قصة جديدة بقلم إيمان حجازي
هيسجنها
..
نظر اليهم في شك هيسجن اخته !!!
رددت ايمان ويسجن عيلته كلها .. انت لسه متعرفهوش يا استاذ عبدالله
نفث عبدالله دخان سيجارته قائلا في توعد بس هعرفه .. انا وهو والزمن طويل ..
استدارت اليه مرام في اعتراض لا يا عبدالله ارجوك .. بلاش تدخل معاه في مشاكل احنا في غني عنها .. وانا هتعامل معاه....
قاطعها عبدالله في حزم شديد لا انتي تخرسي خالص..وتعاملك معاه ده تنسيه نهائي.. ومن هنا ورايح انا اللي اقولك تتعاملي معاه ازاي .. لحد ما تخلصي من المشكله دي وتستقري هنا
قالت مرام في دهشه هنا !! ..
نظر اليها في صرامه اه هنا .. مش بلدك اهم ولا ايه!! .. ولا انتي حابه المرمطه في بلاد بره
نظرت اليه في حرج واطرقت في صمت فقال في ود لازم
تفضلي في بلدك يا مرام وتكملي نجاحك ومشوارك هنا وسط اهلك وناسك
اسرعت ايمان لكن ده مستحيل دلوقت يا استاذ عبدالله .. مرام جايه مصر عشان تفتح مجمع جديد للمستشفيات وجراحه القلب وبعدين لازم ترجع تاني
قال عبدالله في بساطه انا مبقولش دلوقت .. لازم بس الاول اطلعها من الورطه اللي هي فيها مع الكلب ده قبل ما يستغل ده لصالحه ويشوه سمعتها
قالت ايمان ايوه ده اللي انا اقصده
اجابها متفهما انا اكتر واحد يعرف الاشكال دي بتفكر ازاي
نظرت له مرام في خوف انت ناوي علي اي يا عبدالله
شعر عبدالله بخۏفها فأقترب منها وامسك بيديها في حنو ناوي مسيبش بنتي متورطه اكتر من كده مع حد .. لازم اخلصك من كل القرف ده
ثم اضاف وهو يفكر بشئ ما ولازم تعرفي ان مهما كانت ديونك بامر الله مقدور عليها .. انتي ناسيه ان ورثك كله كان مليارات .. بس طبعا انتي متعرفيش حاجه عن الموضوع ده لانك تحت وصايتي وانا لسه متنازلتش عنه ليكي .. لكن انا سايب دي اخر حاجه الجأ لها لأني شاكك في الموضوع كله من اوله لأخره ...
ابتسمت كل من مرام وايمان في ارتياح بعد اخبارهم بأمر النقود لتهتف مرام بفرحه غير مصدقه انت بجد تقدر علي الفلوس !!
اجابها بثقه وحنو ايوه طبعا واكتر من كده بكتير .. متقلقيش
نظرت ايمان اليه بشك وهي تنتبه لامر ذكره عبدالله فسألته قصدك ايه وايه اللي انت شاكك فيه !!
ترك عبدالله يد مرام وهو يقف ثم بدأ يتمشي الي النافذه مفكرا ليه ناجي عمل كل ده !!.. ليه مشي ورا مرام وفضل يبني لها مجمعات ويدعمها بالفلوس .. الصفقه اللي اولفت دخلت فيها دي وخسړت اكيد كان هو السبب في خسارتها عشان يخليها تروح لمرام وتطلب منها اللي طلبته ده
اجابته ايمان بهدوء ما انا قلت يا استاذ عبدالله .. هو عايز يتجوز مرام ومش راضي يشيل عينه من عليها
علي الرغم من ان حديثها كان
لازعا عليه ولكنه اجابها نافيا في ثقه وذكاء كعادته لا لا لا اللي فهمته علي ناجي انه مش بتاع حب ولا مجرد جواز عادي .. في حاجه كبيره هيكسبها من ورا مرام .. ودي اللي مخلياه صابر عليها لحد دلوقت وكمان يكون عايز يتخلص ....
قال جملته الاخيره وهو علي وشك اكمالها بأمر قټلها علي المدي البعيد مثلما علم من التحاليل التي اجراها علي الدواء الخاص بمرام .. لكنه توقف عن الحديث حين تذكر حديث ايمان حول ثقه مرام باولفت وحبها لها وهذا ما اكتشفه ايضا حين علم بأمر الديون التي تورطت بها فقط من اجل انقاذ اولفت .. ولذلك قرر عدم الحديث....
اجابته مرام بتفكير يمكن يكون فعلا معاك حق
لتكمل ايمان متسائله طيب وانت هتعمل ايه يا استاذ عبدالله دلوقت .. !!!
قال عبدالله واثقا في هدوء انا مش هعمل حاجه .. انا هستني مكاني هنا وانتو معايا .. واولفت هي اللي هتعمل .. هي اللي هتبقي مرسال السلام بينكم .. لأن ده من مصلحتها اوي
ضحكت ايمان في تهكم والله انت بتفكر فعلا صح .. في كل مره بيحصل بينهم خناق كانت اولفت تيجي وتهديهم وتخليه هو كمان يتأسف لمرام
ابتسم عبدالله وهو ينظر الي مرام بطرف عينيه ليه .. هي مرام هزقته كتير ولا ايه !!
نظرت اليه مرام مبتسمه في عتاب فقالت ايمان يالهوووي .. كتيير والله يا استاذ عبدالله .. زي ما تقول كده الراجل مرام استحلفت انها تمرمطله كرامته في الارض وهو يسكت
علي الرغم من تلك الجمله زادت من قلقه اكثر ولكنه ضحك وهو ينظر اليها في اعجاب وفخر وحب .. تأكد انها كما هي بريئه ونقيه محافظه علي ما كان بينهم ولم تتغير برغم كل ما مرت به .. حتي بعد انفصالهم ...
اي اللي حصل يا حاج !!.. خلاص .. بنت يسر خدت فلوسنا كده وانتو فضلتو ساكين !!
قالتها فوزيه زوجه علي موجه حديثها اليه وهي تهرول مسرعه بالنزول اليهم ..
لتجد الجميع في حاله صمت لتعيد الكره مره اخري ما حد يرد عليا .. ساكتين ليه !!
اخرسها الحاج نواصره قائلا اظن شفتي كل حاجه يا ام حمزه .. فملهاش لازمه كلامك اللي ملهوش عازه ده
لتكمل حديثها في مراره انا قلت لكم .. هي مش سهله وفاجره زي امها وعشقالها واحد لحد ما جبته زاحف هنا .. زي ما امها عملت زمان ولافت علي حاتم ابن عمي
ليرفع الحاج نواصره وجهه اليها قائلا في صرامه وانتي بقه متضايقه من انه حاتم اتجوزها ولا عشان موافقش بيكي قبليها زمان
بلعت ام حمزه ريقها وهي تردد قصدك ايه يا حاج !!
اجابها بحزم انتي عارفه قصدي كويس .. والكلام في الموضوع ده انتهي .. وبنت حاتم اخدت نصيبها وراحت لقضاها
ليجيبه علي پغضب بس ده
مكنش كلامك من شويه يا بوي .. مش انت مكنتش عايز تفرط في ارضنا
للغريب
ليجيب النواصره واما مفرطش في ارضنا وهي خدت نصيبها .. وبعدين انت اخر واحد تتكلم .. مش انت مكنتش موافق تديها لولدك حمزه !!
ليجيبه علي ايوه بس كانت تفضل تحت طوعنا ومعانا
ردد النواصره في ضيق وهي دلوقت تحت طوع جوزها .. انا مبقاش في عمري كتير عشان اموت من قهرتي عليكم لو جوزها ده عملكم حاجه
ليردد علي هيعملنا ايه يا بووي .. ده واحد بيتحاما في مركزه وسلطته .. وطلقه متسواش خمسه جنيه هتجيبلك اجله الارض
هتف الحاج نواصره اللي هيتكلم هنقطع له لسانه .. بنتنا اتجوزت وانا اللي جوزتها وغير كده مش عايز اسمع .. وقفلو علي الموضوع ده مش عايز اسمع حد بيحكي فيه مره تانيه
ثم نهض الي غرفته بألاعلي وترك
الجميع .. لينظر ياسين الي عمه بنظره تأكيديه فهمها عمه علي الفور .. وقررو تنفيذ ما يخططون....
انتو هنا وانا عمال ادور عليكم...!
قالها ادم وهو يدلف باب الغرفه
ليتدخل عبدالله قائلا في مرح اي يا صاحبي .. انا بغير علي فكره
نظر اليه دومي طيب عضلات خماسيه وعندك قوه الوحوش كده !!
اڼفجرت كل من مرام وايمان من الضحك ليجيبه عبدالله لا والله معنديش قوه الوحوش ولا حاجه انا القوه بتاعتي عاديه
دومي يعني مش زي حراس القوه كده وبتقضي علي الاشرار !!
عبدالله لا يا عم دومي .. احنا فين وحراس القوه فين !!
اجابه ادم في لماضه امم علي العموم احنا بقينا صحاب بس بما انك بقيت الحارس لمامي اتمني ان قوتك تعجبني وتقدر تقضي علي عمو ناجي الشرير وتنقذ ماما
الجميع من الضحك مره اخري .. كانت مرام تراقبهم في حنان وهي تبتسم حتي رأي عبدالله ابتسامتها وقال ده سكر قوي يا مرام... فعلا ليكي حق انك تحبيه قوي كده
قالت في صوت خاڤت انت كمان هتحبه قوي
وضع عبدالله يده علي شعره الناعم يداعبه وهو يقول هو انا لسه هحبه .. دا دخل قلبي خلاص .. مش بيقولك بقينا صحاب
قال دومي الي مرام مامي انا جعان ..
قبل ان تجيبه مرام حمله عبدالله علي كتفه في مرح وهو يقول انا اللي هأكلك يا بطل .. اي رايك !!
اجابه دومي وهو ېصرخ بمرح موافق ونلعب مع بعض وتعلمني حركات عشان يبقي عندي عضلات زيك كده عشان اما اكبر ابقي ظابط وابقي انا الحارس بتاع مامي
ضحك عبدالله موافق يا بطل .. يلا بينا
قال دومي الي مرام مودعا باباي يا ماماي .. انا رايح مع صاحبي عشان ابقي حارس القوه ..
ظلت مرام تراقبهم في حنان ثم تنهدت وهي تهمس محدثه نفسها في تأثر اااه يا عبدالله ازاي مخدتش بالك منه... ازاي مشفتش خفه ډم اختك رشا وغيرتك انت عليا جواه.. طيب مشفتش انه نسخه منك في الشكل
ما انت مكنتش تعرف اني بعدت عنك وانا شايله حته منك جوايا... وأصريت علي حمدي أنه ميبلغكش... يا تري هتعمل ايه لما تعرف
كان يقف شاردا في شرفه منزله يشاهد غروب الشمس الممزوج بحبات المطر التي اضافت لقرصها الذهبي جمالا من نوع اخر ..الي ان سمع صوتا يصدر من خلفه فأتجه اليها وجدها تتقلب في الفراش ببطئ وهي تفتح عينيها البنيه .. اتجه اليها سريعا وهو يساعدها علي النهوض حمدالله علي السلامه
تثائبت في الم وهي تتطلع اليه بنظرات مبهمه وتتذكر ما حدث انا فين !!
ابتسم ادهم وهو يهندم شعرها المبعثر انتي في بيتك يا عروسه
هزت يمني رأسها غير مصدقه بالحيا زي ما عملو مع امي
هزت يمني رأسها بحيره والم انا اصلا معرفش انت عرفت منين !! ولا جيت ازاي !! .. لما كلمتني في الموبايل انا اه عرفت صوتك بس فكرت اني بحلم زي عادتي او ان دي تهيؤات من اللي كنت فيه .. حتي لما ناديتني هناك .. برضه مكنتش مصدقه انه انت
ابتسم ادهم بهدوء وحنو للدرجه دي فاقده الثقه فيا واني هسيبك
اخفضت رأسها في الم وندم
ومفكرش في كده ليه واخر مره شفتني فيها اتعاملت معايا ولا كأنك تعرفني .. ولا كأنهم سبع سنين ..
في الم وقال كنت مقهور منك اوي .. لكن اللي في قلبي عمره ما اتغير من ناحيتك
قالت يمني في مراره انا فكرت سنين البعد قللت من حبك ليا ونسيتني ...
.. مبيضعفش .. وانا حبيتك ومقدرتش اشوف غيرك
في حب ودموع وحب .. فقال ادهم في حنو ليه الدموع دي يا
حببتي !!
ازداد بكائها وشهيقها انا اسفه يا ادهم ..
قاطعها ادهم وهو يجفف دموعها مره اخري ششششش .. خلاص ننسي اللي فات .. متفكريش دلوقت غير انك بقيتي معايا وبس ..
داليدا
قالتلي انها جايه دلوقت .. الساعه بقت عشره ولازم انا امشي لان كل مره بروح متأخر..
قالتها ايمان الي مرام التي كانت تلعب مع تمارا وايضا عبدالله الذي لم يقطع لعبه مع دومي منذ الصباح .. انتبهو لها جميعا واجابتها مرام ماشي يا ميمو .. مستنياكي بكره الصبح
قلق المفروض الحاله دي تجيلها بكره .. ازاي جتلها النهارده!! .. في حاجه غلط ..
امسكت ايمان بألاولاد الذي حالهم لم يقل قلقا عن الكبار علي والدتهم .. بينما وضع عبدالله مرام علي الفراش وهو يشعر پألم حول امرها وانتابه قلق شديد .. اخرج هاتفه علي الفور وقام بألاتصال علي الطبيب الذي اجابه مسرعا وطلب منه المجئ حيث ازدادت حالتها .. وافق الطبيب وطلب منهم الانتظار لمده خمس دقائق فقط وسيصل اليهم .. ما ان انهي عبدالله اتصاله حتي سمع رنين المنزل فظنت ايمان انها داليدا وذهبت مسرعه الي الاسفل كي تفتح لها ولكن هربت الډماء من عروقها حينما وجدتها ليست داليدا وإنما تلك العقربه أولفت...
الفصل التاسع
الجزء التاني
حلقه 9
كإنك الوطن اللي تاه عني...كإنك الحلم اللي عايش فيه..
توترت ايمان بشده حين رأت أولفت واخذت تفرك يدها من شده التوتر ولكنها فكرت بذكاء وحاولت بقدر المستطاع ان تبدو طبيعيه .. ابتسمت ابتسامه ثقه كاذبه وهي ترفع بصوتها لأعلي عن عمد وهي تقول اهلا اهلا يا أولفت هااانم ... نورتي يا أولفت هااانم
سمعها عبدالله فشعر بالقلق هو ايضا ونظر من الاعلي ليجدها بالفعل مع ايمان .. اسرع الي الغرفه مره اخري وقام بالاتصال بالطبيب والذي اجابه علي الفور ..
ايوه يا دكتور انت فين !
انا خلاص قدام الفيلا اهوه وهدخل...
لا لا .. استني متدخلش خالص دلوقت في ظرف حصل ومش هينفع تيجي..
طيب يا استاذ هو في حاجه اهم من صحه المړيض وخصوصا لما تبقي حاله زي دي !!
لو سمحت انا هكلم حضرتك في وقت تاني لكن دلوقت اسف مش هتقدر تيجي ..
طيب .. دلوقت ممكن تدوها حقنه المقويات ودي اخر مره تقدر تاخدها .. بعد كده هتبقي حالتها اصعب لو مخدتش الدوا .. او الدوا المضاد..
تمام يا دكتور .. متشكر جدا ..
اغلق عبدالله الهاتف وهو يتنفس الصعداء .. ثم نظر الي وجه مرام وحالتها الصعبه .. ليجلس بجوارها وهو يضع رأسه علي جبينها في اسف قائلا سامحيني يا حبيبتي .. كله عشان مصلحتك والله
ثم قبل جبينها في الم واخذ نفسا طويلا وهو يستعد للنزول الي تلك الحرباء المدعوه أولفت
اهلا يا مدام اولفت .. جيتي في وقتك...
قالها عبدالله وهو ينزل من علي الدرج في ثقه وكبرياء مرحبا بها بود مصطنع ولكنه اصبح يدرك جيدا كيفيه التعامل معها لتجيبه بترحاب مصطنع ايضا اهلا بيك يا عبدالله بيه .. واسفه علي الزياره المتأخره دي بس انا مرام عندي اهم من اي حاجه ..
اجابها عبدالله وهو يجاريها ايوه طبعا .. دي حتي مرام حكتلي انتي ازاي وقفتي جنبها طول السنين دي وكنتي بتدعميها ووصلتيها للمكانه دي .. بجد مش عارف اشكرك ازاي !!
ابتسمت اولفت مرام دي زي بنتي يا استاذ عبدالله وحرام ذكائها ونبوغها ده يندفن هنا في مصر
اه طبعا .. خير ما عملتي..
نظرت له اولفت بخبث وتوتر مغيره دفه الحديث هي مرام صحتها عامله ايه دلوقت !!
شعر عبدالله بتوترها وفهم مقصدها فأجابها والله مخبيش عليكي .. مرام لسه جايلها النوبه اللي بتجيلها دي وكنت لسه هرن عليكي وأسالك علي اسم الدوا اللي بتاخده عشان اجيبه
اسرعت اولفت في توتر شديد لا يا عبدالله بيه اوعي تعمل كده
نظر لها عبدالله متصنعا عدم الفهم لټندم علي تسرعها قائله وهي تتهته قصدي .. قصدي يعني مش هتلاقيه هنا اصله مش موجود في الصيدليات المحليه ده بييجي من بره .. انت بس قولي وانا اجيبهولك
اجابها عبدالله في لهفه مصطنعه طيب دلوقت مرام تعبانه ومحتاجه الدوا هنجيبوه منين !!
اخرجت اولفت زجاجه من حقيبتها قائله ما انا عملت حسابي وخفت يحصلها حاجه وجبتها معايا اهي .. اتفضل
تناول عبدالله الزجاجه من يدها وهو يشكرها بشده بجد متشكر جدا يا مدام اولفت .. انتي انقذتينا ..
تنفست اولفت بهدوء وهي تبتسم بخبث فأعطي عبدالله الزجاجه لايمان
قائلا بقلق مصطنع بسرعه يا ايمان اطلعي ادي لمرام الدواء قبل ما حالتها تسوء
تناولت منه ايمان الدواء في تفهم لما يشير اليه وصعدت الي الاعلي لتجد الحقنه الطبيه المقويه علي الاريكه بجوار السرير .. جهزتها واعطتها لمرام وهي تتمني لها الشفاء وتدعو بالاڼتقام لمن سبب لها هذا ..
اي يا عبدالله بيه هي مرام هتفضل هنا كتير .. ده حتي مش حلو عشان سمعتها .. الناس هتقول عليها ايه !! .. محدش يعرف اللي كان بينكم غيري .. اللي واصل للناس انك الحارس بتاعها .. معقول تقعد في بيت البادي جارد بتاعها !!
قالتها اولفت بقلق مصطنع ونبره خبيثه مدركه جيدا الي ما ترمي اليه ففهمها عبدالله واجابها لا طبعا متقلقيش .. يومين بس وهترجع تاني الفيله عندكم .. انا برضه سمعه مرام تهمني ..
لكن هي اللي اختارت تفضل هنا بعد اللي حصل من ناجي هناك .. وانا مقدرتش امنعها ..وبصفتي الحارس الخاص بيها لازم ابقي متواجد معاها في اي مكان
رددت اولفت في دفاع ولهجه تبدو واثقه وانا مسكتش طبعا علي اللي حصل ده وناجي بنفسه هييجي يتأسف لها .. انا عارفه انه غلط لكن بقه تقول ايه .. مكنش قادر يستحمل بعدها عنه كام يوم .. اصله بيحبها اوي
قالت جملتها الاخيره وهي ترمي اليه جيدا مغزي وصله وعلي الرغم من حرقه قلبه الا انه تصنع البرود وهو يجاريها الكلام ده لما تبقي مراته .. لكن دلوقت اللي وصلني انهم لسه متجوزوش ..
ابتسمت في مكر وعشان كده انا جايه اصالحهم وكمان نمشي في موضوع الجواز
ده .. ولا انت ايه رأيك !!
اجابها عبدالله متفهما مقصدها والله دي حاجه ترجع للدكتوره يا مدام أولفت .. والرأي رأيها .. انا مجرد البادي جارد وصديق مش اكتر ...
اطمئنت اولفت من حديثه قائله طيب ياريت بقه ننجز في موضوع قعدتها هنا .. انا مفهمه ناجي انها في بيت ايمان .. لو عرف انه بيتك مش هيحصل طيب
اطمني يا مدام اولفت .. وزي ما بلغتك .. لما الدكتوره تفوق هبلغها بزيارتك وهي هتبقي تكلمك...
نهضت اولفت وهي تمد يدها اليه مودعه تمام يا عبدالله بيه .. تصبح علي خير
صافحها عبدالله في امتنان مصطنع متشكر للمره التانيه يا مدام اولفت نورتينا
قام عبدالله
ردد عبدالله في ود مساء النور يا داليدا .. كنتي فين لحد الوقت ده !!
اجابته داليدا في توتر لا ابدا مفيش كان عندي كام مشوار كده خلصتهم وبعدين عديت علي كنيسه السيده العذراء .. ومحستش بالوقت وانا هناك بصلي .. اسفه لو اتأخرت
ابتسم عبدالله ولا يدري لم شعر بشئ خطأ في حديثها ولكنه ابتسم لها مرحبا ربنا يتقبل منك
اجابته وهي تدلف الفيلا امين .. انا هروح اشوف مرام
اغلق عبدالله البوابه خلفها ودلف الي الفيلا ايضا ...
في نفس الوقت كان عمر يجلس في غرفته وهو ينتظر ايمان في قلق وعصبيه حيث تاخرت كعادتها اليوم .. ولكنه اخذ يقنع نفسه بانها بلا شك في عملها وانها بالفعل ليست مثل اي فتاه عرفها من قبل في احترامها وتدينها ..فعزم علي ان يصالحها علي ما بذر منه في الصباح وايضا يشكرها علي وقوفها بجانبه اثناء مرضه طوال الليل.. قرر ان يتعامل معها بلطف هذه المره حتي وان منعه كبريائه فقلبه سوف يهزمه.. وان يسمع منها طبيعه عملها تلك التي تؤخرها الي مثل هذا الوقت .. وقرر ايضا ان يهديها سياره ويعلمها القياده اذا لم تكن تعرفها .. علي الرغم من عناده معها ولكن قلبه يحدثه انه علي مشارف الڠرق بعشق تلك المختمره ابنه عمه...
في حلول الساعه الرابعه فجرا فتحت ايمان عيناها في تثاقل شديد لتجد نفسها علي سرير مرام في وعي غير مكتمل .. تثائبت ببطئ وهي تنظر في ساعتها لتجدها الرابعه صباحا .. قفزت ايمان دفعه واحده وهي تهتف يالهووووووي
فتحت مرام ايضا عينيها في بطئ اثر صړاخها ووجدت ايمان تتحرك بسرعه شديده مالك يا ايمان !!
اجابتها ايمان پخوف وقلق اتاخرت قوي يا مرام دا الفجر اذن وانا نمت هنا .. الظاهر اني عشان منمتش امبارح محستش بنفسي وانا نايمه جنبك
ضحكت مرام ببراءه يا بنتي وفيها ايه .. كملي الليله معايا ولو حابه تمشي الصبح مفيش مشكله
اسرعت ايمان وهي تربط حذائها مينفعش يا مرام خالص .. دول تلاقيهم قالبين الدنيا عليا هناك وموبايلي فاصل شحن
رددت مرام في خبث اممممم تلاقي عمر مفيش غيره
اجابتها ايمان وهي تتذكره منكرش انه ممكن يكون مستنيني .. بس احنا مټخانقين من الصبح وكالعاده پنتخانق .. لكن عمي ومرات عمي تلاقيهم رجعو ومستنييني برضه .. اساسا عمي عرض
عليا كتير اني مشتغلش
واخد نصيبي وورثي لكن انتي عارفه اني رافضه الموضوع ده ومقدرش اسيبك
ابتسمت مرام في حب عارفه يا ميمو .. ربنا ما يحرمني منك ..
استمعا لطرق علي باب الحجره فأسرعت ايمان تفتح ليردد عبدالله اي الدوشه دي !! .. اي اللي مصحيكم دلوقت !!
اجابته ايمان في ضيق المفروض اصلا مكنتش نمت .. انا لازم ارجع دلوقت
ردد عبدالله في استغراب انتي عارفه الساعه كام دلوقت!! .. الفجر لسه مأذن من ربع ساعه يدوبك صليته .. هتروحي ازاي دلوقت !!
مينفعش استني صدقني .. اروح دلوقت اهون من اني استني الليل كله ويبقي اسمي قضيت الليله بره
اجابها عبدالله متفهما طيب يلا وانا هوصلك ..
اجابته باعتراض شديد لا مينفعش خالص .. معلش انا هتصرف واروح
كانت تستمع اليهم مرام وتفهمت جيدا موقفها فاسرعت قبل ان يجيبها عبدالله مش هينفع يا ايمان مش هتلاقي حاجه تروحك دلوقت .. عبدالله هيوصلك وانا هاجي معاكم انا كمان عايزه اشم هوا الفجر
اجابتها في قلق لا يا مرام انتي تعبانه .. قلتلكم انا هتصرف
قطع عبدالله كلامهم في صرامه قومي يا مرام البسي .. وانتي يا انسه ايمان متعانديش كتير .. خمس دقايق وتنزلو تحت وانا هنزل ادور العربيه ..
استسلمت ايمان لرغبتهم ودعت ربها بالستر وهي تنزل الي الاسفل بصحبه مرام الي السياره .. ركبت مرام بجوار عبدالله وايمان في الخلف فقالت ايمان والله يا جماعه هتعبكم معايا .. هتسيبو الولاد لوحدهم !!
اجابها عبدالله ادم كان نايم معايا ولسه نايم .. وتمارا مع داليدا .. متقلقيش ..
بعد مرور ساعه وصل عبدالله الي منزل عائله ايمان .. هبطت من السياره مودعه مرام وعبدالله لتتفاجئ بكلب يتجول امام المنزل لتسرع الي الخلف بشده من الخۏف الحقوني في كلب حد ييجي يمشيه بالله عليكم
قهقه عبدالله علي خۏفها من ذلك الكائن الصغير فهبط من السياره بعد ان اردفت مرام كلب !! .. لا معاكي ربنا انا بټرعب منهم
ردد عبدالله ضاحكا تعالي تعالي انا هبعده ..
ظلت تمشي خلفه الي ان وصلت امام البوابه وفتحت بالمفتاح الخاص بها وهي تودع عبدالله في امتنان شاكره متشكره جدا يا استاذ عبدالله .. مع السلامه
مفيش شكر ولا حاجه .. خلي بالك من نفسك...
اغلقت ايمان البوابه خلفهم غير منتبه الي من كان يراقب ذلك المشهد وعيونه تشع بالشراره وبداخل صدره نيران ان تجمعت قطرات مياه العالم اجمع لم تستطع اخمادها ....
عاد عبدالله الي مرام وجدها تبتسم فتعجب لها قائلا مالك !!
انتبهت له قائله مفيش عادي بضحك
تحبي نرجع البيت !!
اجابته بنصف عين لا احب ناكل
ضحك عبدالله قائلا طيب يلا بينا نشوف حاجه من اللي بتفتح 24 ساعه وناكل لأني شكلي كمان جعت
رددت مرام بتفكير امم تعالي نروح النادي انا نفسي اجري .. بقالي مده كبيره مجرتش .. حتي انت لابس حتي لبس رياضي اهوه
هتف عبدالله متسائلا وانتي تجري ليه اصلا !!
رددت في ثقه لااااا انا مهتميه جدا بالرياضه خصوصا جري الصبح ده .. لكن بطلته من شهر تقريبا اول ما ابتديت اتعب
اومأ لها عبدالله متفهما في الم متعمدا عدم الحديث بخصوص مرضها وانتي بقه بتعرفي تجري !!
هتفت بثقه وهي تضع يدها حول خصرها طبعا .. دا حتي كنت بدخل مسابقات في المانيا وفزت مرتين
اممم طيب هنشوف يا حضرت الدكتوره
ادار سيارته واتجه الي النادي القريب .. رحب بهم العاملين به وطلب منهم احضار طعام املته عليهم مرام واخبرتهم بان يحضروه بعد ساعه ..
ليه قلتلهم ساعه .. انتي مش جعانه !!
قالها عبدالله وهو ينظر اليها بحيره فأجابته انا حابه اجري الاول
اومأ لها بالايجاب وهم بخلع الجاكيت وهو يشتد علي رباط الكوتشي الخاص به مستعدا للركد .. كانت تختلس النظر اليه دون ان يلاحظها فطالما كانت تعشق جسده الرياضي المتناسق وعضلاته البارزه...
رفع
وانطلق كل منهم الي التراك الخاص بالجري والذي كان شبه خاليا مما اسعد عبدالله حيث جعل الفرصه اكبر لأخذ حريتهم ..
وبعد ساعه متواصله من الركض سويا ابطئت مرام من سرعتها وهي تنظر الي عبدالله اي رأيك .. حابب نستمر !!
كان عبدالله خلفها يلتقط انفاسه في بطئ نستمر ايه !! .. دا انا نفسي اتقطع .. انا فعلا منفعش ابقي من حراس القوه زي ما قال دومي
اخذت مرام تضحك بشده وهي تنظر اليه فتقدم اليها وقال لا بس بجد اي الشطاره دي !! .. برافوو عليكي
وضعت يدها في كبرياء في حاجات انت لسه متعرفهاش عني اتغيرت الفتره اللي عدت
ابتسم اليها في اعجاب طب ما تيجي ناكل وتحكيلي علي الحاجات الكتير اللي معرفهاش دي
ابتسمت وهي تتطلع اليه في حب موافقه
امسك بها من يديها وهو يركض نحو المكان يلا بينا
ضحكت اكثر وهي تجري معه بالراحه شويه يا عبده
ظل ممسكا يدها وهو يركض معها ضاحكا بالراحه ايه !! .. دا انا ھموت
واتكلم معاكي
لمعت وجوههم وعادت اليهم الحياه مره اخري وفي قلوبهم روح تجددت بالعشق .. فقط لوجودهم سويا من جديد ..
تحركت ببطئ علي سريرها بداخل بيتها الجديد لتنهض في تكاسل وألم وهي تنظر حولها بداخل الغرفه لتجده غير موجود بها لتبتسم في هدوء وهي تتذكر كيف كان يدافع عنها امام اهلها الذي لم تربطها بهم سوي الاسم فقط تتذكر حنوه عليها ومعاملته لها بلطف لتشعر بأشتياق يجتاح قلبها له مره اخري ..
خرجت من الغرفه بحثا عنده لتجده في غرفه اخري يجلس امام المكتب وامامه اللابتوب الخاص به ومندمج فيما يشاهده لدرجه انها نادته ولم يسمعها فتقدمت اليه في بطئ وذهبت خلفه لتري ما يشاهده والذي اثار دهشتها
ايه ده يا ادهم !! .. انت ناوي تسيب شغلك وتبقي دكتور !!
اوقف ادهم تشغيل الفيديو وهو يلتفت اليها في ذهول وعقل مشتت مرددا انتي صحيتي !! .. عامله ايه دلوقت !!
اجابته بتنهد ومازال عقلها منشغلا بما رأته انا دلوقت حاسه اني احسن شويه .. لكن هو اي اللي انت بتشوفه ده !!
عاد ادهم بنظره مره اخري الي اللابتوت وقال لها في اهتمام بصي .. انتي طبعا دكتوره وخلصتي دراستك صح !!
حمحمت يمني وهي تقول انا اه خلصت لكن فاضلي التخصص .. يعني انا دلوقت درست الجسم كله بس ..
اردف ادهم مسرعا بنفس الاهتمام حلو اوي .. انا هوريكي الفيديو من الاول وانتي تقوليلي بالظبط هو بيعمل ايه .. تمام !!
اومات له بأهتمام وتشويق تمام
شغل ادهم الفيديو من البدايه ليظهر امامها رجل ضخم البنيه يمسك بيده ادوات جراحيه منها المألوف ومنها الغريب الي حد ما ويتجه بهم الي چثه او ما يبدو عليها ذلك ويبدأ في تشريحها بۏحشيه شديده لتوقف يمني الفيديو بيدها قائله في خوف ده مستحيل يكون دكتور يا ادهم .. الراجل اللي شغال فيه ده مكنش مېت .. شفت انتفاضه جسمه اول ما بدأ
بالجزء العلوي من الجمجمه ..
واشارت بيدها الي اثار خياطه حديثه بجنبه الايمن وهتفت ده واضح انه لسه عامل عمليه قريب واحتمال كبير الزايده كمان .. ولسه مفاقش من البنج .. الطريقه اللي شغال بيها علي الچثه دي متدلش علي اي حاجه غير انه دكتور دا لو كان دكتور فعلا مش جزار .. انه اتجرد من كل
معاني الانسانيه
كان يستمع اليها ادهم باهتمام شديد فاكمل تشغيل الفيديو الي اخره وسط ذهولها وعدم تصديقها لذلك العڼف والجبروت وانعدامسوي واحدا من عناصر كثيره وصور وجدهم بالفلاشه الخاصه بحمدي التي اخذها من فيلا عبدالله دون علمه .. والشئ الذي لم يعلمه الجميع ان تلك الفيديوهات والصور كانت سببا رئيسيا كلفته حياته حيث دفع حمدي عمره باكمله وهو ېقتل بتلك الۏحشيه .. حين حاول انزال الستار عن مملكه ناجي الكافوري ورؤسائه...
مش هنكر طبعا .. واجهت صعوبات كتير جدا ومشاكل..
قالتها مرام الي عبدالله داخل النادي الرياضي وهم يشربون القهوه بعد تناولهم للطعام . وهو يستمع اليها فتابعت من بدايه دراستي وتفوقي كانو دايما بيبصولي بصات غريبه .. منهم اللي كان سعيد وبيحفزني ومنهم اللي كان بيبصلي بعنصريه اللي هو ازاي واحده مسلمه محجبه زيك تبقي هي اعلي مننا كلنا .. يمكن كل ما كنت بوصل اكتر كنت بلاقي ناس اكتر بتهاجمني وناس تانيه بتدافع عني .. وزي ما لقيت دول ودول .. لقيت برضه ناس تانيه خالص بتفكر بتخلف ومرض وان عشان ظروفي يعني واحده حلوه ومطلقه ولوحدها ملهاش سند فتبقي صيده سهله ويلا اللي عايز يقدم عروض .. انت عارف الناس دي بتفكر ازاي !!
احس عبدالله بضيق شديد وبالتحديد حين ذكرت انها ليس لها من تحتمي به فقال في حنق طبعا فاهم .. وعملتي ايه !!
اشاحت نظرها بعيدا وهي تبتسم في مراره اكيد طبعا كان لازم اعدي كل ده
ولا كأن في حاجه .. سبت اللي بينتقد واللي بيشجع يخبطو في بعض وكملت انا .. كان لازم اكمل عشان انجح واحقق حلمي ..
سألها في اهتمام وبعدين !!
اكملت وبعدين اتخرجت واتعينت .. وطبعا بالرغم من ان المجمعات اللي بيبنيها لي ناجي كانت بتقلقني ومش بتطمن لاهتمامه الزايد ده بيا او بمعني تاني مش حابه اهتمامه بيا .. لكن .. كنت ببقي سعيده اوي لما يجيلي حد مريض وبعد ما فقد الامل في شفائه ومحتاج لي وبفضل ربنا بقدر اني ارجعه تاني للحياه .. متتخيلش كانت فرحتي وقتها بتبقي عامله ازاي وانا شايفاه بيدعيلي هو او اهله .. انت حاسس !!
ابتسم بفخر وهو يمسك بيدها طبعا .. طول عمرك بتدواي يا مرام .. عمرك في يوم ما اذيتي حد... وتستاهلي لقب ملكه وطبيبه القلوب عن جداره
ابتسمت في خجل واكملت وهي تحاول اخفاء خجلها بس .. وبعدها كنت بتقبل بقه الحاجات اللي كان بيعملها ناجي بس عشان ده كان مفيد للناس .. لكن انا طبعا حطيت نفسي في اخر خانه واضطريت استحمل .. وبعد خمس سنين كنت في الأردن مع الاولاد بعد ما اقنعوني طبعا استقر فيها
نظر اليها في فضول وتسائل مين ادم وتمارا دول !!
نظرت اليه في توتر فابتسمت ابتسامه مصطنعه دول اطفال انا اتبنيتهم
اتسعت عيناه في دهشه اتبنتيهم !!
قالت في توتر حاولت اخفائه بالهدوء ايوه .. امهم كانت حامل في تمارا في التاسع .. عملت حاډثه هي وجوزها وادم كان لسه بيتعلم المشي لانه كان عنده سنه وقتها فكان بيجري بعيد عنهم وده كان من نصيبه انه ميموتش معاهم .. انقذو البنت واتولدت بس مقدروش للاسف ينقذو امهم .. كانو هيسلموهم لدار ايتام لكن انا بصراحه مقدرتش اقاوم لما شفتهم وقلت هيبقي نصيبهم من نصيبي هيعيشو معايا وابقي انا مامتهم وبالفعل اتكفلت بكل حاجه واخدتهم
نظر اليها في دهشه قائلا مش عارف ازاي عملتي كده !! .. كان المفروض تسلميهم لدار ايتام
انتفضت بسرعه مفاجأه مستحيل طبعا
تعجب من رده فعلها تلك واخذ يحاول ان يستنتج لما تعصبت هكذا فسالها طيب هما عمرهم قد ايه !!
خفق قلبها حين شعرت انه سيعرف الحقيقه ولكنها تصنعت اللامبالاه الشديده وهي تقول تمارا عندها خمس سنين تقريبا
ردد عبدالله طب وادم !!
اجابته في برود مصطنع يعني .. ممكن يكون
6 سنين
فأسرعت وهي تحول وجهة الحديث يعني تقريبا كده ادم يبقي في نفس عمر ابنك ولا بنتك اللي كانت رحاب حامل فيه قبل ما امشي... الا صحيح مراتك وأبنك عاملين ايه!
قالت جملتها وهي تنظر اليه نظره ذات مغزي فهمه جيدا ..
تغيرت ملامح عبدالله وظهر علي وجهه التأثر الشديد فأشاح بوجهه جانبا فقال بصوت خاڤت انا معنديش اولاد يا مرام
صعقټ من رده هذا ولم تستوعب ما قاله فرددت في حيره ودهشه نعم !! .. ازااي !! .. والكلام اللي والدتك قالتهولي يوم ما جاتلي الفيلا بان رحاب مراتك وحامل في ابنك .. ده معناه ايه !!
اخذ يشتد علي سيجارته وهو يقول پألم ظهر عليه وهو يتذكر ما حدث بأبنه عمه في اليوم ده تحديدا .. ريحاب واللي في بطنها ماټو .. حتي من قبل ما ييجي علي الدنيا
اتسع فم مرام في دهشه وعدم تصديق وشعرت بالحزن والألم والاسي علي حالتها حتي وان لم تراها من قبل .. هذه التي ظنت انها سړقت زوجها وتركت البلاد لها ظنا منها ان عبدالله فضلها عليها .. ظلت تنظر اليه في صډمه وهو يتابع بتأثر الحاډثه اللي حصلت لها وماټت فيها كانت اهم سبب خلاني مروحلكيش وارجعك تاني .. تقريبا كده ده كان عقاپ ليا علي اللي عملته معاكي
هبطت دمعه متمرده من عيونها وهي تتابعه في تأثر فاطبقت علي يديه ورددت بصوت خاڤت عبده انت بتقول ايه !! .. انا بجد اسفه والله .. انا مكنتش اعرف
ابتسم ابتسامه باهته وهو يربت علي يدها الممسكه بيده عارف يا مرام .. عارف انك متعرفيش .. ما برضه زي ما انتي حصلك حاجات كتير انا كمان مريت بحاجات كتير متعرفهاش
اخذت تربت علي يديه في حنو وشفقه ولكن يجتاح عقلها حيره شديده ..
اخبرها للتو ان زوجته توفت وبنفس اليوم الذي زارتها والدته به .. فلما طلقها بتلك السهوله !!!! .. لما لم يذهب خلفها ويحضرها للعيش معه واكمال حياتهم ما دام فقد زوجته وابنه .. والسؤال الاكبر بكل ذلك .. اين كان طوال السبع سنوات الماضيه !!!
قاطع تفكيرها اتصال من اولفت فنظرت الي عبدالله قائله دي طنط اولفت
انتبه لها عبدالله وقال في اهتمام .. ردي وافتحي السبيكر
نفذت ما قاله لها واجابتها
صباح الخير يا طنط..
صباح النور يا عيون طنط .. عامله اي دلوقت يا دكتوره
الحمدلله كويسه وانتي عامله ايه !!
لا انا زعلانه منك خالص يا رمرومه .. بقي كده
تسيبي بيتك وتروحي بيت ايمان صحبتك !! كل ده عشان اللي عمله ناجي !!.. طيب ليه مرجعتيش ليا !! .. ولا انا مليش خاطر عندك !!
تعجبت مرام من ذكرها ﻷمر منزل ايمان فاولفت تعلم جيدا انها بمنزل عبدالله او بمنزلهم القديم فنظرت الي عبدالله في شك لتجده يحثها علي مجاراتها في الحديث وبالفعل اكملت
معلش يا
طنط انتي غاليه عندي طبعا .. بس اللي عمله ناجي ميتسكتش عليه...
معاكي حق يا رمرومه .. وعشان كده احنا هنجيلك كمان شويه عشان
جايين فين يا طنط !!
عند بيت ايمان صحبتك !! مش انتي هناك !!
نظرت الي عبدالله مره اخري فاومأ لها بالاستمرار فاكملت
ايوه طنط .. تشرفي في اي وقت اما نشوف اخرتها مع ناجي بيه !!
اخرتها هتبقي خير علينا
