قصة جديدة

 
سميحه.... تتجوز كيف يعني واني وعيالك نعملو ايه يا حنفى 
حنفى... ما اهم العيال  قاعدين هو كان حد مشاهم وانتى كمان قاعده انا مشيتك 
سميحه.... وانت لما تروح تجيبلي ضره وتقعدهالي ويايا قدام عينى وتحسسنى انك شايفني ما بقتش ماليه عينك وممكفياش ومقصره انت كده مش بتمشينى  ولما تجيب مرت اب للعيال هنه في البيت تقعد معاهم برضك مش بتمشيهم 
حنفى.... بقولك ايه ما تعمليش من الحبه قبه وغيرت الضراير من دلوكتي اني ما عوزهاش من حق اي حد في الدنيا انو يتجوز اتنين وتلاته واربعه الشرع محللى كده ولا هتعترضى على كلام ربنا
سميحه... امم  وانتم ما عارفينش في كتاب ربنا كله غير ان الراجل يتجوز اربعه ماشي عندك فكره بقى على كلام ربنا لو انت ما عدلتش ما بين الاتنين او الاربعه هيحصل ايه ما تعرفش انت بس تعرف تتجوز الباقر مش مهم بس انا ما عوزاكش هقعد بس عشان ولادى ما تجيش عندي ولا تعتب باب اوضتي انا قاعده معاك هنا عشان عيالي اوضتي ما تعتبهاش وانا عندي مكنه الخياطه هصرف على نفسي روح يا حنفى روح اتجوز
حنفى.... يبقى احسن انا اصلا مش فاضيلك عندى عروستى هقعد معاها 
سميحه.... روح ان شاء الله ما تتهناش بيها واصل 
حنفى طلع وجو ولدين مختار ١١ سنه وسعيد ٩ سنين 
مختار... ندخل ياما 
سميحه... اه ادخلو حبايب امكم تعالوا 
مختار... في ايه يا اما هو صوح ابويا هيتجوز تانى طب كيف هو مش متجوزك 
سميحه.... عادي يا قلبي الواحد بيتجوز اتنين وبيتجوز تلاته وبيتجوز اربع حريم كمان 
سعيد.. يا بوى اني هتجوز اربعه يا اما اما اكبر
سميحه...  لا ما تتجوزش اربعه اتجوز اللي تحبها بس 
مختا

.... بس احنا مش عايزين ياما 
سميحه.... يا ولدي انت بقيت كبير دلوك وانا بقول عليك انك راجل كام سنه كده وتكبر وما تحتاجش حد واصل واني ما زعلناش ما فيهاش حاجه لما ابوك يتجوز عادى يلا انتم ناموا عشان الصبح تروحو المدرسه
مختار...  احنا اجزنا ياما من بدرى 
سميحه... والله ما عليا راس يا ولدي معلش يلا روحو نامو
مختار...  ماشي.... وطلع هو واخوه راحو اوضتهم 
سميحه بدموع..... هانت عليك العشره يا حنفى يا واطي كده برضك ..... بس سمعت صوت بنت بتزغرت
سميحه..... لاه لو بتزغرت كمان.... وطلعت..... وطي صوت الزغاريد شويه يا ضرتى العيال نايمين جوه ليصحو 
عبله.... مستكتره الفرحه عليا يا مرت جوزى 
سميحه... لا مستكتره الفرحه ولا حاجه افرحو فى اوضتكم مع بعض جوه ما فيش داعي تزغرتي وتعلي الصوت بنقول العيال نايمين
حنفى.... جرى ايه يا مره هتجري شكل من دلوكت خشي على اوضتك
سميحه...  حاضر يا حنفى 
حنفى...  وليه بومه صح
عبله بدلع....  يا ساتر والله ليك الحق تتجوز عليها هى لاويه بوزها كده على طول 
حنفى... اه وحياتك على طول كديه وما بتفوكش واصل ديما  مكشره 
عبله... انى بقى ما بكشرش واصل 
حنفى.... هو الوش ده يعرف يكشر
سميحه..... لاه هو  بيعرف يقشر يقشر البصله وياخد كل اللي جواها ليه 
عبله.... قصدك ايه يا وليه قصدك ان انا طمعانه فيه
سميحه بسخريه..... لا يا اختي هتطمعى ليه  اياك ما سمعتيش المثل اللي بيقول.... يا واخد القرد على ماله بكره يروح المال ويقعدلك القرد على حاله

حنفى..... قرد لما ينططك خشي على اوضتك قولتلك ايه انطرشتى اياك وتعالي نخش اوضتنا احنا يا حبيبتى سيبك منها دى وليه بومه.... ودخلو جوه 
سميحه.... كده برضك حبيبتك ماشى يا حنفى لولا العيال كنت سبتهالك مخضره ومشيت ووريتلك قيمتك انت والسنكوحه اللي معاك جوه دي منك لله روح ربنا ينتقم منك يا بعيد 

بس جو العيال.. مختار..... ينفع تاجي تنامي ويانا ياما 
سميحه... انتو لسه صاحين ايه خايفين
مختار... لا انتى اللي خايفه عشان اول مره تبيتى من غير ابوي
سميحه... ما شاء الله انتو هتحرصوني 
مختار... ايوه انا هحرسك للصبح انا واخوى تعالي يلا 
سميحه... تعالو انتو ننام هنا يلا
قعدو جمبها على السرير ....
مختار.... هى مرت ابوي قاعده عم تضحك بصوت عالى ليه هما بيسمعوا مسرحيه جوه
سميحه..... مسرحيه لا ما بيسمعوش مسرحيه بتغيظنا 
سعيد... غريبه قوي المره اللى متجوزها دى مش حلوه
سميحه... طب يلا عاد ننام انا مش خايفه واصلا هنام اهه 
وعملت نايمه لحد ما الولاد ناموا فى صباح يوم جديد كانت سميحه فى المطبخ ومختار معاها 
مختار... هتعوزي حاجه تانى من الدكان
سميحه... لا بس ما تنساش الرز 
مختار بفرحه..... انا انسى الرز انتى هتعمليلنا النهارده كرمب انا هجيبه وهو مش هجيب الباقي 
سميحه.... لا يا مختار جيبه كله انا اصل عملت الرز بس هحطو مكانو يا باي منك مفجوع 
مختار نزل جرى وجات عبله وكانت لابسه لبس مش ولا بد وقالت....صباح الخير يا ضرتي 
سميحه.... اللهم طول يا روحي ايه اللى انتى لابساه ده يا وليه 
عبله.... ايه يا اختي عروسه يوم صباحيتها عايزه تلبس ايه جلابيه وطرحه زي اللى انتى لبساهم لازم البس حاجه شفتيشى عشان جوزي ما يبصش بره واملا عينه 
سميحه. .. اوف بدينا تلقيح جتت على الصبح تلبسي جوه في اوضتك براحتك ولا ما تلبسيش بس هنا لا ما ينفعش عشان انا معايا اولاد ما ينفعش يشوفوكي  كده عيب 
عبله... لا عادى اعتبرينى اختهم خلاص ما تبصيش كده انى مش مرت ابوهم ولا ايه 
سميحه.... مرت ابوهم اه بس امهم نفسها ما بتلبسش كده قدامهم احنا مش قاعدين في الغرب يا اختي روحى غيرى الخلقات اللي انتى مش لابساهم والبسيلك حاجه تستر 
عبله...  باين ما بتلبسيش كده لو كنتى بتلبسى ما كانش جوزك اتجوز عليكى وقالت ببكى مصطنع.... اخ يا حنوفتى اه لا انا ماتفقتش على كده يا اخويا اه تعالى شوف مرتك 
حنفى..... جرى ايه يا سميحه مش قلتلك ما لكيش صالح بيها
عبله....  شوف الوليه الحاسده قال ايه قال لابسه مفركش ليه روح البسيلك حاجه من زي اللي هي لابساه ده انا البس الهلاهيل ديت يا حنوفه عوزانى ابقى زيها وتتجوز عليا 
حنفى.... بقولك ايه يا سميحه قولى يا صبح وماتجريش شكل ما لكيش صالح تلبس اللي هي عايزاه وتقعد كيف ما هي عايزه هتخنقيها في البيت كمان 
سميحه... اخنقها ليه انا مالى بيها اصلا بس العيال قاعدين معانا كيف يعني ياجو يلاقوها قاعده كده صلوطى ملوطي 
عبله... ومالو دول زى عيالى برضك 
سميحه...  برضك هتقول عيالي اني امهم ما بقعدش قدامهم كده وتقعدى انتى استغفر الله يا رب عاوز تفتحلها الشبابيك كده جبلها بيت بعيد من عيالى 
حنفى...  سميحه ما تحلميش ببيت تانى هتقعد هنا وعلى قلبك وتقعد كيف ما تقعد ما لكيش صالح بلبسها
عبله... ايوه واللي غيران مننا يلبس زينا 
سميحه.... لبسك جن ازرق ما يعرفوا يطلعوه من عليكى 16 شيخ يا اختي
عبله بدلع...  شوف مرتك خوفتني يا حففى 
سميحه... يا اختي