قصة جديدة بقلم إيمان حجازي
اهدأ يا عبدالله وان شاء الله ربنا هيطمنا عليها
اخفي وجهه يين كفيه في ألم وضعف قائلا انا السبب .. انا اللي ضړبتها ووصلتها للحاله دي .. انا جرحتها كتير وتعبتها معايا قوي وهي معملتش حاجه غير انها حبتني .. وبعد كل ده نزلت وسبتها لوحدها
امسك مسعد كتفيه بقوه متحملش نفسك ذنب مش ذنبك يا عبدالله .. احنا لسه اصلا منعرفش هي اللي عملت كده ولا.....
قطع مسعد كلامه فجأه عند فتح باب الغرفه الكبيره الخاصه بالعمليات وخروج الممرضات منها وهم يسحبن مرام علي السرير وهي غائبه عن الوعي كما كانت .. وكاد ان يذهب معها عبدالله الي ان رأي الطبيب يخرج ايضا فأسرع اليه طمني يا دكتور ارجوك..
قال الدكتور الحاله كانت خطيره جدا .. الاورده كلها اللي في بطن ايديها كانت اتقطعت وده ادي لڼزيف حاد .. احنا قدرنا ننقذها هي لكن ...
سأله مسعد في توتر لكن ايه !
نظر الطبيب اليهم جميعا مين فيكم اقرب حد ليها !
نظرو جميعا الي عبدالله الذي قال في حزم انا .. انا ابقي جوزها
الطبيب بجديه تمام .. ياريت تتفضل معايا لوحدك .. في حاجه لازم تعرفها
محاوله قتل!!!
نطق عبدالله تلك الكلمه في ذهول للطبيب بعد ان استمع اليه ققال الطبيب موضحا ايوه .. ده مش اڼتحار زي ما قلت .. هي دكتوره وعارفه ان قطع اورده ايد واحده ممكن يصفيها وېقتلها لكن دي قطعت الاتنين .. اولا مفيش حد هيقطع ايده وبعدين يمسك الايد المقطوعه ويقطع بيها الثانيه احنا بشړ
ودي قوه تحمل فوق طاقتنا منقدرش عليها .. ثانيا اتجاه القطع في الايدين واحد .. لو كانت هي اللي عملت كده كان في قطع منهم هيبقي يمين والتاني شمال ..
والحاجه اللي تأكد كلامي ده وموضع شك اكبر .. انها كانت مټخدره قبلها .. يعني اتخدرت وبعدين حد قطعلها اورده ايديها .. ودلوقتي احنا قدام چريمه ولازم ابلغ البوليس
كان عبدالله يستمع الي الطبيب في ضعف وذهول وعقله يحلل ما رأه بالغرفه .. لم يجد بجوار مرام الاداه التي قطعت بها يديها فأين هي ! .. في حين رأي بعض نقاط الډم امام باب الشرفه فكيف وصل الي هناك ! .. وحديث ايمان حين قالت انها رأت شبحا بالشرفه وسمعت صوت اغلاق بابها ! ..
كان الطبيب يراقب حركات عبدالله فقال انت شكلك تعبان ! ..
عبدالله بوهن وهو يحاول بقاء عينيه مفتوحه لا لا .. انا كويس .. انا كويس
هم عبدالله بالنهوض وما ان وقف علي قدميه حتي سقط ارضا واغلق بريق عينيه .. اسرع الطبيب واستدعي الممرضات كي يسعفوه وينقلوه الي غرفه اخري .. وفي الخارج ما ان رأي مسعد ومن معه الممرضات يدخلون حتي دب القلق بقلبه واسرع خلفهم .. حين رأي صديقه يحملونه علي الترولي فردد في قلق هو جراله ايه ! .. فقد وعيه صح !
الطبيب احنا هنعمله فحوصات و هنشوف دلوقت هو ماله ..
مسعد هو لسه متبرع باكتر من كيلو ډم مره واحده ومرضيش يشرب او ياكل حاجه بعدها .. مش مستاهله فحوصات
هنا ادرك الطبيب ان هو من تبرع پالدم الي تلك الحاله المرضيه فاخذه الي غرفه اخري وقام بعمل اللازم له واوصله بالمحاليل .
وسط سكون الليل الحالك في تلك الليله التي لم يظهر بها القمر بعد ان غطت الغيوم السماء واڼهارت السمات بالامطار الغزيره مع تلك العاصفه التي هبت معها لتقلب تلك الليله رأسا علي عقب الجميع وكأن السماء ټلعن الشړ الذي يكمن بداخلها وتخبرنا بأن تلك الليله لم تمر مرور الكرام...
تسلل ذلك الشخص الملثم الي غرفه الاطفال وبيده اداه مدببه دقيقه الحجم جدا به سن دقيق جدا ايضا .. اخذ يبحث بعينيه بين الثلاثه اطفال حتي وجد مقصده .. ذهب بأتجاه ذلك الطفل والشرر يتطاير بعينيه .. وضع تلك الاداه بين يديه وهو ينظر اليها بأبتسامه انتصار وشړ ثم غرسها دفعه واحده بقوه في كتفه واخرجها بعد ثانييه واحده فأصدر الطفل صوتا عاااا اهئ اهئ اهئ .. مااااماااا....
لم يكد يكمل جملته حتي انقطع صوته واغمضت عينيه مره اخري ..
وعلي الناحيه الاخري كانت مرام ټصارع الحياه تحت تلك الاجهزه الموصله بها فانتابتها حاله من الذعر فأخذت تنتفض بقوه وارتفعت ضربات قلبها بشده واخذت الاجهزه تصدر اصواتا اتي علي اثرها الاطباء والممرضين يعدون
مسرعين الي غرفتها ..
ما ان دلف الطبيب حتي وجد جسدها يعلو ويهبط في نوبات فصړخ بالممرضين هاتو الحقنه بسرعه ..
ناولتها له الممرضه
واعطاها له وهو يعدل من وضع الاجهزه عليها ويمرر بجهاز اخر علي قلبها حتي انتظمت ضرباته واستكانت ضلوعها وعادت مره اخري الي حالتها ...
وفي الخارج كان يقف مسعد بجوار زوجته التي كانت تبكي قائله عبدالله ومرام مره واحده !! .. هما الاتنين كل واحد فيهم في اوضه ! .. يارب اقف جنبهم يارب واشفيهم .. يارب رجعلهم تاني حياتهم واجمعهم مع بعض علي خير .. يارب .. يارب متحرمش حد فيهم من التاني
انكشف الغطاء الجلدي لبعض الاسلاك الكهربائيه بالشوارع فادت تلك الامطار مع العواصف الشديده الي ماس كهربائي وبعض الشرر الذي لم يلبث ان يشتعل حتي انقطعت
الكهرباء عن محول تلك المنطقه ..
هبط ذلك الملثم من علي سلم القصر ووقف بالردهه الكبيره في بهو القصر ينظر الي العواصف الشديده وسط الظلام والاصوات المرتفعه التي تحدثها .. تولدت بداخله حاله من الجنون لأول مره فأخذ يزيل تلك الملابس السوداء عن جسده ووجهه بأكمله لتنكشف هويته شيئا فشيئا حيث لم تكن سوي .. سمر ..
بدأت تصفق بيديها الاثنين بقوه وهي تقهقه بشده هههههههههه .. هههههههههه .. مراااااام ... وابنها .. ههههههههههه .. دومي كان بيعيط وبينادي عليها .. متزعلش يا حبيبي هتبقي انت وماما في قبر واحد عشان متخافش من الضلمه .. ههههههههه
فردت ذراعيها واسرعت الي منطقه يصل اليها المطر فوقف تحته قائله وهي تنظر الي السماء پجنون عبدالله هيبقي ليا .. ليا انا وبس .. اسفه يا حبيبي اني ضحكت عليك عشان ترجعني تاني معاك .. اسفه اني قټلت حبيبتك .. بس انا بحبك اكتر منها وهعوضك .. هعوضك وهجيب لك ولااااد كتير .. كتييير قوووي احسن من ابن مرام .. وهنعيييش مع بعض .. وهتنسي مرام دي نهائي وهتحبني انا
ارتفعت نبره صوتها لتصرخ اكتر ساااامعني !! .. هتحبني انا...انا قټلت مرااام .. انا اللي كنت بعملها السم عشان ټموت بالبطئ .. عشان تتعذب في كل ثانيه .. بس انت انقذتها .. ليييييييييييييييه !! .. ليه مش حاسس بحبي ليك!! .. هي مش احسن مني .. كانت لاااازم تموووت .. انا اللي قټلتها عشان ټموت مره واحده .. ايووووه انااا ..
وظلت تصرخ علي ذلك القبيل وتلك الحاله الچنونيه .. لم يسمعها الحراس بالخارج حيث كانت تغطي العاصفه علي صوتها فأندمجت معها ...
وبعد بضعه ساعات .. هدأت العاصفه الشديده وهدأت معها سمر من تلك النوبه التي ارتابتها فسمعت رنين هاتفها .. التقطته بهدوء وهي تجيب..
اي الاخبار عندك !
كله تمام .. مرام دلوقت اقرالها الفاتحه ..
والولد !
خلاص هو كمان .. بقه مع امه في الجنه ..
في صباح اليوم التالي اشرقت الشمس بأشعتها الذهبيه لتمحي اثار تلك الليله الحزينه والعاصفه .. فتح عبدالله عينيه فوجد نفسه مستلقي علي سرير طبي وييده ابره طبيه .. نظر بجواره فوجد مسعد ينظر اليه قائلا حمدالله علي السلامه يا عم .. علي طول تاعبنا معاك ومبتسمعش الكلام
عبدالله بعد ان تذكر ما حدث قال بلهفه مرااام ! .. هي كويسه !
مسعد هي تخطت مرحله الخطړ بس لسه مفاقتش .. متقلقش هتبقي كويسه
عبدالله وهو يحاول النهوض انا لازم اشوفها
مسعد مسرعا اييييييييه استني انت رايح فين دلوقت .. لسه ده اخر محلول خلاص دقيقتين وهيخلص .. وبعدين الدكاتره مش بيسمحو لحد يشوفها الا لما تفوق ..بس والله كويسه متقلقش
ظل عبدالله مكانه دون الرد عليه واغمض عينيه وهو يستعيد كلمات الطبيب فقطعه مسعد مازحا بقه يا نمس تطلع مراتك طول الفتره دي وانت مخبي علينا !
عبدالله بهدوء هي اللي حطيتني في الوضع ده
مسعد بلوم يا عبدالله انت غلطت .. وعلي الاساس ده هي اتصرفت وعاندت .. لكن انا بصراحه عمري ما تخيلت انها توصل للاڼتحار .. انت لازم تصلح الموقف يا عبدالله وتنقذ اللي بينكم وكفايه اوي لحد كده
اغمض عبدالله عينيه في الم وتأثر مرام منتحرتش يا مسعد .. مرام كان في حد عايز ېقتلها .. انا
في البيت
مسعد پصدمه وذهول نعم ! .. مين ده !
عبدالله انا عارف هو مين ! .. بس لما اتأكد من حاجه الاول ومفيش حد هيجاوبني غير ادهم
مسعد ادهم !! ..انا مش فاهم حاجه ..
عبدالله مش مهم دلوقت .. الولاد فين !
مسعد الولاد في القصر من امبارح وعشان كده بعتت زهره من شويه تروح تشوفهم وتفضل معاهم
عبدالله بلوم وانت سايبهم من امبارح لوحدهم !!
مسعد أولا الحراس في القصر .. ثانيا هما كانو نايمين واحنا كلنا جينا علي هنا مخضوضين علي مرام ومركزناش .. متقلقش
وفي ذلك الوقت وصلت زهره الي القصر حتي وجدت سمر تتناول فنجانا
من القهوه وما ان وقف امامها حتي بدي علي سمر التوتر والارتباك قائله زهره ! .. انتي ايه اللي جابك ! .. مش المفروض
تكونو مع مرام .. هي عامله ايه ! .. ماټت صح!
زهره بتعجب واستنكار بعد الشړ عليها مالك كده الملافظ سعد .. وبعدين الناس تقول صباح الخير الاول .. ثم ان انتي كنتي فين امبارح بالليل !
سمر بارتباك شديد كنت في اوضتي باخد شاور ولما .. لما طلعت ملقتش حد .. وحاولت اعرف من الحرس بس هما مرضيوش يتكلمو معايا وبعدها الدنيا مطرت جامد ومعرفتش اخرج من القصر
زهره بشك امممم ماشي يا سمر .. الولاد لسه مصحيوش !
سمر بتوتر معرفش انا مشفتش حد ولا سمعت صوتهم
اومأت لها زهره وصعدت الي غرفه الاطفال .. في حين تناولت سمر هاتفها في توتر وهي تفكر بالامر .. اتخبره ام تنتظر قليلا ولكنها كانت خائفه بشده من اخباره الحقيقه وانها لم تمت ..
بعد فتره ليست بالكبيره وجدت زهره تهبط الي الاسفل وبيدها الثلاثه اطفال قائله يلا يا حبايبي انتو التلاته اقعدو في الجنينه لحد ما اعملكم الفطار
دومي هي مامي فين يا طنط واونكل!
زهره مامي تعبانه شويه يا حبيبي وبتكشف عند الدكتور واونكل معاها .. متقلقش عليها كمان شويه هترجع
اومأ لها الطفل وذهب مع نور وتمارا الي الحديقه كما امرتهم زهره .. في حين الجمت الصدمه عقل سمر وتملكت الدهشه عينيها وفكرها وهي تنظر اليه مازال علي قيد الحياه ..
سممممممر !! .. بقالي ساعه بكلمك .. هتفطري مع الولاد !!
قالت تلك الجمله زهره وهي تراها بتلك الحاله .. لم تجيبها سمر واسرعت الي الاعلي وهي تحاول تهدئه روعها ونبضات قلبها ..اغلقت الباب وتناولت الهاتف وقامت بالاتصال بناجي
الولد مماتش يا ناجي بيه ..
نعم ! .. انتي بتهزري ولا ايه دا انا اوديكي في داهيه..
والله انا اديتله الحقنه بنفسي والسايل دخل جوه جسمه انا متأكده..
لاااااا يا حلوه انتي مفكراني هصدق ولا ايه .. انتي شكلك بتحوري عليا ونهايتك هتبقي علي ايدي .. ويا تري اي اخبار مرام !
والله ما بكدب عليك .. انا مش عارفه ده حصل ازاي ! ومرام .. مرام برضه مماتتش .. اكيد عبدالله قدر يلحقها
عبدالله .. عبدالله .. عبدالله .. كل مره مفيش غير عبدالله ...
والله انا نفذت المطلوب مني بالحرف .. بس مش عارفه في ايه غلط!
يبقي اكيد عبدالله كاشفك يا سمر وبوظ خططتك .. ابعدي عن القصر ده نهائي دلوقت لحد ما انا اقولك .. ارجعي المكان السري بتاعك .. علي الاقل محدش هيعرف يوصلك لحد ما انا اصلح اللي انتي هببتيه ده .. اتحركي بأسرع
وقت لان عبدالله لو شافك هيقتلك
اسرعت سمر تضب بعض الاغراض الهامه لها
بعد ان اغلقت الهاتف وقلبها تصل دقاته الي خارج من الړعب والذعر التي امتلكاها .. حملت حقيبتها بتوتر بالغ واسرعت من الغرفه وهبطت الي الاسفل فأصتدمت بزهره التي قالت مش تحاسبي يا بنتي .. مالك متصربعه علي ايه !
سمر بتوتر مفيش .. بس نسيت حاجات مهمه ليا في بيتي ورايحه اجيبها
تركتها زهره فغادرت سمر القصر مسرعه وكانها ټصارع الزمن ...
عمر ! .. شغلي الجي بي اس علي موبايل سمر بسرعه
قال ذلك ادهم الي عمر بعد ان استمعو لمكالمه ناجي معها فأومأ له عمر بالايجاب واسرع ينفذ ما امره به ..
دلف اللواء احمد السيوفي الي مكتب المقدم ادهم فهب ادهم واقفا احتراما له .. اشار له اللواء احمد بان يجلس مره اخري وانضم اليه يستمع الي ناجي وحديثه مع اولفت..
في نفس الاثناء كانت اولفت تصب كأسا من الخمر وتناوله لناجي قائله مش فاهمه يا ناجي .. انت ليه بتعمل معاها كده دي بتساعدنا ..
ناجي وهو يتجرع كأسا من الخمر ههههههه لا طبعا .. سمر دي بتساعدنا بس لمجرد انها تخلص من مرام واللي يخصها عشان يخلالها الجو مع عبدالله .. لو عرفت ان انا ناوي اقتل عبدالله بس بعد ما احړق قلبه علي عيلته مش هترضي تساعدنا تاني ومش بعيد تقلب الطراييزه علينا .. خليها كده دلوقت خاېفه .. كده احسن
اولفت طب ومرام ! .. لسه برضه مماتتش!
ناجي وهو يكتز علي اسنانه مراااام .. عبدالله مره تانيه لحقها .. بس حلو .. بيلعب معايا وانا بحب اللعب اوي .. يبقي دلوقت نستخدم الخطه البديله لحد ما نشوف طريقه تانيه غير سمر نقتلها بيها
اولفت بفضول واي هي الخطه دي !
عرض لها ناجي مقطع فيديو صغير وبدأ بتشغيله قائلا متحمس اوي اني اشوف رد فعل عبدالله بعد ما يشوف الفيديو ده وهيواجه الاعلام ازاي بعد ما يبقي علي كل مواقع السوشيال ميديا
أولفت بانتصار هههههههههه يا ابن الايه ! .. عملتها ازاي دي !! ..
ناجي بفخر انتي ناسيه انتي بتكلمي مين ولا ايه
!
اولفت وده هيحصل امته !
ناجي دلوقتي حالا حبايبنا هيقومو بالواجب.. وكلها ساعتين ولا تلاته والدنيا تتقلب عشان لما اروحلها المستشفي يبقي انا اللي معايا الحق ومحدش
يوقفني
اولفت بأعجاب لا برافو عليك بجد .. طب برضه مقلتليش .. الولد انت عملت فيه ايه واي الحقنه اللي سمر ادتهاله دي !
ناجي بمكر لا بلاش اقولك احسن .. عايزك تستني بس اسبوع وانتي هتشوفي بنفسك مفعولها ..
ضړب ادهم مكتبه بقبضه يده من الغيظ فقال له اللواء احمد الامور مبتتحلش بالعصبيه يا ادهم مش انا اللي هعرفك
ادهم عارف يا فندم .. عارف .. دلوقت عبدالله شكله فعلا مش هيقدر عليه بعد ما ملأ ايده من الموضوع وخصوصا انه يخص سمعه مرام .. وانا مش هقدر اتدخل حضرتك عارف ..
اللواء احمد يبقي انا اللي هتدخل ..
بعد مرور ثلاث ساعات كانت ايمان مازالت تنتظر مع عبدالله ومسعد خارج غرفه مرام الي ان شعرت بالملل فقررت تصفح بعض مواقع السوشيال ميديا قليلا .. ما ان قامت بتشغيل بيانات الهاتف حتي صدع الهاتف بأشعارات كثيره فأخذت تتخطاهم جميعا الي ان لفت انتباها اشعارا مختلف نشر منذ ثلاث ساعات فقط .. ما ان قامت بتشغيله حتي
فغر فاها بشده واخذت تنظر اليه بذهول كبير غير مصدقه ..
مالك يا ايمان !
وجه عبدالله ذلك السؤال لايمان بعد ان راها بتلك الصدمه بينما نظرت هي اليه ولم تدري بما تجيبه فنطق الحق يا استاذ عبدالله .. مصېبه
وقبل ان يجيبها عبدالله ويري الي ما تشير حتي نطق مسعد مذهولا وهو يشير الي اخر الممر الحق يا عبدالله شوف مين جاي
نظر عبدالله حيث اشار مسعد فوجد ناجي وخلفه الحارسين الخاصين وشخصين اخرين يحملام كاميرا بيديهم وقادمين بأتجاههم فتوجه اليه عبدالله ووقف امامه قائلا انت ايه اللي جابك ! .. مش قلت ملكش دعوه بيها ولا انت مبتفهمش بالزوق وبحب الضړب !
ناجي متصنعا البراءه الله يسامحك .. انا جاي اشوف خطيبتي حصلها ايه وافضل جنبها لحد ما تفوق عشان نكتب الكتاب بعد ما تبقي كويسه علي طول
اندفع عبدالله تجاهه وهو يمسكه من سترته قائلا پغضب انت برضه لسه بتقول خطيبتك .. انت مبتفهمش شكلك كده !
ناجي بأستلام شايفين يا جماعه بيعمل فيا ايه ! .. ولسه كمان معاليها جوه مسيطر عليها ومش راضي يديها حريتها ومعيشها بسجن ازاي ! .. صوروه عشان يتفضح والكل يعرف حقيقته يلا اتفضلو
ضربه عبدالله لكمه علي وجهه قائلا اعلي ما في خيلك اركبه .. وابقي وريني هتعمل ايه !
استوقفته ايمان صاړخه استني يا استاذ عبدالله شوف الاول الفيديو ده !!
تركه عبدالله وهو ينظر الي هاتف ايمان ويشاهد ذلك المقطع مذهولا بينما ضحك ناجي في انتصار عرفت بقه انا اقدر اعمل ايه !
ارتفع صوت صارم من خلفهم قائلا ويا تري هتقدر تعمل ايه تاني يا ناجي !
الټفت ناجي خلفه بسرعه ليجد اللواء احمد السيوفي الذي يعرفه حق المعرفه وهو ينظر له بنظره
نطق اللواء احمد انت ازاي جاتلك الجرأه انك تهدد الناس بتاعتي يا ناجي !
قال ناجي في ارتباك وهو يبلع ريقه هما ! .. الناس دي تبعك يا سياده اللواء !
اللواء شفت بقه المفاجأه .. انت عارفني ان مفيش في قاموسي بند الټهديد .. يعني قدامك ساعتين بالظبط والعفريت اللي حضرته تصرفه .. انت عارف انا قصدي ايه ! .. هما ساعتين بس يا ناجي لو ملقتش كل حاجه اختفت هنخفيها احنا بطريقتنا ومش محتاج اقولك طبعا انك هتتخفي معاهم ..
ناجي بشجاعه ظاهريه يا باشا هو اللي محتجز خطيبتي عنده ومش راضي يديها حريتها زي ما حضرتك شفت في الفيديو .. اكيد حضرتك شفتها وهي بتقولي اتجوزني وانا فعلا كنت ناوي اتجوزها وكتب الكتاب كان هيبقي امبارح لكن هو اللي منعني وضړبني ومنعها هي كمان بالقوه والله اعلم هي هنا في المستشفي بتعمل ايه او بسبب مين ..
قاطعه اللواء احمد مرام لا عمرها كانت ولا هتكون خطيبتك يا ناجي ومن غير الهري بتاعك اللي ملوش لازمه ده نهائي .. مبكررش كلامي هما ساعتين انت عارف كويس هتعمل فيهم ايه وياريت تتفضل بسرعه عشان تلحق الوقت اللي باقيلك قبل ما الساعتين يخلصو .. لأن زي ما انت شايف احنا اسره مع بعضينا وانت ملكش مكان هنا
نظر ناجي الي عبدالله بتوعد وقبل ان يهم بالخروج استوقفه اللواء احمد وذهب بأتجاهه وقام بأخراج هارد الكاميرات التي بين ايدي الصحفيين اللذين
كانو معه وقام بتكسيره الي قطع صغيره امام اعينيهم .. ولم يجرو اي منهم علي ان ينطق حرفا واحدا ....
انا متشكر لحضرتك يا سياده اللواء .. انا حاسس اني شفت حضرتك قبل كده
!
وجه عبدالله تلك الجمله الي اللواء احمد الذي ربت علي كتفه بود قائلا ايوه عارف يا عبدالله زي ما انا برضه عارفك كويس وبعتبرك زي ابني .. انا
كنت صديق اللواء جلال الله يرحمه بس وقتها كنت لسه عميد وبرضه سيف ابنه الله يرحمه برضه كان جوز بنتي اسراء
لم يستوعب عقله تلك الجمله وكأنه لم يسمعها جيدا فقال انت قصدك سيف اللي ماټ ! .. ولا اللواء جلال!
قال اللواء بحزن للأسف الاتنين يا عبدالله !
عبدالله پصدمه شديده سيف ماټ ! .. طب ازاي !
اللواء ماټ زي ما اي بطل من ابطالنا بېموت .. كان في عمليه وملحقناش ننقذه واسټشهد من سنتين
وهنا توضحت الامور اكثر امام اعين عبدالله ليكتشف انه كان يمضي ويبحث خلف سراب يدعي سيف .. بالطبع لم يصدق حرفا واحدا مما نطقته سمر اليه وكان فقط ينتظر الوقت المناسب لمهاجمتها وكشف سر مجيئها اليه الحقيقي والذي كاد ان يصل اليه .. تمتم في صډمه ادهم .. ادهم بيلعب بيا تاني ..
اغمض عينيه في مراره شديده بينما ردد اللواء احمد هستأذن انا يا عبدالله لاني كنت جاي مع اسراء بنتي بنكشف علي ابنها
اومأ له عبدالله بأحترام فتركه وغادر بينما أمسك عبدالله رأسه بيديه وهو يشعر بالالم الشديد .. كل الخيوط تتقطع من بين يديه مره اخري .. شعر انه بدوامه كبيره لا يدري متي سيخرج منها ..
زهره بتقول ان في صحفيين كتير واعلاميين عند القصر والحراس مانعيمهم
قال ذلك مسعد لعبدالله بعد ان انهي اتصاله مع زهره فنظر اليه عبدالله قائلا اتصل علي زهره دلوقت بسرعه
نظر اليه مسعد مصډوما في ايه يا ابني !
عبدالله بعصبيه انجزززز يا مسعد مش لسه هتسأل
قام مسعد بالاتصال بها مره اخري فأخد منه الهاتف عبدالله بقوه الي ان اجابت..
ايوه يا حبيبي !
زهره .. سمر لسه عندك !
عبدالله !! .. لا هي مشيت..
مشيت امته وراحت فين !!
معرفش يا عبدالله هي كانت بتقول كلام غريب كده ومكنتش علي بعضها وشكلها كان خاېف من حاجه وكانت معاها شنطه كده ومشيت
وازاي تسبيها تمشي !
وانا مالي بيها يا عبدالله .. ما تغور في داهيه
اغلق عبدالله الهاتف دون اكمال الحديث معها من شده الضيق والالم ..
اخرج هاتفه من جيبه وقام بالاتصال بأدهم الذي اجابه
ايوه يا عبدالله..
انت بتعمل معايا كده ليه ! .. هو ده شغلك صح ! .. اخويا اټقتل .. ومرام جوه بين الحيا والمۏت .. واوعي تكون فاكرني يا ادهم غبي ومش عارف انك تعرف ومراقب كل خطوه ليا او للي حواليا..
عارف يا عبدالله انك عارف .. لكن غلطتك انت انك سبت مرام لوحدها ومشيت في طريق غلط .. لو كنت جيت سألتني كنت هجاوبك..
والله ! .. كنت هتجاوبني صح ! .. وانا بقالي قد ايه بسألك علي اللي قتل حمدي وانت مش راضي تجاوبني ..
عشان حمدي مش القضيه دلوقت .. قلت لك حمدي بعد مرام واي حاجه متعلقه بقضيه مرام لو هتساعدك هجاوبك عليها بس انت اللي مجيتش
قصر الكلام يا ادهم .. اجيلك ! .. ولا
تجيلي !
انا اللي هجيلك يا عبدالله بس اما اخلص اللي ورايا لاني مضغوط جدا في الشغل الفتره دي .. وكمان عشان اطمن علي الدكتوره .. ووعد مني يا عم هجاوبك علي كل اللي عايز تعرفه .. ودلوقت ياريت تصالح البني ادمه اللي كانت ھتموت بسببك دي واطمن مفيش حاجه هتحصل وانا مأمنك كويس ..
انهي عبدالله الاتصال وقلبه كاد
ان ينفطر وهو يفكر .. هل كان سيفقدها حقا ! .. لا يريد ان يعرف جواب ذلك السؤال مطلقا لانه ليس لديه الطاقه لتحمل اجابته .. اطرق مفكرا في صمت والم لكل ما يحدث مره اخري وبين الحين والاخر تأتي بعقله صوره مرام وهي بين الحياه والمۏت فتأتي غصه مريره بقلبه وهو يعتصر من شده الالم .... اراد العوده الي تلك الطفله ذات السابعه عشر عام التي لم تعرف موطنا غيره .... اخذ يسترجع ذكريات الماضي مع حبيبته وهو يبتسم مع كل ذكري بينهم وبين اﻻحين والاخر يطمئن عليها ويسأل الطبيب متي ستستعيد وعيها ..
خرج الطبيب مره اخري من غرفتها فأسرع اليه عبدالله متلهفا هي عامله ايه دلوقت يا دكتور !
الطبيب بابتسامه هي بقت كويسه الحمدلله وحتي فاقت وفتحت عينيها وهننقلها دلوقت علي غرفه تانيه .. بس للأسف هي واخده مهدئ ورجعت تاني نامت .. بكره الصبح هتبقي كويسه وهتفوق
عبدالله بفرح طب الحمدلله يارب .. ينفع اشوفها !
الطبيب اه طبعا ينفع وتقدر تستني جنبها كمان بس لما ننقلها الاوضه التانيه
نقلها الممرضين الي غرفه اخري واطمئن عليها الجميع وغادر مسعد الي زوجته كي يطمئنها ويظل بجوارها وايضا ايمان كذلك غادرت بعد اتصالات كثيره من زوجه عمها ..
في صباح اليوم التالي فتحت مرام عينيها في وهن
لتري الممرضه تقف بجوارها تعلق لها محلولا اخر قائله حمدالله علي السلامه يا دكتوره
فتح عبدالله عينيه فوجدها مستيقظه فنظر اليها في لهفه مترددا ميمه !!!في حنان والدموع تغدق عينيه
هامسا حمدالله علي سلامتك يا روح قلبي
اغمضت عينيها وقالت في همس عايزه اشرب
اومأ لها رأسه قائلا حاضر يا حبيبتي
كانت الممرضه مشغوله بعمل المحلول فاشار لها بانه سيحضر لها الماء وما ان خرج لكي يحضر المياه حتي قالت لها الممرضه بأبتسامه مش قادره اقولك كانت حالته عامله ازاي من وقت ما جيتي .. بجد مشفتش حد بيحب مراته بالشكل ده ! .. ده اتبرع لك بكيلو ونص ډم وكان ھيموت فيها بس مكنش فارق معاه وكان عامل زي المچنون عشان ينقذك .. بجد ربنا يخليكم لبعض .. نادر لما حد بيلاقي حد يحبه كده
نظرت اليه مرام في تأثر وهي تتخيله يفعل ذلك من اجلها .. اتي عبدالله وبيده الماء فرفعت له الممرضه ظهر السرير فرقعها عبدالله واسند ظهرها وبدأت في تناولها للماء حتي ارتوت منها .. كان عبدالله ينظر لها واللهفه مرتسمه علي وجهه والدموع تترقرق بعينيه .. ناول عبدالله الكوب للمرضه التي ظلت تنظر اليهم في حب ثم غادرت ولم يشعر بها اي منهم اذ
كان كل منهما يبحر بعينيه في عيني الاخر وعندما انتبهت مرام الي ذلك اشاحت بوجهها بعيدا عنه فأمسك عبدالله بذقنها وهو يعيدها اليه راجيا في تأثر بووصيلي يا مرام ..
لم تستجيب له وظلت تنظر الي الناحيه الاخري وهبطت الدموع من عينيها ببطئ اتجه عبدالله الي الناحيه الاخري ودني منها وقبل خدها الذي صفعها عليه برقه وحنان قائلا قي همس حقك علي عيني يا مرام انا اسف .. سامحيني يا حبيبه قلبي والله العظيم كان ڠصب عني لما اتعصبت عليكي
لم يجد منها ردا ولم تنظر اليه فقال راجيا في تأثر شديد وصوت مخټنق ورحمه الدكتوره فيروز وحمدي
رددت وهي مشتاقه لكل كلمه حب وحنان منه عملت ايه !
عبدالله وهو بعينيه جننتيني ووقعتي قلبي .. مكنتش قادر ولا عايز افكر ان انا ممكن اخسرك ومشفكيش تاني .. تعرفي اني اتعلمت درس اكبر من تفكيري ده وهو ان كل حاجه تيجي في المقام التاني بعد حياتك ووجودك في حياتي .. اكتشفت اني مقدرش اعيش من غيرك يا مرام .. حياتي عمر ما هيبقي ليها طعم ولا لون من غير ميمتي ما تكون فيها ..
اخذت تبتسم مرام بشده وفرح وقلبها يتراقص من شده التأثر فقال لها بتضحكي ليه !
مرام اصل انا مش فارق معايا من اللي حصل ده كله غير اني رجعت شفتك تاني
عبدالله بضحك بتثبتيني انتي بالكلام ده هاه !
مرام بحب طول عمري بعرف اثبتك علي فكره
ضغط عبدالله علي يديها في حب وتأثر وحنا قائلا موافقه ترجعيلي تاني يا مرام ! .. وانا واوعدك اني هخليكي اسعد واحده في الدنيا ومش هزعلك تاني ابدا ولا هبعدك عني ولو لحظه واحده بعد كده !
ترقرقت الدموع في عينيها وشهقت مره واحده وهي قائله قلبي واجعني قوي يا عبدالله ومش قادره صدق كلامك ده
ربت علي رأسها في حنان ليه بس يا حبيبتي
همست مرام في دموع كل مره تقرب مني يحصل حاجه وتاخدك .. مبنلحقش نتقابل في طريق الا والقدر يبعدنا .. حاسه اني مش مكتوبلي افرح يا عبدالله
قبل رأسها بحب قائلا مټخافيش يا حبيبه قلبي .. طول ما انا جنبك مش هسمح لحاجه تفرقنا تاني ابدا دا انا ما صدقت لقيتك يا ميمه ..
ثم تغيرت نبرته الي المزاح قائلا وبعدين متهربيش يا حلوه مني وقوليلي .. موافقه ترجعي مراتي تاني ولا لا !
خفق قلبها بقوه ولكنها تصنعت الڠضب ولوت شفتها السفليه قائله موافقه بس لما تصلح غلطتك اللي عملتها معايا في القصر الاول
ابتسم عبدالله لها بعشق قائلا بس كده ! .. وانا تحت امر معاليكي يا فندم ! ده أنا ھموت واصلح غلطتي دي.. لحظه واحده
نهض عبدالله باتجاه باب الغرفه واوصده من الداخل فقالت مرام في ضحك
بتعمل ايه يا مچنون !
عبدالله وانا مين جنني غيرك يعني
جلس عبدالله بجوارها ونظر الي عينيها مبتسما في حب انا قررت انام معاكي في الاوضه هنا عشان اعرف احرسك كويس
كاد ان يسمع دقات قلبها المتلهفه لكل ذره به فاخفضت وجهها في خجل قائله عبده احنا في المستشفي
عبدالله قائلا في همس لا ما انا بس هصبر نفسي دلوقت والليله الكبيره لما نرجع بيتنا
ثم تذكر امر اخر قائلا في خبث بس بشرط ..
نظرت اليه في تساؤل واستفهام بيننما اكمل هو تقوليلي فين الفستان الوردي اللي كنتي لابساه يوم افتتاح الصرح
الفصل الواحد والعشرون
الجزء الثاني
حلقه 21
من اجمل ما قيل عن الاشتياق.. ساكن القلب كيف العقل ينساه اما البقيه فهي محاولات يائسه لننسي..
كانت تجلس بغرفتها
داخل ذلك القصر الريفي الذي يعد من اجمل البيوت بتلك المحافظه بل لم يضاهيه بيتا اخر في جماله وفخامته .. فتحت عيناها حين شعرت بحركته تجاهها و
بلهفه وشوق وضعف شديد قائله عبدالله .. انت جيت
امته يا حبيبي وحشتني قوي انت كمان .. تعالي .. تعالي في تيته يا عبده
مال عليها الطفل في حنو وبرائه واخذ يضمها بحب وحنان فنطقت وهي تسأله بضعف ولهفه ماما رشا فين ! ..
عبدالله الصغير ماما هتيجي مع بابا كمان شويه .. انا سبتهم وجيت عشان اشوفك وانام معاكي النهارده ... تيته ! .. هو انتي هتفضلي تعبانه كده مش هتروحي عند دكتور بقه وتكشفي
نظرت له پانكسار وضعف وكانها تحدثه .. ما ادراك يا صغيري ان دوائي لا يمكن ايجاده عند الطبيب .. فدوائي هو رؤيه فلذه كبدي الذي طالما احببته اكثر من اي شئ .. وانا ايضا الذي اضعته من بين يدي ولم اقدم له ما يستحقه .. ذهبت بخاطره الي الچحيم وام اكن بجانبه في الوقت الذي كان يحتاجني بشده فيه .. ظننت به السوء وحرمته من حناني وعطفي وكانه لم يكن ولدي يوما ما .. فرقت بينه وبين الوحيده التي عشقها من بين نساء العالم اجمع بدلا من ان أجعلها عروسا له ... شردت زوجته وطردتها من منزلها وكأنها ارتكبت جرما فادحا وهي ليست سوي فتاه اسعدت ولدي واحبته وقدمت له كل ما بيديها .. متي اصبحت بكل هذا الجحود لأظن به السوء .. الست انا من ربيته علي الخصال الحميده ! .. اكنت بحاجه الي اسمع دليل برائته بأذني حتي اصدق انه برئ من ډمها !..
اخذت تتذكر ما حدث منذ اسبوع..
دلفت غاده الي حجره الحاجه هدي الزين وبيدها طفلتها رحاب التي لم تتخطي الاربع سنوات بعد ان سائت حالتها الصحيه ..
خالتي هدي !.. ازيك عامله دلوقت !
قالتها غاده وهي تتجه لتجلس بجوارها وتقبل يدها في قلق ..رددت الحاجه هدي بضعف نحمدوه يا بنتي علي كل حال .. انتي اللي عامله ايه يا غاده وليه مش بتيجي تشوفيني علي طول وتخليني املي عيني من رحاب بنتك .. دا انتي من ريحه الحبايب يا بنتي
امسكت غاده برحاب ابنتها وهي توجهها اليها قائله معلش يا خالتي والله لما عرفت انك تعبانه جيتلك جري انتي عارفه اني متجوزه في بلد تانيه وصعب عليا اني اروح واجي كل شويه .. بس حقك عليا خلاص انا هاجي علي طول اشوفك .. يلا يا رحوبه سلمي علي تيته وبوسي ايدها
اتجهت الفتاه تقبل يد جدتها الحاجه هدي بقوه ولهفه وهي تقول بدموع حاسه اني خلاص يا غاده .. وقتي جه ودي اخر ايامي .. هروح خلاص للحبايب اللي فارقوني .. بس مش عارفه .. مش عارفه هواجه الحاج عطيه ازاي لما يسألني علي بنته ! .. هقوله ايه ! .. اني مقدرتش احافظ عليها وسبتها لأبني اللي ضيعها !
كانت الكلمات تزعج غاده بشكل مبالغ به حتي لاحظت الحاجه هدي تأففها وهي تكشر وجهها في ضيق فقالت غاده انا لحد دلوقت يا خالتي مش عارفه ازاي لسه
مصممه ان عبدالله اللي قتل رحاب ! .. بقه عبدالله الجدع الشهم المحترم اللي كانت الف بنت وبنت بتيجي تترمي عليكي عشان تجوزيهاله وانتي تقولي انه مش هياخد غير زينه البنات بحالها ومش اي واحده وخلاص ! .. عبدالله العاقل اللي عمره ما عمل حاجه غلط وكان دايما بييجي يبوس رجليكي عشان ترضي لما يكون حد مزعلك من خواته .. كان هو اللي بييجي يصالحك ويترمي في لحد ما ترضي !.. عبدالله اللي كان بيشتغل ليل مع نهار في كل حاجه عشانه يوفر لكم اللقمه ويراضي ده ويصالح ده ويطبطب علي ده ! .. اللي شال حمل البيت كله وهو في لسه في الكليه ومع ذلك كان بيطلع الاول ويشرفكم .. دا انتي كنتي بتتباهي بيه في كل حته وتشاوري عليه وتقولي ده عبدالله ابني ! .. شالكم من الفقر ووصلكم وخلاكم اغني ناس في البلد ونساكم الايام اللي مكنتوش بتلاقو فيها اللقمه الحاف .. يستاهل منك كل ده ! .. عبدالله يا خالتي ! .. دا انا
مشفتش علاقه ام بأبنها زيك انتي وعبدالله وكنت بغير منكم عشان امي مبتحبنيش كده !.. امته كنتي قاسيه كده يا خالتي عشان تقسي علي عبدالله ! .. عبدالله اخر واحد يستاهل منك كل ده ..
بكت الحاجه هدي وهي تتذكر كل موقف كلمه فرحه حزن لحظه مرت عليهما سويا .. شعرت بالاشتياق الشديد له ودموعها تنساب قائله اقولك ايه يا بنتي .. اكدب عليكي لو قلت لك اني مش نفسي اخده في تاني .. اكدب لو قلت لك انه موحشنيش.. دا كان حته من قلبي ..
مش عايزه اموت من غير ما اضمه لقلبي تاني .. بس مش قادره اصدق انه عمل كده في بنت عمه .. الوصيه اللي عمه أمنه عليها ..
كانت غاده تحاول استعطافها وتليين قلبها علي ولدها دون اخبارها
الحقيقه .. لا تريد اخبارها بحقيقه صديقتها التي طالما حملت سرها واحتفظت به طوال تلك السنوات كي لا تجعلهم يكرهونها .. بكل الاحوال هي ماټت ولا تريد سوا الدعاء لها بالرحمه والمغفره .. ولكن في تلك اللحظه شعرت ان عليها اخبارها هذا السر لن تسامح نفسها ابدا ان اتت ساعه مۏتها وهي لم تجمع بين الابن وامه وبالتحديد حين تمتلك الحقيقه الكامله .. بلعت ريقها في توتر وقد عزمت امرها وقررت فتح تلك الچروح التي غطي عليها الزمن لسنوات .. خالتي .. انتي ظالمه عبدالله اوي .. انا مش عارفه ابدأ منين ولا اقولك ايه بس انا الوحيده اللي عارفه ومتأكده ان عبدالله مظلوم .. وان .. ان رحاب هي اللي أذنبت في حقكم وحق عبدالله وحق نفسها
نظرت لها الحاجه هدي بتعجب وهي تجفف دموعها بوهن قائله
امسكت غاده بيدها قائله في هدوء هقولك يا خالتي عشان اريح ضميري ..
بينما كان يجلس ادهم بردهه القصر بعد ان قدمت له الخادمه فنجانا من القهوه وجد هاتفه يهتز فاخرجه ليجد
