتسمت_ لسه بتغير عليك
_ دي اكتر واحده غيوره في الكون
_ طيب ده معناها انها بتحبك ما تتقدملها
_ وانا والله بس لسه شوية عشان الظروف
_ هي عارفه ظروفك
_ عندك حق والله انا هكلم ماما واكلم ابوها واروح اتقدملها في اقرب وقت
ابتسمت_ جدع ربنا يقدملك اللي فيه الخير
امن على كلامي و كملنا شغل وبعدها روحت البيت على طول ...طول اليوم كنت فرحانه كده محمود طالما بيغير يبقى بيحبني ده جاب كمان هدية عشاني أسلوبه معايا حلو ...دخلت البيت وقابلت ماما في وشي
_ حمدالله على السلامه جيتي بدري ليه النهارده
_ ما انا مروحتش عند عمتي
_ ليه فيه حاجه
_ مفيش قولت اعدي النهارده واجي اقعد معاكم
_ حبيبتي بس انتي عرفتي ايه الحصل عند عمتك
قلبي دق _ ايه حصلها حاجه ولا محمود حصله حاجه
_ لا اهدي كده مفيش محمود ابن عمتك خطب
بصتلها وبرقت پصدمه _ ايييه ازاي ده
_ ايه مالك اټصدمتي كده ليه مش من حقه يخطب ويتجوز زي الناس عقبالك انتي كمان
اتكلمت بتوهان_ لا من حقه يخطب بس بس
_ بس ايه مالك
_عمتو عارفه أنه خطب
_ طبعا دي هي اللي اتصلت عليا وقالتلي
عيطت _ ازاي ده يا ماما هي عارفه اني بحبه يا ماما
بصتلي بصدمه_ بتحبيه
بدموع_ ايوه ومن زمان كمان
_ انا كنت حاسه وكنت بحاول ابعدك بس انتي مبتسمعيش الكلام
كنت بعيط بدموع_ حرام عليكي يا ماما كفايه انا مش مصدقه انه خطب بجد
_ لا خطب راح طلب أيدها وعمتك هتروح معاه بعد يومين يتفقوا على الخطوبه بطلي الوهم اللي في دماغك ده
بصتلها بتوهان وعيوني بتدمع مش عارفه اتحرك ولا اتكلم احلامي كلها اڼهارت .
وقعت بين ايدين ماما محستش بنفسي غير على سريري فتحت عيوني لقيته واقف وشه مخطۏف اول ما شافني فوقت قرب وهو
_ اخيرا فوقتي يا وعد الف سلامه عليكي
بصتله وهزيت راسي وبعدها ماما و
بابا قربوا مني
_ انتي كويسه يا وعد مالك يا حبيبتي
_ انا كويسه يا بابا
_ طيب ايه الحصلك
_ مفيش حاجه يا بابا انا كويسه
_ امال حصل فيكي كده ليه
_مفيش هو انا ايه اللي في ايدي ده
_ الدكتور كشف عليكي وركبلك محلول عشان تفوقي
مسكت المحلول_ طيب انا عايزه اشيله انا بقيت كويسه
محمود قرب بسرعه _ لا يا وعد متشليش المحلول لازم يخلص لازم تكوني كويسه
اتكلمت بسخرية_ انا كويسه خاېف عليا اوي
بصلي بدهشه _ طبعا يا وعد اخاڤ عليكي مخفش عليكي ليه
_ لا ولا حاجه انا كويسه اطمنه بس شيله المحلول ده
بابا قرب و شاله وهو مستغرب ومش فاهم حاجه نزلت من السرير وكنت هقع بس بابا مسكني وهو قرب بقلق
_ ايه رايحه فين
بصيت ل ماما بحرج _ هدخل الحمام يا ماما
قربت مني وسندتني ودخلت وبعدها طلعت قعدت على السرير ماما بصتلي
_ هروح اعملك حاجه تكليها
_ لا يا ماما انا مش جعانه
_ لازم تاكلي عشان تقومي
طلعت بره و بابا طلع وراها و محمود وقف قصادي
_ ممكن اعرف مالك حصل ايه
_ مفيش حاجه
_ الدكتور قال اللي انتي فيه بسبب زعل مين زعلك
_ مش زعلانه يا محمود خلاص
_ طيب بصلي مش عايزه تبصي ليه
_ لا انا ببص اهو بس بعد اذنك اخرج عشان عايزه انام
_ مالك بس يا وعد
زعقت_ ما قولتلك مفيش انت مبتفهمش عايزه اقعد لوحدي
بصلي وسكت و خرج و ماما دخلت ب الاكل
_ فيه ايه يا وعد بتزعقي ليه
عيطت_ مش عايزه اشوف وشه يا ماما
قربت مني وقعدت جنبي _ اهدي يا وعد الزعل وحش عشان متزعليش كل واحد في
هزيت راسي وكلت شوية بالعافيه عشان خاطر ماما وبعدها حاولت اهرب من الحزن بالنوم .
تاني يوم قومت خدت علاجي ووقفت جنب ماما في المطبخ
_ ايه اللي دخلك هنا انتي تعبانه يلا اخرجي بره
_ هقف معاكي يا ماما
_ لا روحي اقعدي في اوضتك
_ يا ماما
_ خدي الاكل يا وعد افطري لحد ما اجيلك
هزيت راسي وابتسمت ودخلت اوضتي وقعدت فطرت وبعدها دخلت الحاجات ل ماما وقعدت بره بابا جه اطمن عليا ومشي وانا دخلت اوضتي لما حسيت بدوخه شديده نمت على السرير وبعدها عمتي دخلت و معاها محمود و واحد تاني
_ ازيك يا وعد عامله ايه
_ الحمدلله يا عمتو
_ الف سلامه عليكي يا وعد
_ الله يسلمك
_ ده بقى يا ستي احمد ابني كان مسافر ورجع
اتكلمت بذهول وصوت واطي_ بجد ده ابنك الكبير ده مشي وانا صغيره
ابتسم _اهه يا ستي انا احمد ابن عمتك بس انتي ايه الحلاوه دي كبرتي ماشاء انا كنت سايبك صغيره
محمود ضربه في دراعه بغيظ_ اتلم واحترم نفسك ها
ضحك _ خلاص يا عم انا اسف براحه
بصيت ل محمود بضيق وبعدها عمتو قالت هتسيبني عشان ارتاح طلعت و احمد طلع معاها و محمود اتكلم
_ عامله ايه يا وعد النهارده
اتكلمت بضيق _ الحمدلله
_ انا قلقت عليكي امبارح لما جيت ولقيت الدكتور
عندك
اتكلمت بسخرية _ لا فيك الخير والله
اتكلم بدهشه _ مالك يا وعد مش فاهم متغيره معايا كده ليه
_ وهتغير معاك ليه يعني عادي
_ انتي لسه زعلانه من وقت اللي حصل في المول
_ لا ياريتها تيجي على اللي في المول بس
_ هو فيه حاجه تاني
_ مفيش
لسه هيرد موبيله رن ف
فتح
_ ايه يا حبيبتي
قلبي اتقبض وبصتله و
الدموع اتجمعت في عيوني
