نصيبي و قسمتي حكايات ايمي
طلعي العصير وبعد ما نخلص هاتي الكوبيات واغسليها كويس قدامي
_ حاضر يا احلى ماما
خدت العصير وطلعت كان بابا قاعد مع عمتو و محمود قدمت العصير وقعدت معاهم عمتو ميلت عليا وهمست
_ فكرتها كسرتلك حاجه
بصتلها بعدم فهم _ ازاي يعني كسرت ايه
ضحكت _ ايد ولا رجل
ضحكت _ لا جت سليمه المره دي قعدنا شوية وبعدها بابا طلب مني الشاي دخلت عملته وطلعت عمتو بصتلي وغمزتلي
_روحي يا وعد ودي الشاي ل محمود في البلكونه
_ حاضر يا عمتو
ماما بصتلي بتحذير_ خليكي يا وعد وهو يجي ياخده
_ يا ماما بيتكلم في الموبيل انا هوديله الشاي
خدت الشاي وروحت البلكونه لقيته خلص مكالمه اتنحنحت فبصلي بتوتر
_ وعد
_ ايه فيه حاجه اتفضل الشاي
ابتسم _ شكرا يا وعد تسلم ايدك
ابتسمت _ الله يسلمك اي خدمه جبتلك الشاي لحد عندك اهو
ضحك _ انتي هتذليني ولا إيه
_ لا بس عد الجمايل
_ جمايل ايه دي مكنتش كوباية شاي يا معفنه !
_ بس احلى كوباية شاي شربتها متنكرش
ضحك _ خلاص يا ستي عرفنا انك عملتي شاي وانا شكرتك وقولتلك تسلم ايدك
_ لا مش كفاية على فكره
تنح _ امال انتي عايزه ايه تاني
_ بص بصراحه كده في مشوار عايزه اروحه ومحتاجاك معايا
_ فيه بنات انا جاي معاكي على طول
_ بنات ايه يا قليل الادب انت
بصلي پصدمه مصتنعه_ انا قليل الادب خلاص شوفي مين هيوديكي
_ لا بالله عليك خلاص انا عايزه اروح مول النهارده فيه حاجات محتاجها وبابا مش هيوافق اروح لوحدي
_ لا خلاص مش انا قليل الادب
_ يا عم مكنتش كلمه يلا روح معايا
_ لا
_ انت فاكرني هتحايل عليك انا هروح لوحدي
مط شفايفه_ روحي
_ ماشي يا بشمهندس ماشي
طلعت بره وقعدت جنب عمتو شوية وبعدها قومت لبست وطلعت
_ انا رايحه المول يا بابا
_ مش قولتلك متروحيش لوحدك
_يا بابا هعدي على صاحبتي وهاخدها معايا
عمتو اتكلمت_ لا صاحبتك لا خلي محمود يروح معاكي
_ لا يا عمتو انا هروح مع صاحبتي مش عايزه محمود اتعبه معايا
نادت على محمود وطلع
_ يلا يا محمود متخليش وعد تمشي لوحدها
بصلي بضيق_ انا عندي مقابله مع اصحابي يا ماما النهارده اجازتي
_ خلاص يا عمتو قولتلك هروح مع صاحبتي
_ معلش روح وديها وبعدها تعالى ل اصحابك
_ طيب يلا قدامي يا ست هانم
اتكلمت بضيق_ وانا قولتلك لا هروح مع صاحبتي مش مهم
سيبته ونزلت مش بحب امشي مع حد ڠصب عنه يا يمشي معايا وهو حابب ده يا لا
_ يا بنتي انتي مركبه في رجلك عجل ولا ايه
_ ايه عايز ايه
_ مش قولت هاجي معاكي
_وانا قولت هروح مع صاحبتي
_ متنشفيش دماغك قولت هاجي معاكي خلاص
_ وانا مش عايزاك تيجي معايا
_ ليه بقى عشان قولتلك لا
_ لا عشان مش بحب امشي مع حد ڠصب عنه
ابتسم _ ومين قالك اني ماشي ڠصب عني
_ عشان كنت متضايق فوق
_ انا مش متضايق عشان كده
_ امال كنت متضايق ليه
_ عشان روحتي قولتي ل عمتك مش اي حاجه تحصل بينا تقوليلها
بصتله بذهول _ انا مقولتلهاش حاجه
_ امال هي قالتلي اروح معاكي ليه مع اني كده كده كنت هاجي معاكي بس بحب اهزر معاكي
_ انا قولت قدامها وانا بكلم بابا اني هروح مع صاحبتي مش معاك وهي قالتلي روحي مع محمود هيخلي باله
منك مش قولتلها حاجه على فكره
_ خلاص يا وعد حصل خير يلا نروح
بصتله ومتكلمتش ومشيت وهو مشي جنبي
_ انتي لسه زعلانه
_
لا هزعل ليه
_ عشان ساكته يعني ودي مش عادتك
_ لا عادي مش معنى اني بتكلم اني طول الوقت بتكلم يعني
_ لا بس لما بتكوني معايا بتتكلمي كتير
_ مش شرط على فكره
وقف وبصلي بهدوء _ وعد مش عايزك تزعلي مني انتي اختي الصغيره ومستحيل في يوم ابقى قصدي ازعلك
بصتله پصدمه يعني ايه أخته دي انا مش أخته ابدا ماشي يا محمود
_ ايه يا بنتي روحتي فين تاني
_ لا ابدا شكرا يا محمود
_على ايه
_ على اهتمامك يعني بزعلي
_ يا بنتي انتي عبيطه ما قولتلك انك زي اختي بالظبط
سكت بضيق ما خلاص يا عم عرفنا بس انت بقى مش اخويا .
دخلت المول وبعدها وقفت قدام محل ملابس
_ ايه وقفتي هنا ليه
_ ما انا هجيب من هنا
_ انتي جايه تجيبي هدوم اصلا
_ اه صاحبتي خطوبتها قربت وفيه فستان كان عجبها فهجيبه لها
_ بس المحل ده فيه اتنين شباب خليكي في الهناك ده
_ بس الفستان هنا
بصلي بضيق_ هنا فيه شباب بقولك هناك في بنات
بصتله بلامبالاه_ انا متعوده اتعامل مع الشباب عادي
اتكلم پحده _ نعم يا اختي
_ قصدي في تعامل الشباب اللي بيبيعوه فيها ايه
_ ايه ده اللي فيها ايه بقولك شباب انتي المفروض متتعامليش مع شباب خالص
_ بس ده ل ظروف معينه فمفيش مشكله
_ لا ظروف ولا غيره مش هتدخلي المحل ده
_ والله العظيم مش بحب امشي مع واحد في مكان عشان كده
اتكلم بغيظ _ اتكلمي عدل يا بت انتي
_ اووف ما انت موجود اهو معايا انا اختار وانت اتكلم معاه ايه رايك
_ ماشي بس مسمعش صوتك
اتكلمت بضيق_ طيب اووف
دخلت وبصيت في المحل وواحد قرب مننا
_ فيه
_اه عايزه دريس ....
_ اه ده موجود واخر قطعه عندنا
_ تمام انا عايزاه
محمود بصلي پحده وانا اتجاهلته والشاب هز راسه وراح يشوف وهو بصلي پحده
_ مش قولتلك متتكلميش مع حد منهم
_ انت عبيط يا محمود مش بقول الحاجه اللي انا عايزاها
_ مش قولتلك بلاش هنا وبرضوا مصممه
_ ما هو الدريس مش موجود غير هنا انت مش فاهم ليه
كان لسه هيتكلم ف الشخص جاب الدريس
_ هو ده الدريس اللي حضرتك عايزاه صح
_ اه هو
ابتسم_ ذوق حضرتك تحفه يا افندم
ابتسمت _ شكرا ليك
محمود بصلي بغيظ و حاسب وخدت الدريس وطلعنا
_ ذوقك حلو ها وانتي بتضحكي مبسوطه اوي
ابتسمت_ وانت زعلان ليه
_ مش قولتلك متتعمليش بيكلمك بتبتسمي ليه ها
_ مجامله يا محمود مجامله
_ يا سلام ده انتي ابتسامتك كانت من هنا ل هنا
_ وانت عايز ايه دلوقتي
_ تحترمي نفسك ماشي
_ بلاش غلط انا محترمه ڠصب عنك على فكره
مردش عليا وبعدها اتحرك
_ رايح فين
_رايح اجيب حاجه من هناك كده متجيش ورايا عشان فيه شباب ومتمشيش
_ ماشي روح يا اخويا
بصلي ومشي وانا ابتسمت هياخد ايه اكتر من قلبي بقى ببص قدامي لقيت محل فيه عروسة حلوه اوي شدتني وقفت قدامها شوية شكلها جميل محمود جه وانا مخدتش بالي بس لقيته اتكلم فجاه
_ سرحانه في ايه
اټخضيت _ ايه فيه حد يخض حد كده
_ اه انا
_ يا عم حرام عليك بقى
_ طيب يلا عشان نمشي
مشيت معاه وانا متغاظه منه بس اعمل ايه في قلبي المهزا ده وصلنا
الشقه ودخلنا
_ ها جبتي الحاجه اللي انتي محتاجاها
_ اهه يا بابا جبتها
_ ماشي يا حبيبتي
دخلت الاوضه وطلعت كانت
شوية بجهز ورق ل
شغل بكره بعد
