قصة جديدة بقلم إيمان حجازي
فعلا قال كده .. بس برضه أولفت متعرفش كل اسرار ناجي ويمكن يكون بيخطط لحاجه تانيه ومش عايزها تعرف وقالها كده عشان ميعرفهاش هو بيخطط لأيه بعد اسبوع
مش عارفه بقه يا ادهم الله اعلم .. هو انا هشوف مرام امته
لسه مش دلوقت يا يمني .. لما كل اللي حوليها ده ينتهي .. مش مستعد اخاطر بيكي
يمني بحزن طيب يا حبييي .. انت رجعتلهم الولد
ادهم ايوه عبدالله اتصل بيا وقالي ارجع لهم الولاد ..
لم تزيد يمني اكثر من ذلك بعد ما رأت حالته تلك بينما هو جلس مهموما خائڤا وعقله مازال يستحضر كل ما حدث ...
فتحت عينيها بوهن وضعف شديد لتعود الي حياتها مره اخري بعد عده محاولات متواصله منذ يومين لا تدري اهي مازالت علي قيد الحياه ام بعالم اخر بعيدا عن الدنيا .. شعرت بصداع اجتاحها فجأه واخذت تغمض عينيها وتفتحها الي ان انتشلها ذلك الصوت ..
حمدالله علي سلامتك يا حبيبتي .. كده تعملي فيا كده
ابتسمت داليدا بضعف حين ادركت هويه ذلك الصوت واشاحت بوجهها ناحيته حين شعرت بيديه التي يدها .. ردد يوسف بعشق وحشتيني قوي يا حبيبتي .. متتخيليش حالتي كانت عامله ازاي وانا شايفك بين الحياه والمۏت .. كنت بمۏت كل ثانيه انتي بعيده عني فيها ..
نطقت داليدا بضعف مرام .. كويسه
يوسف اه يا حبيبتي كويسه وكانت بتيجي تزورك علي طول وهي اللي عملت لك العمليه كمان
داليدا وانت .. مش لابس ليه لبس المستشفي
لاطف يوسف وجهها قائلا بعشق عشان انا حاليا مش دكتور
.. انا مرافق المړيض .. حضرتك من يوم ما جيتي هنا وانا مسبتكيش غير لما بروح اكل او اغير هدومي .. حتي النوم بنامه هنا جنبك ..
هبطت دموعها علي الرغم منها ف فهم هو مقصدها و بټعيطي ليه .. مش انا قلت قبل كده انك اغلي حاجه عندي واني عمري ما هسيبك .. واني ابوكي واخوكي وامك وصاحبك وحبيبك وحياتك كلها .. ولا انتي مش عارفه انا بحبك قد ايه
.. يوسف قائلا والله كل حاجه هتتحل طول ما انا جنبك .. اعرفي اني عمري ما هسيبك ابدا حتي لو هيبقي اخر يوم في عمري مش هتخلي عنك
داليدا بنحيب انا خاېفه قوي يا يوسف .. انا
مش هقدر اعيش من غيرك .. مش هقدر ابعد عنك تاني ..
يوسف مش عايز اسمع كلمه خوف دي .. قلت لك انا اقدر احميكي من اي حد
داليدا انا خاېفه عليك انت لو جرالك حاجه مش هسامح نفسي .. والله اموت نفسي لو بعدت عني
يوسف قائلا في حده وعتاب معقوله مش واثقه فيا .. قلت لك انا هتجوزك واحميكي من اي حد يتعرضلك .. انتي ليه مش عايزه تفهمي اني بحبك ومستحيل اخلي حد يمسك ..
داليدا
يا يوسف ....
يوسف پغضب اسكتي بقه .. اسكتي .. انا مش عارف اعملك ايه اكتر من كده .. انتي اكتر حاجه تاعباني في حياتي وواخدت تفكيري وعقلي .. اتفضلي انتي قوليلي ايه اللي يريحك .. عندك حل ايه دلوقت وانا اعمله
داليدا پبكاء وهي تشهق .. خلاص .. اذا انا .. تاعباك .. قوي كده .. سيبني .. وشوف حياتك .. وانا ....
امسكت بكتفيه قائله في بكاء وخوف انا مش عارفه انا كمان .. انا نفسي افضل معاك طول عمري .. مش عايزه اخسرك ولا حد يفرقنا .. نفسي اجيب منك ولاد ونكون عيله كبيره .. نفسي متسبنيش
يوسف بحراره اهدي يا حبيبتي .. مټخافيش ..انا عمري ما هسيبك يا دودتي ابدا
لكزته داليدا بخفه قائله دودتك تاني .. مش كنا بطلنا الاسم ده
اعادها يوسف كي تنظر الي وجهه مشاكسا واحلي دوده في عالم الحشرات كله
ضحكت داليدا علي الرغم منها وهي تنظر اليه بعشق .. ثم رددت بهمس .. يوسف ..
يوسف بهيام روح قلب يوسف ..
داليدا بحبك ..
قائلا بحب وانا بعشقك يا واجعه قلبي ..
ظلت بين ذراعيه لمده دقائق حتي نطقت فجأه انا عايزه ادخل الاسلام يا يوسف ..
خالو عبدالله وصل ..
سمعت الحاجه هدي هذه الجمله وهي جالسه علي سجاده الصلاه بعدةان ختمت صلاتها خفق قلبها بقوه وهي تسمع ترحيب الجميع به بالاسفل وسلامهم له .. حاولت النهوض ولكن لم تسعفها قدميها مش شده اضطراب مشاعرها غير مصدقه انها ستأخذه الي مره اخري .... بعد محاولات عديده بين استجماع شجاعتها ودموعها التي انهمرت وقلبها الذي بات يرتجف .. نهضت علي قدميها واخذت تتقدم بخطوات ضعيفه اثر المړض .. حتي وجدته يفتح باب غرفتها ويقف امامها وخلفه جميع اهل المنزل ..
عبدالله .. ابني حبيبي
خرج الكلام من قلب والدته قبل صوتها وهي تنخرط پبكاء شديد ولم تحملها قدماها اكثر من ذلك ففقدت توازنها وكادت ان تسقط ارضا فألتقطها عبدالله مسرعا مربتا عليه والدموع تتغلغل بعينيه قائلا متبكيش يا امي .. انا معاكي
وجنبك ومش
هسيبك ..
والدته پبكاء وحشتني يا عبدالله .. وحشتني قوي يا حته من قلبي .. حقك عليا يا حبيب امك ..سامحني يا ضنايا
عبدالله وهو يشتد من أزرها لااا يا امي متقوليش كده ..
والدته بحرقه قلب منها لله اللي بعدتك عني .. ربنا يحرقها وينتقم من.........
قاطعها عبدالله بحزم لااا يا امي لااا ..بلاش تدعي عليها .. انا خبيت عليكم الحقيقه عشان تفتكروها بالخير وتدعولها .. انا معملتش كده عشان تكرهوها وتدعو عليها .. دي مهما كانت بنت عمي ووصيته ليا قبل ما ېموت .. ادعيلها يا امي عشان خاطري .. انا رجعتلك ومعاكي وهعوضك عن اي حاجه .. لكن هي عايزه اللي يدعيلها
والدته بحزن وقهر يا ابني .. مش قادره اسامحها بعد اللي عملته .. قلبي مش مطاوعني اني ظلمتك بسببها .. مش قادره يا ابني مش قادره
عبدالله حاولي عشان خاطري انا تسامحيها .. افتكري لها الحلو وبس .. افتكري انها كانت بنت الراجل اللي فتح لنا بابه يوم ما الدنيا كلها قفلته في وشنا ... وغلاوتي عندك يا امي .. ولا انا مش غالي عندك
والدته حاضر يا نور عيني .. دا انت اغلي حاجه عندي .. دا انا روحي رجعتلي يا عبدالله لما رجعتلي .. كنت خاېفه اموت من غير اشوفك ..سامحني يا ابني
عبدالله متقوليش يا امي الكلام ده بعد الشړ عليكي .. انا لسه محتاجلك جنبي .. وعمري ما اقدر استغني عنك .. وحشتيني قوي يا امي
ظل بحراره لبعض الوقت في مشهد اثر علي الجميع وهم ينظرون اليهم .. رفعت الحاجه هدي رأسها الي اعلي لتراها واقفه بجوار ابنتها رشا .. تركت عبدالله بهدوء وهي تنظر اليها في حزن وندم ثم مدت يدها اليها قائله تعالي .. تعالي يا غاليه يا مرات الغالي
رددت الحاجه هدي سامحيني يا بنتي انتي كمان .. انا ظلمتك وفرقت بينك وبين ابني .. مكنتش اقصد يا بنتي سامحيني كنت عاميه
اوغرقت
عيناها بالدموع وهي تنظر اليها في حنان واشفاق بعد ان تغلبت طيبه قلبها علي ڠضبها منها .. انا مليش حد في الدنيا غير عبدالله وانتي امه .. حبي لعبدالله يشفعلك اي حاجه عملتيها معايا ! .. ونفسي تعتبريني بنتك وتحبيني زي ولادك ياريت تسمحيلي ..
نظرت اليها في امتنان وحب انتي كمان بتستأذني ..
احاطتها بذراعيها مره اخري وهي تضمها بحنان قائله انتي متعرفيش غلاوه عبدالله عندي دونا عن ولادي دول كلهم او هو بالنسبه لي ايه .. ودلوقتي غلاوتك عندي بقت من غلاوته وانتي بنتي التانيه
تدخلت رشا قائله في مزاح بقه كده يا امي وربنا اعيط .. شكلك هتحبيها اكتر مني
الحاجه هدي واكتر من الدنيا كلها .. دي مرات الغالي
نظرت والدته الي مرام وتأملتها جيدا بينما كانت مرام
تطالعها بخجل شديد من نظرتها تلك ثم قالت أول مره اخد بالي انك بالجمال ده .. بسم الله ما شاء الله تبارك الخلاق فيما خلق
ازداد خجل مرام ونظرت للأسفل في حين لكزت عبدالله قائله ليك حق يا عبدالله متسبهاش .. ابن الحسيني بحق
وحقيقي ..وعرفت تختار
اتسعت ابتسامه عبدالله وهو ينظر لمرام بحب .. في حين قالت رشا لا ومش اي حد كمان يا حاجه هدي .. دي تبقي اشهر جراحه قلب في الوطن العربي علي سن ورمح
تهللت اسارير الحاجه هدي بفخر واعجاب وهي تنظر لمرام بينما اكملت رشا فاكره اما كنتي بتقولي ابني مش هياخد غير زينه البنات .. اهو جابهالك اهوه
نظر عبدالله اليها في اعجاب وهو يقول في ثقه وزهو طبعا وهو ابنك يختار اي حد ولا ايه
دام ذلك الترحيب لوقت طويل وكل منهم يبث
اولفت فلوسك دي هترجعلك اضعاف مضاعفه يا ناجي .. وتعوضك .. مش ناوي بقه تحن عليا وتحررني من الديون دي
ناجي لا لسه مش ناوي يا اولفت .. انتي اللي عملتيه في نفسك ..
اولفت يا ناجي ....
قاطعها ناجي وهو يشير اليها بالصمت حين وجد اتصالا بأسم خليفه احد اطباء التشريح الذي زرعهم لتنفيذ مهماته ....
ايوه يا خليفه .. بتكلمني ليه
ناجي بيه .. في مصېبه حصلت لازم تيجي فورا دلوقت ..
مصېبه ايه
تعالي يا باشا شوف بنفسك ..
اغلق ناجي الهاتف وتناول معطفه ومفاتيح سيارته واسرع يقودها الي الصرح الطبي الخاص بمرام ..
بعد ربع ساعه وصل ناجي الي مقصده وما ان هبط حتي رحب به افراد الامن ولكنه لم يلقي بالا لهم واسرع يعدو الي الطابق الخامس .. رأه خليفه فأتجه اليه مسرعا كويس انك جيت يا ناجي بيه ..
كان ناجي يري الصرح مزدحما بشده واناسا غريبه ترتدي ملابس معينه تجوب بالمكان .. سأله ناجي بلهفه وقلق في ايه .. ومين الناس دي
قبل ان يجيبه خليفه اتنبها لصوت يأتي من الخلف اهلا يا ناجي بيه .. معاك مساعد وزير الصحه .. واللي حضرتك شايفهم دول يبقو دكاتره ومتخصيين .. وجايين هنا دوريه عامه نتطمن علي الاجهزه والمعدات وكمان الحالات الصحيه ازاي بيتم التعامل معاها ..
ناجي وهو يحاول التماسك وانت متعرفش الصرح ده بتاع مين
الرجل لا طبعا عارف .. بس مفيش حد فوق القانون واي حاجه بتحصل لازم يبقي عليها رقابه .. واحنا بنقوم بشغلنا مش اكتر
ناجي وحضرتك هتاخد وقت قد ايه وانت بتفتشنا
الرجل العفو يا ناجي بيه .. زي ما قلت لحضرتك ده شغلنا مش تفتيش خالص .. اما الوقت فا زي ما انت شايف الصرح كبير والحالات كتيره ومش هناخد اقل من يومين علي ما يخلص ..
استدار ناجي بجسده من امام ذلك الرجل بعد ان تمكن الڠضب بكل ذره به .. اتجه ناجي الي احد المكاتب بذلك الطابق وخلفه الطبيب خليفه الي ان رأه يجلس علي المكتب حتي اغلق الباب خلفه
واوصده ..
اهدي يا ناجي بيه عشان محدش يشك فينا
وجه خليفه ذلك الكلام الي ناجي وهو يحاول تهدئته ..ردد ناجي پغضب مستنكرا وهيشكوا في ايييييييييييه .. هو احنا لسه عملنا حااااااجه ..
خليفه وفيها ايه بس لو معرفناش الاسبوع ده .. المړضي هنا اكتر من الفين مريض وفي ازدياد .. يعني اللي مقدرناش نعمله النهارده هيتعمل الاسبوع الجاي .. لسه الايام جايه كتير .. استنينا ده كل مش هنقدر نستني كام يوم كمان
ناجي انا خليتها اشهر وأكبر جراحه عشان تعفينا من الرقابه دي .. الموضوع فيه حاجه غلط .. مش عارف ايه هيه بس مستحيل تكون الرقابه دي جايه صدفه او شغلها زي ما بيقول
خليفه
يعني حضرتك تفتكر ان في حد عارف احنا بنعمل ايه وعشان كده بلغ ..
جالت بعقل ناجي صوره عبدالله وهو يشك به .. فلما لا وهو كان السبب في خړاب كل مخططاته وكأنه خرج له من الچحيم ..
وعلي الناحيه الاخري كان ادهم يستمع له ضاحكا وهو يقول اكيد ناجي بيفكر في عبدالله ...
ثم اخرج هاتفه وقام بالاتصال بأحد ما ..
ها يا وليد .. اي الاخبار عندك
كله تمام يا ادهم باشا .. ناجي دخل من شويه علي مكتب وهو كان هيولع .. ووراه الدكتور خليفه عمال يهديه ..
منذ ليله الامس وهو لم يغادر منزله وكذلك عمله الذي كان يعطيه كل وقته لم يكترث له ..لأول مره بحياته يبكي وهو يشعر بمثل ذلك الشعور .. اهانه والده بشده وطرده من منزله ..
علي الرغم من ان والدته فعلت ذلك من قبل ولكنه لم يشعر بالوحده والقهر مثل ما فعل والده .. كان دوما صديقه ورفيقه .. هو اول ما اعترف له بحبه لأيمان وانه يريد ان يتزوجها .. اول من فهم مشاعره وكان دوما بجواره يسانده .. لم يتناول طعام منذ يوم كامل .. كان يستعيد اللحظات الماضيه في كل وقت وصوره ايمان ترتسم امامه وهي تبكي .. لا يدري اكانت تبكي علي ما يحدث له بسببها ام علي ذلك الذي طرده من منزلهم قبل ان تتم خطبتها له .. ولكن كان طيفا بداخله يحدثه انها كانت تبكي لأجله هو شعر بها وبحبها بل عشقها له .. شعر بسعادتها حين اخبرها انه لم يرتدي اي خاتم خطبه لأي واحده بل ظل محتفظا بخاتمها هي .. شعر بتأثرها اثر ملامسته ليدها وغيرتها عليه حين تمت خطبته علي غيرها .. لا يريد فقدها هي الاخري بعد ان فقد اهله . يريد الاعتذار منها اكثر والتمسك بها .. اشتاق لها بشده واراد فقط سماع صوتها .. تناول هاتفه بقلب مترقب لسماع صوتها .. وقبل ان يقوم بالاتصال بها حتي سمع رنين جرس منزله .. ترك هاتفه وذهب مسرعا كي يري من ذلك الذي يأتيه الي هذا المنزل ..
ايمان بأبتسام ويا تري قد ايه انت بتحبني ..
عمر صدقيني مش عارف قد ايه انا بحبك .. كل ما اجيب حاجه كبيره واقارن حبي ليكي بيها الاقيها صغيره
قوي قدام اللي في قلبي ليكي .. مش لاقي حاجه توصف الحب ده !
نظرت له بأبتسامه خافته .. وهو يقول مسامحاني يا ايمان
ايمان بضيق ولوم عمي خليل ليه حق يقول عليك غبي .. وانا ايه اللي هيجيبني لحد هنا من ورا عمي الا اذا كنت يعني ....
عمر اذا كنتي ايه .. وبعدين ليه جايه من ورا عمك
ايمان بتأفف لأن هو قالي امبارح لو عايزاه روحيله بس مترجعيش البيت ده تاني .. عشان كده اضطريت اجيلك من وراه
عمر وانتي عايزاني ..
كسا وجهها الحمره الشديده مصطحبه بالخجل والتلعثم هو .. يعني.. انا ..
قاطعها عمر وهو يمسك بيدهاايمان .. بتحبيني
شعر عمر بتوترها فابتعد عنها ولكن نظره مازال مثبتا عليها قائلا بعدت اهوه ... قوليلي عايزه تقوليلي ايه
ايمان وهي تبتلع ريقها هو .. انت لسه عايز تتجوزني
عمر بابتسامه هو انتي بجد بتسألي .. بس برضه ده يرجع لك انتي ..
ايمان بعدم فهم يرجعلي انا ازاي
عمر يعني لما انتي توافقي واسمعها منك
ايمان بتلعثم عمر .. بطل رخامه بقه .. انت عارف
عمر وهو يلعب علي اوتار حبها عارف ايه .. انا عمري ما سمعت منك حاجه .. ولا قولتيلي حاجه
ايمان بضيق وارتباك وهي تشعر بحصاره لها
ايوه .. بس .. انت عارف يا عمر الاجابه لسؤالك ده .. ف بطل بقه حركاتك دي
جذبها عمر من يديها اليه قائلا حركات ايه .. انا بسألك انتي موافقه
اغمضت ايمان عينيها وهي لا تريد ان تنظر لعينيه التي تسحرها وتفقدها عقلها .. فضغط علي يديها برفق كي تنظر اليه قائلا قلتي ايه
فتحت عينيها مره واحده هي تنظر اليه بانتفاضه قائله بحبك ..
ضحك عمر دفعه واحده وهو ينظر لوجهها الذي كان يشع احمرارا من شده الخجل والتلعثم فتركت يده پغضب وابتعدت قائلهانت بتطبق اللي اتعلمته في شغلك عليا عشان اعترف!!! علي فكره انت رخم .. وانا غلطانه اصلا اني جيتلك هنا عشان حسيت بيك .. انا ماشيه
امسكت بحقيبتها وكادت ان تخرج من المنزل الي ان امسك بها بيديه قائلا انا اسف والله .. حقك عليا .. قوليلي عايزه ايه وانا اعملهولك
ايمان وهي تستدير اليه
عايزاك تصالح ابوك وامك وتطلبني منهم زي اي بنت ..
عمر بخبث طيب ووقتها هتوافقي ..
تعلم انه يستفزها فأرادت استفزازه هي الاخري قائله لا وقتها بقه ابقي افكر .. اذا كنت مناسب ليا ولا لأ
عمر هاهاها .. دمك تقيل علي فكره
ايمان مش اتقل من دمك .. انا قلت لك شرطي .. يلا انا ماشيه ..
عمر استني يا قمر هوصلك وانفذلك شرطك
ايمان بفرحه بجد يا عمر
عمر بجد يا فرحه عمر...
كانت مرام تتجول بحديقه ذلك القصر الريفي الخاص بأهل عبدالله حتي وقعت عينيها علي شئ تكسوه الاغطيه والاتربه فزاد فضولها حوله اسرعت اليه تزيل تلك الاغطيه لينكشف لها دراجه ناريه موتسيكل غايه في الروعه ..
بتعمل ايه يا جميل
التفتت خلفها لتري عبدالله هو من وجه لها ذلك السؤال فابتسمت له سائله عبده ..
عبدالله انا كنت شاريه لحمدي الله يرحمه .. وانا برضه اللي علمته السواقه عليه .. وتقريبا كده محدش استخدمه بعده
ضحك عبدالله واتجه الي الداخل قائلا استنيني لحظه واحده وراجع
بعد دقيقه عاد اليها وبيده مفاتيح
.. عدل من وضع الدراجه وركب عليها قائلا لها اركبي يلااا
مرام
بدهشه شديده اركب فين
عبدالله هحقق لك اللي نفسك فيه .. يلا بدل ما احققه انا لوحدي
قهقهت مرام وقلبها كاد ان يرقص فرحا وبسرعه شديده صعدت خلفه علي الدراجه .. فقال لهاامسكي فيا
عبدالله وهو ينطلق بالدراجه مفاجأه .. مكاني السري
وصلا بعض وقت ليس بالكبير الي مكان لا يوجد به بشړ ويحفه الجبال من كل جانب .. علي الرغم من سكونه ولكنه يبدو روعه في الجمال .. اخذت مرام تنظر حولها وهي تتأمله قائله بأعجاب واااااو .. انتو في عندكم مكان زي ده
عبدالله وهو يمسك بيدها قائلا هو انتي لسه شفتي حاجه .. تعالي ورايا ..
اخذا يتمشيان قليلا داخل تلك الجبال الي ان استمعت مرام الي صوت ضوضاء عاليه تبدو كتلاطم امواج البحر والتي بالفعل رأتها أمامها .. قال عبدالله بعد ان وصلا الي الشاطئ اي رأيك في مكاني السري
كان المكان خاليا من البشر تماما مع اقتراب غروب الشمس والجبال من الاطراف اعطي للمكان طبيعه خلابه .. اخذت تتأمله بفرحه عارمه وهي تقول بحد ده سحر .. ازاي مفيش حد بييجي هنا .. اوعي تقول ان محدش يعرف المكان ده
عبدالله بضحك ههههههه لا مش للدرجه دي .. كل الحكايه زي ما انتي شايفه اولا احنا في الشتا يعني مفيش حد بينزل البحر في الوقت ده.. ثانيا انتي شفتي ان احنا في الريف وهنا الناس معندوهمش الانفتاح اللي بيبقي في المدينه .. كل واحد بيكون قافل علي بيته وحريمه وبيعتبرو البحر والمصيف ده قله ادب
مرام ههههههههههه ايه الناس الصعبه دي .. تعرف انا بعشق البحر
عبدالله قائلا .. ما انا عارف ..
مرام بلوم والحاح .. عبده !!
عبدالله روح قلب عبده ...
عشان خاطر عينيك ..
ابيع الدنيا دي ...
معاك حسيت كأن العمر لسه بيبتدي ...
الاغنيه بالفيديو وهما علي البحر فوق شوفوه..
بقلم إيمووو
استيقظ دومي من نومه اخيرا فتح عينيه ليجد نفسه بغرفه غرييه غير القصر او اي مكان كان به من قبل .. نهض من علي فراشه ببطئ وبحث بعينيه ليجد باب الغرفه .. اتجه اليه وفتحه بحثا عن والدته او اي احد يعرفه في هذا المكان .. ما ان خرج من غرفته حتي استمع الي صوت احد يتلو قرانا من الغرفه المجاوره والتي لم تكن سوي الحاجه هدي ..
دلف اليها وردد بصوت خاڤت ناعس انتي مين ...انا فين .. وفين ماما ..
صدقت الحاجه هدي واغلقت المصحف الذي بيديها ورفعت بوجهها اليه لتري ما لم تكن تتوقعه علي الاطلاق حتي ظنت انها تحلم ....
الفصل الثالث والعشرون
الجزء الثاني
حلقه 23
اكثر ما يرهقني هو اعتقادهم بمدي سذاجتي لو يعلمون لأستعاذو دهرا..
بعد حلول الليل وكساء عتمته علي الاجواء وصل عبدالله الي القصر الخاص بأهله وخلفه مرام علي تلك الدراجه الناريه .. وما ان هبطت من عليها حتي اطلقت تنهيده قائله هييييييييح .. يوم عمري ما هنساه ..
قام عبدالله بركن الدراجه بعد ان اعادها لموضعها مره ثانيه وهو يجيبها وبعد كده كل اللي نفسك فيه .. تشاوري بس عليه وانا عيوني ليكي يا قمر
اشاحت وجهها لأسفل في حياء بينما هو أمسك بيديها وهو يقترب منها هامسا بأذنها تعالي يلا نشوف الحاجه هدي الاول وبعد كده في موضوع لسه مخلصش بيننا ومأجلينه من زمان .. وبصراحه كده كتير بقه .. انتي عارفاني دقيق جدا ومبحبش التأجيل
لم تجيبه مرام من شده خجلها وتركته مسرعة الي أعلي ..وما ان رأها تجري امامه حتي لحق بها .. كانت تنوي التوجه الي غرفه الاولاد للأطمئنان عليهم ولكنها لم تكد تصل الي غرفتهم حتي وجدت باب غرفه الحاجه هدي مفتوحا علي مصراعيه وبداخله الحاجه هدي وهي
وشوق وحنان كبير ..
هوي قلبها بين قديما وهي تري ذلك المشهد الذي جمع بين الحفيد والجده في اولفه وشوق وأدركت ان ما اخفته طوال تلك السنوات سواء بقصد او غير قصد قد انفضح امره اﻷن .. كانت تقف كالتمثال امام باب الغرفه الي ان لحق بها عبدالله وهو يلهث حتي اصدر صوتا سمعته الحاجه هدي ولم تنتبه اليهم لشده تعلقها بالطفل ولكن دومي رأهم فضحك اليهم قائلا ماما وبابا رجعوا ....
هدي اكثر وهي تنظر لعبدالله ومرام في عتاب ولوم كبير والدموع تترقرق من عينيها بقه كده يا عبدالله .. تخبي عليا يا ابني ان عندك ابن طول السنين اللي فاتت دي .. تحرمني من اني اشوف حفيدي البكر وانا من زمان نفسي فيه .. الله يسامحك انت ومراتك ..
كاد عبدالله ان يدلف الي والدته ويشرح لها سوء
التفاهم ذلك وان هذا الطفل ليس بولده في حين اسرع اليه عبدالله الصغير الذي كان يجلس ايضا يجوار جدته والغيره تملأ قلبه من حب جدته لذلك الدومي .. هتف عبدالله وهو يتمسك بقدم خاله قائلا خالو .. خالو.. تعالي علمني
كاراتيه زي دومي يا خالو .. هو عمال يغيظني ويقولي بابا بيعلمني كاراتيه ومصارعه وسباحه انا عايز اتعلم زيه يا خالو ..
نهض ادم من بين جدته صائحا لااا ده صاحبي وبابايا انا وبيعلمني انا عشان ابقي زي حراس القوه ولما اكبر احرس مامي زيه .. خلي باباك انت يعلمك
عبدالله الصغير بابايا مش عنده عضلات ومش بيعرف زي خالو .. وخالو هو اللي هيعلمني .. مش كده يا خالو
دومي لااا مش كده .. هو بيعلمني انا لوحدي انت لااا .. ملكش دعوه
صاح عبدالله بهم قائلا خلاص انت وهو .. هعلمكم انتو الاتنين بس تبقو خوات وصحاب وتعتذرو لبعض وتحبو بعض .. ولو ده محصلش مش هعلم ولا واحد فيكم واخبطو دماغكم في الحيط
نظر دومي وعبدالله الي بعضهم البعض في اسف ثم اعتذرا وقبلا بعضهما كما امرهم عبدالله .. اردف عبدالله قائلا حلو .. دلوقتي انتو هتنامو عشان احنا بالليل وبكره الصبح علي طول انا هدربكم .. ﻷن دلوقت عايزه اتكلم مع تيتا شويه
كانت مرام تشعر بوتيره انفاسها علي وشك الانقطاع حول اخبار والدته الحقيقه والتي حتما ستكذبها .. سيتحقق الذي كانت تخافه منذ ان رأي عبدالله دومي لأول مره ولم يعرفه .. انقذها الاطفال من تفكيرها وخۏفها بصياحهم لعبدالله ..
دومي لاااا يا بابا دلوقتي عشان خاطري يا بابا ..
عبدالله يا خالو لأ بكره الصبح عندي حضانه ماما مش هتخليني استني .. خليها دلوقتي يا خالو والنبي
أمسك عبدالله ودومي كل واحد منهم بأيد عبدالله وهم يسحبونه للخارج في ترجي واصرار .. نظر عبدالله لمرام نظره اخبرها بها ان تخبر والدته الحقيقه كي لا تفهم الامور بشئ خاطئ بينما هو سيذهب مع الاولاد ..
اتسعت عينا الحاجه هدي غير مصدقه ما تسمعه قائله يعني ايه ميعرفش .. ابني انا مبعرفش ان ده ابنه .. امال بينادي ليه بابا ليه
مرام بأرتباك شديد وهي تقترب من الحاجه هدي وتكاد دموعها تنفلت قائله والله ڠصب عني يا ماما اني مقولتلوش .. انا لما سافرت المانيا من سبع سنين وعبدالله قالي انه طلقني وقتها كنت حامل وانا اصلا معرفتش غير لما سافرت .. احتفظت بالحمل والجنين جوايا مع كل الضغط اللي كنت فيه وهما عايزيني انزله عشان انتبه لدراستي ومستقبلي .. بس انا رفضت ومستحيل كنت اعمل كده .. حتي لو عبدالله سابني وطلقني .. ربنا عوضني بحاجه منه جوايا عشان منساهوش ويهون عليا ايام المر اللي شفتها ..
الحاجه هدي بتأثر واستنكار وبعدين ... كملي
مرام لما اتقابلت انا وعبدالله تاني هنا في مصر .. كانت مفاجأه بالنسبه لي اني اشوفه بعد كل الوقت كده تاني .. وواحده واحده حكيتله كل حاجه مريت بيها .. الا موضوع ادم مقلتلهوش انه ابنه .. وقلت اني اتبنيه هو وتمارا
الحاجه هدي مين تمارا دي
مرام دي مش بنتي بس اتبنيتها وانا في المانيا لما اهلها ماټو .. فكرتني بنفسي لما اهلي كلهم ماټو وسابوني لوحدي .. بس كنت مع عبدالله عشان كده محستش باليتم .. ومرضيتش اسيب البنت لوحدها .. فأخدتها ..
الحاجه هدي في لوم بس انتي غلطانه يا مرام .. ازاي تحكي لعبدالله كل حاجه وتكدبي عليه
يا بنتي حته منه...
رددت مرام في ضيق يا ماما افهميني .. عبدالله سابني سبع سنين بعد ما طلقني .. كنت مفكره انه مدايق مني من حاجه عشان فضل شهر من غير
ما يدور عليا ولا يعرف انا فين .. لكن اتفاجئ انه باعتلي رساله وبيقولي انه طلقني .. وسابني سبع سنين اتعذب فيهم لوحدي .. وعايزاني بالسهوله دي
اول ما اشوفه اقوله تعالي يا حبيبي نرجع تاني وخد ابنك اهوه .. مش قادره اسامحه يا ماما في حته انه اتخلي عني من غير مبرر .. دا انا عشت ايام وليالي اسأل نفسي انا غلطت في ايه عشان يرميني كده وميسألش عليا .. ايام وليالي اعاتب نفسي فيهم وانا فاكره اني غلطت في حقه لحد ما كنت هتجنن .. مستحيل يا امي .. عايزاني اقوله علي ابنه ياخده مني ويرجع يسيبني ويرميني سبع سنين تاني...
سألتها الحاجه هدي في شك انتي بتقولي ايه! عبدالله ابني انا يأذيكي ولا يرميكي..! ده مفيش اطيب ولا أحن من قلبه!!.. هو.. هو انتي يا بنتي معندكيش خبر هو كان فين السبع سنين دول!
مرام نافيه في قهر ما هو ده اللي هيجنني طريقته معايا زمان وطريقته دلوقت بتقولي إن عبدالله مفيش اتنين منه في الدنيا.. حنانه ورجولته وأخلاقه.. وحبه ليا انا شايفاه متغيرش.. لكن للأسف يا امي.. السبع سنين دول عاملين حاجز جوايا مش قادره أتخطاه .. سألته كتير قوي وهو مش راضي يقولي .. لحد ما خلاص اقتنعت ان هو مبيحبنيش وبيحب بنت عمه اللي
اتجوزها وحامل منه .. ومبقاش عايزني في حياته
بدون قصد منها انفلتت ضحكه من بين شفتيها والتي ادهشت مرام وسألت في تعجب هو انتي بتضحكي علي ايه يا ماما
الحاجه هدي وهي تربت علي يدها بضحك علي تفكيرك يا بنتي .. اصل عبدالله عمره ما في واحده حبها ولا كان بتاع بنات .. يعني انتي الوحيده اللي ډخلتي قلبه وعقله وعششتي فيهم ولا حب بعدك ولا كان مع غيرك ..
حتي مراته اللي بتقولي عليها دي هو اتجوزها علي ورق بس في ظروف صعبه وكان ڠصب عنه عشان بينفذ وصيه ..
تشبثت في ذراعها راجيه اياها والدموع تنفلت من مقلتيها في ترجي طب بما انه هو بيحبني كده .. ليه يا ماما بعد عني .. ليه مفكرش ...
قاطعتها الحاجه هدي يا بنتي كان ڠصب عنه .. عبدالله كان بيمر بظروف ربنا وحده اللي يعلم بيها .. طب اقولك حاجه يمكن تريحك .. انا كمان مشفتهوش خلال السبع سنين دول واتحرمت منه زيك بالظبط .. لكن مش هقدر اقولك صدقيني انا عارفه دماغ ابني واذا هو مخبي عليكي الحته دي يبقي مش عايزك تعرفي .. وهو اكيد هيقولك بعدين..
وقف عمر وكذلك ايمان بجواره امام والديه في احترام وخشوع قائلا حقك عليا يا والدي انا غلطت في حقك
والده بأستنكار انت مغلطتش في حقي انا .. انت غلطت في حق بنت عمك ..
عمر وهو يركع امامه ويقبل يده وهي علي راسي من فوق وسامحتني .. ارضي عني انت كمان ..
نظر الحاج خليل الي ايمان فاومأت له برأسها ايجابيا فابتسم لها ثم اتجه الي ولده واخذه في اياه في حب واشتياق ..
تركه واتجه الي والدته ايضا ولم يلبث ان ينطق بحرف واحد حتي جذبته والدته الي صدرها وهي تذرف دموعها في شوق ولهفه وهو يقبل يدها هي الاخري ...
وبعد ان سامحه كل من والدته وايضا والدته وتريثا قليلا قال عمر في جديه وهو ينظر الي ايمان حيث كده بقه يا بابا .. انا بطلب ايد ايمان بنت اخوك من حضرتك ..
نظر الحاج خليل الي ايمان التي كانت تخفض وجهها في خجل شديد وقال برضه الرأي رأيها لو موافقه انا موافق .. لو مش موافقه براحتها وانا مش موافق .. قلتي ايه يا ايمان
ايمان بحياء يا عمي اكيد محتاجه وقت افكر واصلي استخاره الاول ....
قاطعها عمر پحده نعععععم يا اختي .. تفكري دا ايه
ايمان پحده مماثله
اه طبعا هفكر ولا انا مش زي اي بنت ولا ايه .. وبعدين اشوف ازا كنت لسه بتشك فيا ولا لا ..
عمر پغضب وانتي لسه متعرفيش .. لا دا انتي شكلك بتهزري معايا بقه .. عن اذنك لما تبقي تاخدي قرارك ابقي بلغيني
تركهم وغادر المنزل في ثوره عارمه والنيران ټضرب بصدره ..
ولما انتي يا بنتي لسه محتاجه وقت تفكري .. ليه بتعشميه وتجيبيه وانتي عارفه ان هو جاي علي اساس انك موافقه
وجهت الحاجه مديحه ذلك السؤال في لوم وعتاب الي ايمان التي كانت الدموع تراقص عينيها والله يا عمتو مكنش قصدي انا بس كنت بعاند معاه مكنتش متخيله انه هيتعصب كده .. وبعدين ده حقي فعلا حتي لو موافقه عليه وبحبه .. انا لسه مش ناسيه انه شك فيا وكنت بس عايزه اعرفه غلطه مش اكتر .. ده جواز يا عمتو .. افرض بعد الجواز شافني بتكلم مع واحد.. دماغه هتروح شمال علي طول وهيفكر ان في بيننا حاجه وممكن يكون ده سبب خناقنا علي طول دا اذا مطلقنيش .. انا بحبه يا عمتو بس خاېفه .. ومش عارفه
اعمل ايه
هبطت العبرات منها عنوه حنان في حين نطق الحاج خليل انتي غلطانه يا بنتي .. كان لازم تاخدي قرارك الاول .. وياريت متستنيش اكتر من كده وكلميه علي طول وضحيله سوء التفاهم اللي حصل لأنك لو سبتيه هيفكر فعلا انك لسه بتفكري ومش مقتنعه بيه وده ممكن يخليه هو اللي يرفض ... والا مكنتيش جبتيه وخلتيه يتقدم لك .. هو غلط معاكي انا عارف لكن المفروض تكوني واخده قراراتك الاول وبعدين تنفذيها لو كنتي محتاجه وقت كنتي خديه قبل ما تروحي وتتكلمي معاه... مينفعش تعشمي حد بحاجه وبعدين تاخديها منه تاني .. كده بتكسري قلبه وخصوصا انه بيحبك وشافك الايد اللي اتمد له لما احنا بعدنا عنه .. ولو علي الخۏف .. الغي عقلك ده تماما وامشي ورا قلبك وتأكدي انه مش
هيضلك ..
تركت ايمان زوجه عمها واومأت لهم بالايجاب ثم غادرت الي غرفتها وهي تنوي السير خلف قلبها وتترك له العنان كما اخبرها عمها ..
حرام... حرام عليكم كلكم عشان مش راضيين تقولولي..!
قالت ذلك مرام في الحاح وحيره الي الحاجه هدي الذي قالت مطمئنه يا بنتي انا متأكده انه هيقولك ..
الله اعلم هو ليه مخبي عليكي .. بس انا اهوه بطمنك وبقولك انه كان ڠصب عنه وان لا عمره فكر ولا حب ولا شاف واحده غيرك ... واظن كده كتيير بقه ولازم تصارحيه بموضوع ابنه .. حرام عليكي انتي أنه يبقي عنده ولد وميعرفوش...
مرام في ضيق وحيره هو انتي مفكره اني محاولتش .. كتير والله فكرت اقوله بس يا اما صدفه تحصل أي حاجه وتمنعني .. يا اما انا اللي أتراجع في أخر لحظه وانا خاېفه
سألتها في دهشه تتراجعي ليه وخاېفه من ايه يا بنتي
اوغرقت عيناها بالدموع قائله في حزن خاېفه من عبدالله أوي.. مش متوقعه هيعمل ايه لو عرف .. انا يمكن كنت في الاول بعاقبه عشان سابني لكن دلوقت بعد ما بقيت شبه متأكده منه انه سابني فعلا ڠصب عنه وقد ايه هو بيحبني ووعدني انه مش هيسيبني تاني .. وانتي كمان بتقولي انه عمره ما حب حد غيري ولا لمس غيري .. خاېفه لما يعرف اني خبيت عليه ابنه بعد ما بقت العلاقه بينهم جامده قوي كده وهو بيحبه كل الحب ده وكذلك ادم بيعشقه وبيعتبره مثله الاعلي وانا مفهماه انه يتيم... عارفه. يعني ايه ابنه مفكر أن هو يتيم... دا مش بعيد لو عرف يطلقني بجد وياخد الولد مني ويسيبني تاني.. خاېفه يسيبني وانا ما صدقت لقيته
أومأت الحاجه هدي برأسها متفهمه في تنهيد ايوه يا بنتي .. انا فاهماكي .. ده ابني وانا عارفه أنه مستحيل يتقبل الصدمه دي وتعدي مرور الكرام...
مرام ماما .. هو انتي عرفتي انه ابن عبدالله عشان دومي بيقول علينا بابا وماما ولا هو فيه شبه من
عبدالله وهو صغير
الحاجه هدي بأبتسامه شبهه .. لا يا بنتي مش شبهه خالص .. دا هو عبدالله نفسه .. انا أول ما لقيته قدامي فكرت نفسي بحلم او مش في الدنيا لحد ما لقيته بينطق ويتكلم .. وقتها مكنتش مصدقه نفسي لحد ما قالي انه ابنكم ..
مرام امال ليه عبدالله لما شافه معرفش انه ابنه .. هو يمكن حس بيه وكل شويه يقولي ان حاسس ان في حاجه غريبه تربطه بالولد وده اللي كان بيخليني عايزه اقوله انه ابنه..
الحاجه هدي بأبتسامه لو انتي قصدك علي الشكل فعبدالله ابني عمره ما كان هيعرف ان ده ابنه .. احنا يا بنتي ايام زمان كنا فقراء قوي واتبهدلنا من بلد لبلد .. مكناش بنتصورو كل دقيقه زي دلوقت .. وعبدالله كان مش شايف
