قصة جديدة

يا عيني حاسس ان هو السبب
مختار.... ما قلناله ما لوش صالح
سميحه..... يلا سيبك منه يلا خلينا نشتغل انا وانت في الدكانه انت خد كتابك اهو واقعد فى  الزاويه وذاكر وانا هشتغل هنا جارك ولو في حاجه قولى 
مختار.... حاضر يا اما 
وبقت تعدى الايام وكانت سميحه بتشتغل
...
عمار... السلام عليكم 
سميحه.... يا اهلا وعليكم السلام اتفضل فساتين بناتك 

عمار...  شكرا اتفضلي لو عوزنا حاجه تانى هناجى تانى 

سميحه... قصدك تالت دى تالت مره عموما نتشرف.....  ايه واقف ليه في حاجه 
عمار... لاه ولا حاجه... ومشى شويه ورجع 
وقال... سميحه... بقولك ايه تتجوزيني
سميحه..... معلش ارجع عيد تانى قولت ايه اصل وداني مصفره 
عمار..... بقول تتجوزيني انى طالبك بالحلال 
سميحه.... ما يحكمش مين قالك ان انا عايزه اتجوز اصلا لو فاكر ان المراه ما تقدرش تربي العيال من غير راجل لا يا حبيبي بنقعد عادي من غير رجاله شكرا وبنربى واحنا بمية راجل 
عمار...... مين قال انو انتى ما تقدريش تربيهم لوحدك او من غير راجل بالعكس والله انا اللي محتاجك مش انتى انى عندي بنتين الصراحه امه ماتت وقعدت لوحدي معاهم ما عارفش اقعد في البيت ولا عارف اشتغل بصراحه فكرت اتجوز بعد المرحومه امهم بس مش لاقي واحده مناسبه تعاملهم زين خايف اجيبلهم واحده تبهدلهم وانتى ما شاء الله جدعه وكويسه وهتعاملى البنات زين وانا اعامل الولاد زين نتجوز ونكمل حياتنا انا وانتى لسه صغيرين 
سميحه..... مين صغيرين انا عندي 35 سنه
عمار... صغيره وحلوه كمان 
سميحه.... سيبك من الكلام ده جبته من فين الله يجازيك اني بصراحه مش بفكر في موضوع الجواز ده دلوكتي يعني انا لسه مطلقه من فتره
عمار... عادي وفيها ايه انا هستناكى تخلصي عدتك ونتجوز وبراحتك عايزه تقعدي فاتحه المكان ده اقعدي فاتحه عايزه تقفلي وتقعدي في البيت على راسى انا مهندس ويشهد ربنا عيالك في عيني

كيف بناتي بالظبط وامانتك البنات تعامليهم كيف اولادك بالظبط انا ما عنديش غيرهم اصلا لا عندي ام ولا عندي اب ولا عندي اي حد خالص اخوى بس  متجوز وقاعد هو مرته بعيد ها نقول على بركه الله 
سميحه.... ايه ده انت هتاخدنى كده على مشمي اما افكر الاول لو عليا ماشي بس انت عارف الولاد غير البنات دول لسه ماعدوش جواز امهم وانى اجبلهم راجل تاني معاهم برضك مش هيبقى زين انت عارف يعني  موضوع طلاقى من ابوهم كسرهم

عمار... لا ما تقلقيش ان شاء الله هيوافقوا هما عيال يعني لسه ما فهمتش حاجه يدوب ١١ سنه
سميحه.... انت سألت على السن كمان 
سميحه.... انا عرفت كل حاجه انتى كمان فكرى براحتك يا ست الناس مش هتديني  الرقم انتى بتتصلى من تليفون المحل انا عاوز تليفونك انتى 
سميحه.... تلفونى بمناسبه ايه بقى ان شاء الله 
عمار... مش هنتجوز 
سميحه.... خلاص كده انت قررت 
عمار... فكر براحتك انا على العموم قاعد ومستني تليفون منك انا صليت استخاره ولقيتها خير ان شاء الله السلام عليكم
سميحه... وعليكم السلام  
وطلعت عند امها ... الحقى يا اما اتقدملى وقال هياخد عيالى يعيشو معانا هناك 
امها... زغرطت... لولو 
سميحه... بس يا وليه ايه الكلام ده انا لسه ما وافقتش  هفكر 
امها.... هتفكرى  ليه الراجل جاي  شاري وجاي بالحلال انتى  عندك ولدين وهو عندو بتين حطوا الاتنين على الاتنين وعيشوا حلوين 
مختار... هتتجوزى هيعمل معانا كيف الحربايه مرت ابوي دي ما عملت معانا....
سميحه... لاه يا روحى انا ما هسيبهوش يعمل كده فيكم   طبعا يا حبيبي اكيد انى عمرى ما اسيبو يزعلكم 
مختار... تمام بدام هناجى معاكى 
سميحه فرحت وكانت تانى يوم بتخيط بس جيه 
حنفى وقال...  عايزه تتجوزيه يا سميحه اعملى فى  محسوبك انتى لو اتجوزتى انا هاخد عيالي ما هسيبهمش لجوزك يلطش فيهم 
سميحه. .. اه قصدك كيف ما مرتك كانت تلطش فيهم دلوك عرفتهم عيالك ولما كبيت منهم الاكل واما ضربتنا ما كنتش عارف ان ليك عيال واما جرستنا في الشارع وفضحتني ما كنتش عارف عيالك انت ليه ما عوزش تشوفني فرحانه ليه مش عايز تشوفني عايشه زي الناس 
حنفى.. ده اللى عندى لو اتجوزتى هاخد عيالى 
وسابها ومشى... امها...  قليل الاصل لا امسك بمعروف ولا سرح بأحسان اخص عليه هتعملى ايه دلوكتي 
سميحه.... والله ما عارفه يا اما هكلم عمار ونفض موضوع الجواز ده انا ما هسيبش عيالى 
امها.. الراجل شارى...
سميحه.. ورايدنى عارفه بس عيالى اولى بيا هيبقو لا ام ولا اب... 
بعد كام يوم كانت سميحه واقفه فى المستشفى وجيه عمار

وقال.... خير يا سميحه روحت المحل امك قالتلى انك هنه

سميحه.... مش خير واصل هو وراجع من عندى امبارح  عمل حادثه وتشل قعد على الكرسي
عمار... ومرتو فين..  
سميحه.. ما عرفش ما جاتش.. 
عمار....  على فكره ما لهاش لزمه قعدتك هنه واصل يا سميحه 
سميحه... لاه ده مش طليقي ده ابو عيالى وانا واقفه مع العيال عشان ما ينفعش يجيوا لحالهم وما ينفعش يسيبو ابوهم دلوقت
عمار... طب انتى روحي وانا هقعد معاهم بصراحه غيران قوي ما عايزكش تشوفيه اصلا ولا تبقي معاه
سميحه...  مش في المستشفى اكيد يا عم الرومانسى  
طلع الدكتور وسمحلهم بالدخول دخلو الولاد وسميحه عدا عمار
مختار.... انت زين يا ابوي 
حنفى... عبله فينها  برضو ما جاتش 
مختار... ايوه يا ابوي اتصلت بيها اقولها انك تشليت وهى زعقت وبتقولك طلقها 
حنفى... سامحيني يا سميحه انا اسف قوي اسف ما كنتش عارف قيمتك
سميحه.. انى اللى اسفه ما هقدرش ارجعلك عشان انت اتشليت وعرفت قيمتى دلوكتي اللي انت عملته انا ما نسيتوش وعايزه اكمل حياتي ومن غيرك ومن غير اسفك زي ما انت لقيت طريق انا لقيت طريق بس طريقك كان وحش لانو طريق الظلم والظلم نهايته خراب... ولو جد عرفت قيمتنا سيبنى اتجوز واخد عيالى اعمل حاجه واحده بس زينه في حياتك سيبلى  العيال لو انت فعلا عرفت قيمتي سيبنى اعيش يا حنفى لو شوفتلى يوم واحد حلو 
حنفى... هتسيبونى كلكم.. 
سميحه.. لا انت اللى سبتنا يا حنفى عشان عبله.. وهى سابتك زى ما انت سبت... عايزه عيالى 
حنفى...  خديهم انا اصلا دلوقتي عايز اللى يودينى الحمام يعنى حتى المحكمه هتديهملك...  بس خلي بالك على عيالنا وبالله عليكى حاولي تسامحيني 
سميحه.... لت هحاول ولا هفتكرك انا عايزه انسى واعيش من جديد انا وعيالى..  وما تقلقش مش هسمح لمخلوق مين ما كان يكون يعاملهم وحش...  
و طلعو من المستشفى ورجع كل واحد على بيته حنفى كان قاعد على الكرسي لوحده...لان عبله اول ما عمل الحادثه وعرفت بعجزه خلعت.. وفضل لوحدو... اما سميحه فتجوزت عمار وعاشت هى واولادها وبناته اللى كانو فعلا كأنهم اخوات من غير اى تفريق بينهم... بعد فتره كانت سميحه فى دكانها رحلها عمار وقال...
... انا اتوحشتك قوى كفايه شغل خلينا نرجع 
سميحه... يلا خلاص
اهه ده شغلى وما قدرش اسيبو ده هوايه مش بس مهنه 
عمار... ما اقدرش امنعك من هوايتك لانى عندى هوايه ما اقدرش ابطلها من ساعت ما شوفت عينك بقت هوايه وما اقدرش ابطلها ربنا يدم شوفتك هوايه عندى وما يحرمنيش منها واصل ...
ممكن البعض يشوف ان سميحه اكدت على نفسها كلام حنفى قدام الناس.. وممكن تشوفو ان كان المفروض تربى اولادها وخلاص... بس انا مش بقول للزوجه الاولى اتطلقى ابدا ده شى محلل فى الاسلام بس شرط التساوى عمرو ربنا مارضاه الظلم واكبر ظلم هو ظلم النفس.. تسكتى وانتى فاكره ان لو اخدتى خطوة اعتراض هتدمرى اولادك بس تربيتهم مع الغير بطريقه صح ويبقو اطفال سوين احسن ما يكونو مع الاهل متدمرين... ممكن ترضى بظلم  نفسك وربنا مايرضاهوش ليك ف يطلعك هو..  اوقات بنحس ان لو اخدنا خطوة اعتراض هتبقى نهايتنا بس فى الواقع بتبقى بدايه لحياه جديده.. ربنا كاتبهالك.. اتمنى تكون عجبتكم