قصة جديدة

جد خوفتى من البعبع جاتكو البلا انتوا الاتنين جبتولي الترجيع على الصبح يمين بالله جبتولى الترجيع بشوفكم كده قولونى بيقلب 
عبله... مالها دي والله يا حنفى ما عملتلها حاجه  هي كده لحالها 
حنفى... قلتلك هي وشها كده امال انا اتجوزت تانى ليه عايز واحده تدلعني 
عبله... ده انت هتشوف دلع
مختار.... استغفر الله العظيم دي صاله مش حمام يا مرت ابوى خشى انا فتحت الباب حد يشوفك الحمام من هنه 
عبله... ييه شوف الواد بيقولي ايه طبعا امو مسلطاه

حنفى...  ما ليكش صالح بمرت ابوك ياض 
مختار... يا ابوى اللي عنده معزه يربطها مرتك لمها حشمها عيب كده..... وحط يده على عين اخوه 
حنفى...  مالكش صالح يا مختار  امك في المطبخ تلقح جارها روح انت شايفها طالعه على كده ولا ايه الدنيا حر خش لامك كملو الكرمب اللى انتو فالحين فيه 
مختار..... ماشي يا ابوي..... ودخل المطبخ وقال... خدي يا اما جبتلك الحاجات  من تحت 

سميحه... مالك يا واد قالب خلقتك ليه
مختار... مش شايفه الوليه اللي قاعده جوه دى فاكره نفسك قاعده في شرم الشيخ عيب تلبس كده والله ربنا يوديها النار 
سميحه...  يا ريت والله لو شرم الشيخ كانت سترت روحها يلا تدفيها جهنم ان شاء الله بقولك ايه سيبك منها تعال احشي معايا كرنب انا هحشي واديلك تاكل مش انت بتحب تاكل الرز بتاعه
مختار... لا معاوزش خلاص هنزل اقعد تحت هي قاعده عما تتمشى هنا لما تخلصى المحشى اندهى عليا انا اتكسفتلها والله
ونزل سميحه...  صح اللي اختشو ماتو 
جات عبله.... اخ ازيك يا مرت جوزي
سميحه بقت تلف الكرمب.... يا حفيظ يا رب عايزه ايه
عبله....  عاوزه استخدم

المواعين بتاعتك هاكل فيها انا وجوزي احنا ما هناكلش وياكم اصلى ماستنضفش اكلك 
سميحه.... صوح حرامي وعينه بجحه بقى داخله تطبخى في مواعينى اللي جايباها بفلوس ابويا وجايه تقوليلي ما ما استنضفش وكلك ولما انتى ما مستنضفهوش طب مستنضفه مواعيني ليه
عبله.... لاه ماني هغسلها زين قبل ما اعمل فيها حاجه 
سميحه.... وعلى ايه ما تغسليهاش وما تطبخيش فيها وما تستخدميش بوتاجازى ولا تلاجتي ولا غسالتي ولا مواعينى
عبله.... انتى عايزاني اسيب الراجل من غير واكل ولا ايه 
سميحه بضيق... ان شاء الله عنكم ما طفحتوا  يامين بالله ما انتى حاطه يدك على حاجه من حاجاتى 
عبله.... ما عاوزينش حاجه من وشك العكر قطع لبن جيه من وش قرد
سميحه...  ايوه يا اختي انا قرد غورى بدال ما اقوم اتنطط انا وشبشبى فوق راسك جاتك البلا يا رب يا رب انا عملت ايه في دنيتي عشان يحصلى كل ده 
عبله راحت على اوضتها ببكى مصطنع 
حنفى... بتبكي ليه 
عبله.... مرتك روحت اعملى لقمه اكلها جعانه قالتى يا عايبه مش كفايه واخده جوزي كمان هتاخد حاجتى  اللي جايباها بفلوس ابويا قولتلها معلش انا هغسلهملك بعد اما اطبخ وارتبهملك تانى فى مكانهم ما هينقصوش معلقه هزقتني وزعقتلي وشتمتني وقالتلي يا معفنه يا اللي ما جبتيش جهاز قلتلها اني ما لقيتش مطرح احط فيه الجهاز ما انتى حاطه حاجتك هحط انا حاجتى فين ما خلتليش وشتمتني قالتلي يا جعانه
حنفى... انتى ايه اللى خلاكى تروحي تعملي في حاجتها ما هي بتطبخ وانا هجيبلك الاكل منها بعد ما تعملو تاكلي على الجاهز
عبله.... هى قالتلى ما تكليش في الوكل اللي معانا واحنا ما نخدموش عليكى واعملى لجوزك كمان انا ما هوكلش غير عيالى 
حنفى. ..... هي كمان عايزه تعزل الوكل 
عبله.... ايوه هي قالتلى تاكلي لحالك انتى وجوزك وانا وعيالي على كل حال خلاص زى بعضو 
حنفى...  لا دى زودتها قوي انا رايحلها 
عبله... بس ما تضربهاش يعني احسن تقول ان انا وزاك ولا حاجه
حنفى...  بعدى كده ورحلها المطبخ وقال.. ايه اللي انتى عملتيه ده يعني ايه ما تخدش حاجتك تموت بالجوع ولا عاوزه تقسمى واقف يا سميحه
سميحه بزهق.... انت بتزعق ليه يا حنفى 
حنفى...  انتى كيف تعملي كده ما معبرانيش واصل 
سميحه....  ايه عملتلها ايه انا  كمان دى جات وقالت هطبخ لجوزى هي اللي عايزه تقسم مش انا 
حنفى ضربها قلم وقال.... بطلي كدب انا شايفك انتى ما طيقهاش من ساعه ما جات ده الوكل اللي انتى مش عايزاها تاكل منه 
ورماه من الشباك وقال..... وريني هتتطفحى  ايه انتى وعيالك وانا هاخدها اوكلها في المطعم بره وابقى ما تخليهاش تحط يدها على حاجه تاني عشان ارميكى انتى  المره الجايع
سميحه.... بتضربنى يا حنفى عشانها.. وبتكب الاكل كمان طب بتكبو ليه انت انا تعبانه فيه من الصبح عشان ولدك كبيته كده نعمه ربنا يا كش ربنا يسخطك ما تلاقيهاش عارف ربنا يا حنفى 
حنفى.... انتى تسكتي خالص وما تتحدتيش  وعلى الله الاقيها ماسكه حاجه من البيت تقوليلها تسيبها وتقولى مواعيني وحاجتي  
وقال بصوت عالى..  يلا يا عبله هنطلع نتغدى بره 
واخدها وطلع بره البيت سميحه حطت يدها على وشها وقعدت في المطبخ وبقت تبكى دخلو الولاد 
مختار....يلا يا اما هاتيلي الوكل انا واقع من الجوع فين الكرنب جهز يلا هناكل الكرنب يلا انا مستنى مالك ياما قاعده كده في حاجه 
حنفى. .. الكرمب باظ وكبيته 
مختار.... طب وبتبكي ليه خلاص عادي
سميحه....عشان انت كنت عايز تاكل 
مختار... هو انا هموت خلاص نجيب يوم تاني وناكل ما تبكيش ياما 
سميحه..... انا زعلانه بس عشانكم 
مختار...  بس هو باظ كبتيه ليه كونا اكلناه بايظ عادي انتى وقفتى من الصبح عليه خلاص ناكل اي حاجه تانيه هنزل اجيب شبسى وجبنه 
سميحه... طيب خد اهى الفلوس 
العيال نزلو مختار.... الحق الكرنب بتاعنا مكبوب في الارض ازاى رمته من المطبخ امي عمرها ما رمت من هنا بترمي الباقى للطير فوق السطح بعدين ده مش بايظ معقول يكون ابوك كبو
سعيد... ابويا هيكبه ليه هي كبتو يلا زي بعضه 
واشترو وطلعو... اما الاكل مقلوب تحت ليه كبتيه من هنا ليه خدى حلتو اللى كان فيها هو كبو
سميحه...  لا يا ولدي هو هيكبو ليه انا كنت برميه وقع  بحلته 
مختار...  ما وديتهوش للطير ليه انا مش عيل ياما انا عندي 11 سنه هو رماه منك 
سميحه... لا هو تكب مني بس انا جيت اكبه كده كسلت اطلع فوق اتحدف بالحله الحله اتحدفت معاه انا بكره ان شاء الله هجيبلكم كرنبه كبيره ونعملوها سوا ماشي 
مختار.... جيرانك اللى فى الاوضه راحوا فين 
سميحه... راحو مشوار 
سعيد.... يا رب يكون دكتور ويكتبلهم حقن
سميحه... طب كل يا اخويا 
في صباح يوم جديد كانت سميحه واقفه في محل الخياطه بتاعها وكان جنب البيت على طول  وجه شاب معاه بنتين صغيرين 
وقال... السلام عليكم
..
سميحه...  وعليكم السلام نعم يا اخويا اتفضل 
انا عمار جايين نفصل عندك 
سميحه.... معلش يا اخويا انا مش بفصل للرجاله والله 
عمار... لا مش ليا اكيد للبنتين دول انتى عملتى فستان لبنت العمده وعجبها وهي عايزه