قصة جديدة
بقالي تلات سنين صابرة، ومقنعة نفسي إن الأهل سند، بس اكتشفت إن السند ده مبيظهرش غير لما تكون الجيوب مليانة والمصلحة دايرة.
أخو جوزي جه عاش معانا بحجة إنه بيدور على شغل، شغل قعد تلات سنين مبيجيش. تلات سنين بياكل، ويشرب، ويغسل هدومه، والأنقح من ده كله إنه استلم مفتاح عربيتي اللي شارياها بفلوس ورثي من بابا، وبقت بتاعته هو.. يخرج بيها، يفسح أصحابه، ويرجعها لي الفجر والبنزيين خلصان.
كنت بسكت عشان خاطر البيت ميتخربش، وعشان جوزي كان كل يوم يبوس إيدي ويقولي استحملي يا أصيلة، ده زي أخوكي
لحد يوم الثلاثاء اللي فات..
مامتي تعبت فجأة، ضغطها وطى وكانت محتاجة تروح المستشفى فوراً. اتصلت بجوزي مكنش بيرد، طلعت أجري لأخوه اللي كان نايم في الصالة والعربية مركونة تحت، قولتله بخضة
يا محمد، بسرعة بالله عليك، ماما بتموت، انزل دور العربية ودينا المستشفى!
بص لي وهو بيتمطع، ومسك الموبايل يشوف الساعة، وقال لي ببرود يحرق الدم
تمام، بس المشوار ده حسابه 500 جنيه، وتفولي لي العربية وأنتِ راجعة.
وقفت مكاني مذهولة، كنت فاكرة إنه بيهزر، أو لسه مفاقش من النوم، قولتله
500 جنيه إيه يا محمد؟ دي عربيتي أصلاً! وأنا اللي دافعة ترخيصها ومصلحها بسببك الشهر اللي فات!
رد عليا وهو بيقوم يلبس شبشبه
العربية
دخلت أوضتي ورزعت الباب، طلبت أوبر ووديت ماما المستشفى، وطول الطريق دموعي مش بتوقف.. مش من التعب، من القهر.
بليل لما جوزي رجع، حكيت له وأنا منهارة، كنت مستنية يزعق، يطرده، حتى يطيب خاطري بكلمتين.
لقيته قعد على الكنبة ببرود وقال لي
وفيها إيه يا نورا؟ هو غلطان إنه بيحسبها معاكي بالورقة والقلم، بس برضه مجهوده وتوكيله للعربية لازم يتقدر.. كنتِ فاكرة أخويا سواق عندك ببلاش؟
في اللحظة دي، حسيت إن البيت ده مش بيتي، وإن الناس دي مش ناسي.
منطقتش ولا كلمة.. دخلت لميت ورقي، وفي أول ساعة عمل الصبح، كنت قدام مكتب التوكيلات في الشهر العقاري، وبعدها على طول على قسم الشرطة.
أنا كنت عاملة لأخو جوزي توكيل قيادة للعربية عشان يعرف يتحرك بيها قانوني. وفي خلال عشر دقايق، التوكيل ده اتلغى.
طلعت من الشهر العقاري على القسم، بلغت إن العربية مستولى عليها من شخص غریب، وقدمت ورق الملكية وإلغاء التوكيل.
وأنا راجعة في الطريق، شفت رسالة من جوزي محمد نازل يخرج بالعربية، فين المفتاح التاني؟
ابتسمت بوجع وقولت في سري المفتاح مع الحكومة يا حبيبي.
لما وصلت تحت البيت، كان الونش واقف، وأخو جوزي واقف بيزعق والظابط بيسأله
السكوت اللي شفته في عيون جوزي لما عرف إني لغيت كل حاجة.. كان أحلى من أي خناقة.
یتبع.. اکمل
الونش بدأ يرفع العربية قدام عينه، وأخو جوزي واقف مش مصدق صوته عالي، ووشه أحمر، وكل شوية يقول دي عربيتي! أنا اللي بسوقها بقالى سنين!
الظابط بص له بهدوء وقال هات ما يثبت إنها بتاعتك.
سكت لأنه معهوش غير توكيل ملغي.
جوزي كان واقف جنبه، أول مرة أشوفه ساكت بالشكل ده لا بيدافع، ولا بيبرر، ولا حتى قادر يبصلي في عيني.
أنا طلعت السلم بهدوء، ولا كأني شايفة المشهد بس جوايا كان في حاجة بتتقفل خلاص.
بعد ساعة، الباب خبط بعنف.
فتحت لقيت جوزي داخل متعصب إيه اللي إنتِ عملتيه ده يا نورا؟! تفضحينا في الشارع؟! تبهدلي أخويا؟!
بصيت له بثبات عمري ما حسّيته قبل كده وقلت أنا مابفضحش حد أنا برجع حقي.
قرب مني وقال بصوت واطي مليان تهديد اللي عملتيه ده هيكلفك كتير.
ابتسمت نفس الابتسامة الهادية اللي وجعته أكتر من أي رد أنا دفعت كتير قبل كده دلوقتي جه دوركوا.
تاني يوم
أخو جوزي اختفى من البيت. لا رجع ينام في الصالة، ولا حتى بقى ليه صوت.
واضح إن اللي حصل كسّر الصورة اللي كان عايش فيها صورة الضيف اللي من حقه كل حاجة.
لكن المفاجأة
بقى هادي زيادة عن اللزوم بيراقبني، ومستني أتكلم، أعتذر، ألين وأنا ولا كأن في حاجة.
بعد أسبوع
كنت قاعدة بشرب قهوتي، لقيته بيقول فجأة نورا هو إحنا وصلنا لكده؟
بصيت له وقلت إحنا موصلناش إنتوا اللي وصلتوني.
سكت شوية، وبعدين قال طب والحل؟
حطيت الكوباية قدامي بهدوء، وقلت الكلمة اللي كنت خايفة أقولها بقالي 3 سنين كل واحد يعيش بحدوده.
بدأت أحط قواعد لأول مرة
مفيش حد يقعد في بيتي إلا بإذني
عربيتي خط أحمر
فلوسي مش مشاع
وأهم حاجة كرامتي مش قابلة للنقاش
يمكن الناس تشوف اللي عملته قوة زيادة
بس الحقيقة؟
أنا كنت ضعيفة قوي لحد ما تعبت.
بعد شهر
رجعت العربية متغسولة ومليانة بنزين.
من غير كلام ومن غير اعتذار.
بس أنا فهمت الرسالة إنهم أخيرًا عرفوا إن نورا اللي كانت ساكتة مش ضعيفة.
وقفت قدام المراية يومها، وبصيت لنفسي لأول مرة من زمان
وقلت بهدوء
أنا ماخسرتش حد أنا كسبت نفسي الونش بدأ يرفع العربية قدام عينه، وأخو جوزي واقف مش مصدق صوته عالي، ووشه أحمر، وكل شوية يقول دي عربيتي! أنا اللي بسوقها بقالى سنين!
الظابط بص له بهدوء وقال هات ما يثبت إنها بتاعتك.
سكت لأنه معهوش غير توكيل ملغي.
جوزي كان واقف جنبه، أول مرة أشوفه ساكت بالشكل ده لا بيدافع، ولا بيبرر،
أنا طلعت السلم بهدوء،
